Ika-3 titulo ng Ronda, pepedalin ni Morales
- Published on February 22, 2020
- by @peoplesbalita
SOBRANG pinagmamalaki ni Jan Paul Morales ang kanyang mga kakampi sa Standard Insurance-Navy.
Pinahayag kahapon (Biyernes) ng two-time bikathon champion, na puwedeng makopo ng kanyang tropa ang titulo sa LBC Ronda Pilipinas 10th Anniversary Race na sisiklab ngayong araw (Linggo) sa harap ng Sorsogon Provincial Capitol.
“Kahit sino sa mga kakampi ko puwede sa general classification, magtutulungan na lang kami kung sinong nasa itaas o may tsansa para sa title,” bulalas ng 34-anyos na siklista.
Nagkampeon dito si Morales noong 2016 at 2017, mga kakampi sina 2018 king Ronald Oranza, consistent top 10 finishers El Joshua Carino, George Oconer, Ronald Lomotos, John Mark Camingao at many-time King of the Mountain winner Junrey Navara. Nag-iisang bagito sa koponan si Lance Allen Benito.
Aminado si Morales na kaya pa niyang masilo ang pangatlo niyang titulo sa nasabing 10-Stage event na matatapos sa Vigan City sa Marso 4.
“I always aim to win in all the races I join and I’m confident of my chances this year,” panapos niyang pahayag.
Target ng mga siklista ang P1M premyong cash sa pedyakang lalahukan din ng Go For Gold, Scratch it, Celeste Cycles-Devel Project Pro Team, Bicycology (Army), Bike Xtreme, Tarlac/Central Luzon, Ilocos Sur, South Luzon/Batangas, Nueva Ecija at 7Eleven Cliqq-Air21 by Roadbike Philippines. (REC)
-
Health expert, nagbabala ng COVID-19 ‘surge’ matapos ang May 9 polls
MAAARING maharap ang bansa sa panibagong surge ng COVID-19 cases matapos ang May 9 polls o sa mga susunod na ilang buwan. Pinagbasehan ng isang government health adviser ang multiple factors na puwedeng maging dahilan nito kung saan kabilang dito ang pagdaraos ng superspreader events at ang humihinang immunity sa populasyon ng mga […]
-
Tsina, hindi magdadala ng giyera, kolonisasyon sa Pinas- envoy
TINIYAK ni Chinese Ambassador to the Philippines Huang Xilian na hindi magdadala ng giyera at kolonisasyon ang Tsina sa Pilipinas. Sa halip, ang bibitbitin aniya ng Tsina ay kooperasyon at pagkakaibigan lalo pa’t ang daan na tinatahak ng Tsina ay modernisasyon. Sa kabilang dako, sa gitna ng hindi pa rin nalulutas […]
-
LIQUOR BAN MULING IPINATUPAD SA NAVOTAS
Nagpasa ang Pamahalaang Lungsod ng Navotas ng City Ordinance No. 2021-18 na muling ipinagbabawal ang alak at pagbebenta ng alak at mga inuming nakalalasing sa lungsod. Labag din sa batas ang pagdala ng alak, pag-inom ng naturang inumin at gumala ng lasing sa anumang mga pampublikong lugar sa lungsod. “Safety protocols […]