Kelot na nanggulo habang armado ng sumpak, swak sa selda
- Published on April 9, 2024
- by @peoplesbalita
ISANG lalaki na nanggulo at nambulabog sa katahimikan ng gabi habang armado ng baril ang bitbit ng pulisya sa selda sa Caloocan City.
Dakong alas-1:30 ng madaling araw nang mabulabog ang gising ng mga residente ng Robes II, Brgy. 175 Camarin sa ginawang panggugulo at paghahamon ng away ng suspek na si alyas “Topak” habang may bitbit na isang sumpak.
Ayon kay Caloocan police chief Ruben Lacuesta, kaagad itinawag ng isang concerned citizen sa lugar ang pagwawala ng suspek na dahilan upang respondehan ng mga tauhan ng Cadena De Amor Police Sub-Station-11 na nakakasakop sa lugar.
Pagdating sa lugar ay naabutan ng mga pulis, kasama ang ilang barangay tanod ang suspek na palakad-lakad at patuloy sa pagwawala habang hawak ang isang baril na dahilan upang dambahin kaagad siya ng mga otoridad.
Nakumpiska sa suspek ang isang improvised shotgun na may karga pang isang 12-gauge na bala.
Sasampahan ng pulisya ng kasong paglabag sa RA 10591 o Comprehensive Firearms and Ammunations Regulations Act ang suspek sa Caloocan City Prosecutor’s Office. (Richard Mesa)
-
Senior high students mauuna sa face-to-face classes
Posible na mauna ang mga senior high school (SHS) students na makapag-face-to-face classes sakaling payagan na ito ulit ng gobyerno. Ayon kay Education Undersecretary Diosdado San Antonio, sa ngayon ay patuloy na ang paghahanda ng ahensiya para sa dry run ng limited face-to-face classes habang hinihintay ang pagpayag ni Pangulong Rodrigo Duterte at […]
-
Chulani malaking kawalan para sa cycling – Tolentino
PINAGLUKSA ng komunidad ng cycling ang pagkamatay sa atake sa puso nitong Linggo, Enero 10 ni Ronda Pilipinas chairman Moe Chulani sa batam-batang edad lang na 45 taong-gulang. Nanguna ang bagong muling nahalal na pangulo ng Integrated Cycling Federation of the Philippines o PhilCycling (ICFP)) na si Abraham Tolentino, sa mga nakiramay sa mga […]
-
Confidental files ng OSG, sinigurong ligtas mula sa online breach
Tiniyak ng Office of the Solicitor General (OSG) na gumagawa na ito ng hakbang upang siguruhin na mananatiling ligtas ang mga confidential files nito mula sa online breach. Sa isang pahayag, sinabi ng OSG na ginagawa na nito ang lahat ng paraan upang maprotektahan ang mga confidential at sensitive information na nilalaman ng […]