IATF, masusing pinag-aaralan ang posibilidad ng pagluluwag pa ng travel restrictions sa bansa
- Published on October 26, 2020
- by @peoplesbalita
MASUSING pinag-aaralan ngayon ng Inter-Agency Task Force on the Emerging Infectious Diseases (IATF-EID) ang posibilidad ng pagluluwag pa ng travel restrictions sa bansa.
Sinabi ni Cabinet Secretary Karlo Nograles na partikular nilang pinag-uusapan ang pagpayag sa non-essential trav- els mula sa mga turistang galing sa mga bansang may mababang kaso ng COVID-19.
Aniya, pinag-aaralan na nila ang posibleng pagbubukas ng borders sa mga bansang halos walang kaso ng COVID-19.
Sinabi ni Nograles, co-chair ng IATF, na hindi magiging basta- basta ang pagbubukas ng Pilipinas sa mga turista galing sa ibang bansa.
“It is still something that has to be decided by the IATF at nung technical working group natin sa IATF. Rest assured, ito po ay pinag-uusapan, and it would be a calibrated step-by- step approach. Hindi po basta- basta ‘yan,” ayon kay Nograles.
Aniya, tinitingnan nila kung anong mga bansa ang tumatanggap din ng mga Pilipino.
“Kasi may mga ibang bansa na tumatanggap ng mga mula sa Pilipinas. So, tinitignan din natin yung option ng reciprocity. Kung sila ay tumatanggap ng mga Pinoy at Pinay, baka kung low transmission din naman po sila, baka tayo rin po ay papayag na tumanggap muli ng mula rin sa bansa nila, as reciprocity,” anito.
Kung sakali naman aniya na mapayagan nga ng IATF ay kaagad na maglalabas ng listahan ng mga bansa ang pamahalaan, maging ang alituntunin bilang pag-iingat pa rin sa COVID-19.
“Ipaalala ko lamang na ginawa ng Department of Health ‘yang guidelines na ‘yan in preparation for the eventuality na magbubukas po tayo sa mga coun- tries na low at medium transmission. So wala pa po tayo sa point na ‘yan. Pinangunahan lang ng DOH para preparado na medyo ang protocols ng DOH,” ang paliwanag ni CabSec Nograles.
Magugunitang, nakasaad sa pinakahuling resolusyon ng IATF na pinayagan nito ang non- essential outbound travel ng mga Pilipino basta may maipakita lamang na round trip ticket, travel at health insurance, at declaration na alam nila ang banta sa kanila ng pagbiyahe sa ibang bansa.
Kailangan din aniya na magpakita ang mga ito ng negatibong resulta mula sa antigen test na ginawa 24 na oras bago ang kanilang nakatakdang pagbyahe. (Daris Jose)
-
Kaso ng COVID-19 sa 9 na lungsod sa Metro Manila bumaba – OCTA
BUMABA ang kaso ng COVID-19 sa siyam na lungsod sa Metro Manila batay sa latest report ng OCTA Research group. Mula sa data ng Department of Health, sinabi ni Dr. Guido David ng OCTA Team, sa 1,712 Bagong kaso ng COVID na naitala nitong nagdaang linggo sa bansa , 369 lang dito ang […]
-
Kapasidad ng mga ospital na maka- accomodate ng mga COVID patients, patuloy na tumataas habang pababa ang naitatalang tinatamaan ng virus – Malakanyang
TINIYAK ng Malakanyang na marami pang hospital bed ang maaaring gamitin sa mga kinakapitan ng COVID -19. Sinabi ni Presidential Spokesperson Harry Roque na maayos sa kabuuan ang bed capacity na inihanda ng pamahalaan para sa mga COVID patients. Aniya, nasa 59% pa ang bakante para sa mga nangangailangang dalhin sa ICU habang 62% […]
-
Limang de-kalibreng pelikula, matindi ang labanan sa Best Picture; SYLVIA, CRISTINE, BELA, COLEEN at CHARLIE, bakbakan sa Best Actress sa ‘4th EDDYS’
INILABAS na ng Society of Philippine Entertainment Editors (SPEEd) ang official list of nominees para sa ikaapat na edisyon ng The EDDYS (Entertainment Editors’ Choice) na magaganap sa Marso 22. Virtual itong mapanood sa pamamagitan ng streaming sa iba’t ibang platforms, tulad ng SPEEd Facebook page, sa YouTube channel ng mga miyembro ng SPEEd at […]