LGU’s Civil Defense Units , sinabihan na maghanda para sa tropical storm Kristine
- Published on October 23, 2024
- by @peoplesbalita
KINALAMPAG ng Department of the Interior and Local Government (DILG) ang lahat ng local government units laban sa Tropical Storm Kristine.
Sa press briefing sa Malakanyang, sinabi ni Department of the Interior and Local Government (DILG) Secretary Juanito Victor Remulla Jr. na ang pagkilos ay bilang tugon sa naging direktiba ni Pangulong Ferdinand R. Marcos na maghanda ang bansa sa epekto ng bagyo.
“All units have been mobilized. All local government units have been informed,” ang sinabi ng Kalihim.
Sa kabila ng pagiging ‘unpredictable’ ng tropical storm, sinabi ni Remulla na ang lahat ng LGUs at civil defense units ay nasa ‘top of the situation.’
Tinukoy pa ni Remulla na ang rekumendasyon na suspendihin ang klase ngayong araw Oktubre 22 at 23 ay ipinalabas na sa LGUs sa Metro Manila at sa buong Luzon seaboard.
Suspendido rin aniya ang seacraft schedules.
“Again, we advised all government units to suspend classes in the entire Luzon seaboard, buong Luzon ‘yan,” ayon kay Remulla.
Samantala tiniyak naman ni Remulla na ang evacuation areas at relief goods ay nakahanda na. ( Daris Jose)
-
10 drug personalities natimbog sa Caloocan
Sampung hinihinalang sangkot sa ilegal na droga kabilang ang apat na babae ang nasakote ng pulisya sa magkahiwalay na drug opereation sa Caloocan City. Sa report ni Caloocan police chief Col. Samuel Mina Jr. kay Northern Police District (NPD) Director P/BGen. Nelson Bondoc, dakong 12:40 ng madaling araw nang magsagawa ng buy bust operation […]
-
P120 MILYON POULTRY, SEAFOODS PRODUCT, NASABAT NG BOC
AABOT na P120 milyong halaga ng poultry,seafood products ang nakumpiska ng Bureau of Customs (BoC) sa serye ng isinagawang pagsalakay sa pitong bodega sa Navotas City kamakailan. Katuwang ng BOC SA pagsalakay ang Investigation Service at the Manila International Container Port (CIIS-MICP), Department of Agriculture-Inspectorate and Enforcement Office (DA-IE), National Meat Inspection Service […]
-
15 na ang patay pati suicide bomber, halos 80 na sugatan sa twin bombings sa Jolo, Sulu
Binulabog ng dalawang magkasunod na malakas na pagsabog ang Jolo, Sulu. Ayon sa mga otoridad unang sumabog ang isang bomba dakong alas-11:58 ng umaga sa Brgy. Walled City, Jolo. Iniulat naman ng PNP na ang ikalawang pagsabog ay naganap pagsapit ng ala-1:00 ng hapon na hindi lamang kalayuan sa unang explosion (100 meters) […]