LTO hiniling na suspendihin ang NCAP

HINILING  ng Land Transportation Office (LTO) sa mga lokal na pamahalaan na suspendihin muna ang pagpapatupad ng no-contact apprehension policy (NCAP) habang ang mga regulasyon ay inaayos at nirerepaso pa.

Ito ay sa gitna ng mga reklamo mula sa mga public utility vehicle drivers at mga pribadong may-ari ng mga sasakyan.

Sumulat si LTO assistant secretary Teofilo Guadiz III sa mga local government units (LGUs) na nagpapatupad ng NCAP upang magkaron muna ng paguusap ang mga transport officials para ayusin ang mga regulasyon sa nasabing polisia na kung saan ay sinasabi ng mga motorista na “objectionable.”

Kung kaya’t hiniling ng mga motorista na suspendihin muna ang pagpapatupad ng NCAP hanggang hindi pa naaayos ang mga nasabing regulasyon.

“I sent the letter last Friday and I’m giving them three days to respond. If they don’t respond then I will call them directly. If the LGUs reject the LTO’s appeal, I will meet with Interior and Local Government (DILG) secretary Benhur Abalos and recommend a review and suspension of NCAP. Maybe we will look into meeting with the DILG secretary who has supervision over LGUs to look into this. We can appeal our request if in case LGUs reject it. Maybe the DILG can refine and suspend the policy in the meantime,” wika ni Guadiz.

Ang mga motorista ay nagrereklamo sa mataas na multa kahit na minor lamang ang infractions at dahil na rin sa kakulangan ng mga stoplight countdown timers na siyang nagpapahirap sa pagtupad dito lalo na sa mga intersections.

Ayon pa rin kay Guadiz na ang mga kailangan baguhin ng mga LGUs sa pagpapatupad ng NCAP ay ang mga traffic infrastructure sa kanilang lugar na dapat ay bigyan agad ng aksyon at pansin.

“We believe that they need to fix their traffic timers because some traffic lights don’t have timers and then when there are jams and they are caught in the middle of an intersection, they are fined. It shouldn’t be that way, its not the motorist’s fault that he was caught in the middle of the road during a red light so there must be a way out of this,” dagdag ni Guadiz.

Sinabi naman ni Guadiz na aayusin din ng LTO ang problema sa vehicle registration upang ang mga operators na nagbenta ng kanilang PUV units ay hindi na ang mapatawan ng multa na dapat sana ay ang bagong ng may-ari ng sasakyan ang mabigyan ng karampatang multa.

Gagawa rin ang LTO ng paraan upang ang mga PUV drivers na nakagawa ng mga violations ang mapatawan ng multa at hindi na ang mga operators.

Ang NCAP ay isang programa sa road safety at traffic management na ipanatutupad ng lokal na pamahalaan ng Manila, Paranaque, Quezon City, San Juan at Valenzuela.

Habang ang Metropolitan Manila Development Authority (MMDA) naman ang siyang namamahala ng NCAP sa kahabaan ng EDSA.  LASACMAR