Lim, iba pa 5 magti-training sa Turkey mula Peb. 23-Mayo 15
- Published on February 8, 2021
- by @peoplesbalita
LALABAS ang national karate team ng Philippines Sports Commission (PSC)-Olympic training bubble sa Inspire Sports Academy sa Calamba City, Laguna sa paglipad sa Istanbul, Turkey sa Pebrero 22 upang doon ipagpatuloy ang kampo para sa Olympic Qualifying Tournament (OFT) sa Paris, France sa Hulyo 11-13.
Napag-alaman ng pahayagang ito kahapon kay Karate Pilipinas Sports Federation Inc. (KSPFI) president Richard ‘Ricky’ Lim, na inurong ang Portugal Premier League sa Marso 12-14 buhat sa Peb. 14 sanhi nang pagsirit ng Coronavirus Diosease 2019 kaya sa Istanbul muna lalapag ang mga karatista.
Nasa Calambubble buhat pa noong Enero 15 sina Philippine 2019 Southeast Asian Games women’s kumite +61-kilogram champion Jaimie Christine Lim, Sharif Afif, Alvin Bagtican at Ivan Agustin.
Susunod na lang sa kanila sa Turkey camp na aabutin ng Mayo 15 sina Fil-Am Joane Orbon na manggagaling sa Estados Unidos, at Fil-Japanese Junna Tsukii na nasa Japan.
Kung pumasa sa OQT, susulong sila sa 32nd Summer Olympic Games 2020 sa Tokyo, Japan na na iniatras ng Hulyo 23-Agosto 8 sanhi rin ng pandemya. (REC)
-
MATAAS ANG KASO NG COVID PERO BUMABA ANG SEVERE AT CRITICAL
BAGAMA’T tumataas ang mga kaso ng COVID-19 sa maraming lugar sa bansa, bumababa naman ang severe at critical cases, ayon sa isang opisyal ng Department of Health (DOH). Gayunman, aminado si treatment czar at DOH Usec Leopoldo Vega na tumaas ang COVID cases sa Region 2,3, 4A, NCR , 7 at 10. […]
-
MGA BARANGAY, SK AT IBA PA, HINIHIKAYAT NA LUMAHOK SA KAUNA-UNAHANG QUEZON CITY GREEN AWARDS
NANANAWAGAN ang lokal na pamahalaan ng Quezon City sa mga barangay, Sanguniang Kabataan, Youth-Based Organization at mga negosyo na lumahok sa kauna-unahang Quezon City Green Awards at ipamalas ang kanilang best practices para sa disaster resiliency and sustainability. Layunin ng Quezon City Green Awards na kilalanin at bigyan ng insentibo ang grupong may […]
-
MANGGAGAWA NG PAL, TUMANGGAP NA NG SEPARATION PAY
NAKATANGGAP na ng kanilang separation pay ang mahigit sa 1,4000 manggagawa ng Philippine Airlines (PAL) na natanggap sa trabaho. Sa pahayag na inilabas ng Department of Labor and Employment – National Capital Region (DOLE-NCR) umabot sa P2.31 bilyon ang separation pay na naipamahagi sa 1,455 apektadong mangggagawa . Ang nasabing mga manggagawa na […]