• July 3, 2024
  • Search in People's Balita

  • Ang Diyaryong Pinagkakatiwalaan

 

Kawalang trabaho tumalon sa 4.5% nitong Hunyo, ayon sa PSA

UMAKYAT ang bilang at porsyento ng walang trabaho sa work force ng Pilipinas matapos itong humataw sa 2.33 milyon nitong Hunyo, mas mataas ng 159,000 kaysa noong Mayo 2023.
Ito’y matapos lumobo 4.5% ang unemployment rate para sa naturang buwan, mas mataas kumpara sa 4.3% bago ito, sabi ng Philippine Statistics Authority (PSA) nitong Miyerkules.
“The number of unemployed persons in June 2023 decreased to 2.33 million from 2.99 million in June 2022, posting a year-on-year decline of 663 thousand unemployed persons,” sabi ng ahensya kanina.
“However, the number of unemployed persons in June 2023 was higher by 159 thousand compared with the number of unemployed persons in May 2023.”
Naitala sa naturang June 2023 ang mga naturang datos:
unemployment rate: 4.5%
unemployed: 2.33 milyon
underemployment rate: 12%
underemployed: 5.87 milyon
employment rate: 95.5%
employed: 48.84 milyon
labor force participation rate: 66.1%
Kapansin-pansing mas mataas ang underemployment rate sa ngayon kumpara noong Mayo sa 11.7%. Tumutukoy ito sa milyun-milyong Pilipinong naghahangad pa ng dagdag na oras sa trabaho o dagdag na trabaho.
Karaniwang ginagawa ito sa tuwing naghahanap nang mas maraming kita ang tao.
Sumabay ang mas mataas na unemployment rate at mas maraming walang trabaho sa pagbaba ng employment rate sa 95.5%. Matatandaang nasa 95.7% ito noong Mayo 2023.
“By broad industry group, the services sector continued its dominance among the sectors in terms of number of employed persons with a share of 58.2 percent,” dagdag ng PSA.
“The agriculture and industry sectors accounted for 23.8 percent and 18.0 percent share, respectively.”
Hulyo lang nang ibida ni Pangulong Ferdinand Marcos Jr. sa kanyang State of the Nation Address (SONA) ang pag-igi ng kawalang trabaho nitong Mayo, bagay na malayo na raw sa naramdaman ng ekonomiya sa gitna ng COVID-19 lockdowns.
Bilang tugon, agresibo raw ang pamahalaan sa investment at business promotions and facilitations.
Nangyayari ang lahat ng ito matapos iulat ng Social Weather Stations na umakyat sa 10.4% ang bilang ng mga pamilyang Pilipinong nagsabing nakaranas sila ng kawalang pagkain bago nagtapos ang Hunyo.
Other News

  • 2 drug pushers arestado sa Caloocan buy-bust

    Rehas na bakal ang kinasadlakan ng dalawang tulak ng ilegal na droga matapos makumpiskahan ng baril at P68-K halaga ng shabu sa isinagawang buy-bust operation ng pulisya sa Caloocan City.   Kinilala ni Caloocan police chief Col. Samuel Mina Jr. ang naarestong mga suspek na si Michael Ponayo, 37 at Orwin Callejo, 37, kapwa (watch-listed pusher). […]

    read more

  • Netflix Gives A Glimpse Of Fuffy And Fream’s Unusual Relationship In ‘My Amanda’

    IN her new film on Netflix, it looks like Alessandra de Rossi of Kita Kita and Through Night and Day will break our hearts once again.     Netflix finally unveiled the official trailer of My Amanda, giving us a glimpse of the chemistry between Alessandra de Rossi’s Amanda and Piolo Pascual’s TJ, best friends who are seemingly on […]

    read more

  • Alert Level 0 ‘di na kailangan – DTI

    HINDI NA kailangan ng bansa na ibaba ang CO­VID-19 status nito sa Alert Level 0 dahil “totally open” o bukas na ang ekonomiya, ayon sa Department of Trade and Industry (DTI).     “Sa amin ho, hindi na kailangan mag-Alert Level 0 kasi bukas, totally open ang economy eh. Napag­usapan namin sa IATF (Inter-Agency Task […]

    read more
People's Balita.
All rights reserved. © Copyright 2024.