• March 18, 2025
  • Ang Diyaryong Pinagkakatiwalaan

KONSEPTO NG 15-MINUTES CITY, NAIS GAYAHIN NG QC

PINAG-AARALAN na ngayon ng pamahalaang lokal ng Quezon City ang konsepto ng 15-minutes city strategy bilang bahagi ng kanilang komitment sa pagsusulong ng sustainable community sa lungsod.

 

 

Ang 15-minutes city ay isang urban model na nagsisigurong ang lahat ng esensyal na pangangailangang serbisyo gaya ng health care, job opportunities, parks at open spaces, at edukasyon ay accessible at malapit lamang sa bahay ng lahat ng mamamayan, ayon na rin kay Professor Carlos Moreno ng Sorborne University.

 

 

Layunin nito na idecentralize ang mga serbisyo at ibaba ito sa mga komunidad upang mapayabong pa ang ekonomiya at maisulong ang bio diversity at inclusivity at makapaghatid sa tao ng masustansyang mga pagkain.

 

 

Ayon kay Mayor Belmonte, nais nyang gayahin ang konsepto ng 15 minutes city dahil napahanga sya nito nang personal nyang masaksihan ito sa Paris, France upang mas mapaunlad pa ang pamumuhay ng mga mamamayan.

 

 

Kaugnay nito ay tinipon ng pamahalaang lokal ang mga researchers mula sa mga departamento upang pag-aralan ito. Kabilang dito ang Office of the City Administrator (OCA), Climate Change and Environmental Sustainability Department (CCESD), City Planning and Development Department (CPDD),City Architect Department (CAD), Parks Development and Administration Department (PDAD), Transport and Traffic Management Department (TTMD), and Barangay and Community Relations Department (BCRD).

 

 

Ayon kay CCESD Head Andrea Villaroman, bukod sa magiging accesible sa mga mamamayan ang serbisyo ng pamahalaang lokal, makatutulong din sa pangangalaga at pagprotekta sa kalikasan. Suportado rin nito ang target lungsod na makamit ang carbin neutrality sa taong 2050.

 

 

Paliwanag pa ni Belmonte, mahalaga ang partisipasyon ng mamamayan sa pagpapatupad ng 15 minutes city concept. Ang lahat ng pagsisikap ng mga residente, pribadong sektor at mga ahensya ng pamahalaan ay mahalaga tungo sa pagkamit ng liveable at sustainable na lungsod. (PAUL JOHN REYES)

Other News
  • Puring-puri rin ang producer ng ‘Mallari’: JC, walang masabi sa kakaibang experience working with PIOLO

    KASAMA si JC Santos sa bigating cast ng horror film entry ng Mentorque Productions na Mallari sa 49th Metro Manila Film Festival.     At inamin nga ng mahusay na aktor na isa sa dahilan si Piolo Pascual na bida ng pelikula, kaya niya tinanggap ang mapanghamon na role. Kaya sa tingin namin, siguradong lalaban […]

  • Vendor itinumba sa loob ng palengke sa Malabon

    TODAS ang isang vendor matapos barilin ng dalawang hindi kilalang mga suspek sa kanyang stall sa loob ng palengke sa Malabon City, kahapon ng madaling araw.     Dead-on-the-spot sanhi ng tinamong tama ng bala sa ulo ang biktimang si Michael De Ocampo, 48 at residente ng No. 31 S. Pascual St., Brgy. San Agustin. […]

  • PDu30, personal na nagpaabot nang pagbati sa mga miyembro ng PSG na nakapasa sa Bar exams

    PERSONAL na binati ni Pangulong Rodrigo Roa Duterte ang mga miyembro ng Presidential Security Group (PSG) na pumasa sa 2020/2021 bar examinations.     Sa isang text message, sinabi ni PSG spokesperson Major Zeerah Blanche Lucrecia, na nakipagkita ang mga bar passers kay Pangulong Duterte para sa isang photo opportunity sa Malago Clubhouse sa Malakanyang […]