LGUs, nahihirapan na makapaghatid ng food aid sa mga biktima ni “Kristine” — DSWD
- Published on October 25, 2024
- by @peoplesbalita
NAHIHIRAPAN ang ilang local government units (LGUs) na makapaghatid at mamahagi ng food assistance sa mga pamilyang apektado ng Severe Tropical Storm Kristine.
Sa katunayan, sinabi ni Department of Social Welfare and Development (DSWD) Secretary Rex Gatchalian na 50,000 family food packs lamang mula sa 170,000 packs na nakatago sa iba’t ibang bodega sa Bicol Region ang nakuha ng LGUs.
“Actually, marami silang request pero nag-aantay kami na kunin nila at pick-up-in nila,” ang sinabi pa ni Gatchalian sa isang panayam.
“Katulad kahapon, kausap ko si Governor, acting governor ng Albay, si Vice Governor Glenda. Sabi nga niya, onti-onti nang bumababa ‘yung tubig sa Albay pero kailangan nila ng kaunting panahon bago nila makuha ‘yung mga goods sa aming mga warehouse,” dagdag na pahayag ng Kalihim.
Sa Camarines Sur, sinabi ni Gatchalian na dahan-dahang nakukuha ng mga awtoridad ang food packs, subalit nakapokus talaga ang mga ito sa pagsalba sa mga residente na apektado ng bagyo.
Ang signal No.3 ay nakataas sa mahigit sa 16 na lugar sa Luzon habang kumikilos si Kristine patungong Cordillera Administrative Region.
Nakapagtala naman ang mga awtoridad ng 20 kataong nasawi sa Bicol Region.
Ani Gatchalian, may karagdagang 50,000 food packs ang patungo na sa Bicol Region.
“Patuloy kaming nakikipagugnayan sa mga LGUs na kunin na ‘yung mga goods. Ang instruction ng Pangulo naman sa akin kahapon siguraduhin na hindi kami maubusan doon. So habang nag di-distribute tayo ngayon sa mga LGUs, meron na tayong mga goods na papunta ulit ng Bicol,” ang sinabi pa ng Kalihim.
Samantala, sinabi ni Gatchalian na ang LGUs ang responsable sa paghahatid ng food packs sa mga pamilya at hindi ang DSWD.
“Ang DSWD, ang role namin is suportahan ang ating mga LGUs kung sakaling kulangin sila ng mga goods. So tayo, nasa warehouse natin ‘yung mga good bago pa tumaman… ‘yung epekto ni Bagyong Kristine,” aniya pa rin.
Samantala dahil sa bagyong Kristine ay muling sinuspinde ng gobyerno ang pasok sa trabaho sa tanggapan ng pamahalaan at klase sa lahat ng antas sa buong Luzon. (Daris Jose)
-
Jenna Ortega’s ‘Miller’s Girl’ Is Going To Be Her Most Controversial Yet
‘MILLER’S Girl’ is a comedy drama from writer and director Jade Halley Bartlett. The film follows a teacher named Jonathan Miller (Martin Freeman) and his young, talented student, played by Jenna Ortega, who become entangled in a complex relationship after a creative writing assignment yields unexpected results. As lines blur and their lives […]
-
Kimi, David lupet sa National Juniors Tennis Championships
SWAK uli si Kimi Brodeth ng Ormoc City sa isa pang ‘twinkill’ samantalang saltong na pantayan ng batang si David Sepulveda ang una, pero nanalo at sumegunda sa wakas nitong weekend ng PPS-PEPP Baybay City National Juniors Tennis Championships sa Baybay courts sa Leyte. Kumopo ng dalawang korona rin sa balwarte sa nagdaang […]
-
3 dalaga nalambat sa P1.1 milyon shabu sa Navotas
UMABOT sa mahigit P1.1 milyon halaga ng shabu ang nasamsam ng mga awtoridad sa tatlong dalaga na umano’y sangkot sa illegal na droga matapos malambat sa buy bust operation sa Navotas City, kahapon ng madaling araw. Kinilala ni Navotas police chief Col. Dexter Ollaging ang mga naarestong suspek na sina Kyla Marie Legaspi, […]