• February 28, 2024
  • Ang Diyaryong Pinagkakatiwalaan

MAG-INA NA DADALO SA BIRTHDAY PINAGBABARIL, TODAS

DEDBOL ang isang 62-anyos na ina at kanyang 39-anyos na anak na lalaki matapos pagbabarilin ng hindi kilalang mga suspek na sakay ng motorsiklo sa Malabon city, Miyerkules ng gabi.

 

Dead-on-the-spot si Luz Garcia, 62 at kanyang anak na si Ferdinand, kapwa residente ng 25 Hernandez St. Brgy. Catmon sanhi ng mga tinamong tama ng bala sa katawan.

 

Patuloy naman ang follow up imbestigasyon ng pulisya sa posibleng pagkakilanlan at pagkakaaresto sa mga suspek na mabilis na tumnakas sa hindi matukoy na direksyon matapos ang insidente.

 

Ayon kay Malabon police chief P/Col. Jessie Tamayao, naganap ang insidente bago mag-alas-6 ng gabi sa kahabaan ng Dulong Hernandez St., Brgy. Catmon habang sakay ang mag-ina sa kanilang electric bike at paparada sana sa harap ng isang sari-sari store para bumili ng sigarilyo.

 

Sa imbestigasyon ni police homicide investigators P/SSgt. Jeric Tindugan at P/SSgt. Jose Romeo Germinal II, dadalo ang mga biktima sa birthday celebration ng biyenan ni Ferdinand nang pagbabarilin sila ng hindi kilalang mga suspek.

 

Sinabi ni SSgt. Tindugan sa panayam sa kanya sa telepono na ayaw umano magbigay ng detalye ang mga kaanak ng mga biktima at mga residente sa lugar dagil sa takot na baka sila naman ang gantihan.

 

“Under investigation pa kaya wala pang malinaw na motibo, tikom lahat kasi ang bibig kaya parang me itinatago sila,” ani Sgt. Tindugan.

 

Nabatid na ang lugar, kung saan nangyari ang insidente ay kuta umano ng mga kilalang kriminal na sangkot sa iligal na gawain at maging ang mga pulis at opisyal ng barangay ay nahihirapan sa pagpapanatili ng kapayapaan at katahimikan sa nasabing lugar. (Richard Mesa)

Other News
  • Mas maraming envoys, nag-courtesy visits kay Marcos

    PATULOY ang pagdating ng mga  diplomats para magbigay ng courtesy visits kay  President-elect Ferdinand “Bongbong” Marcos Jr.     Kabilang na rito sina  United Nations Resident Coordinator in the Philippines Gustavo Gonzalez, Sweden Ambassador Annika Thunborg, Ambassador Charles Brown of the Holy See, at Irish Ambassador William Carlos.     Sinabi ni Thunborg  na ang […]

  • IATF, inaprubahan ang amended guidelines para sa Alert Level 1

    INAPRUBAHAN ng  Inter-Agency Task Force (IATF), araw ng Linggo, Pebrero  27, 2022, ang inamiyendahang guidelines sa Nationwide Implementation ng Alert Level System for COVID-19 Response.     Ilan sa mga  protocols na kailangang i-observe sa ilalim ng Alert Level 1 ay:     “Well-fitted face masks shall be worn properly at all times, whether outdoors […]

  • DR. GOMEZ: MEDICAL CANNABIS MALAPIT NG MAISABATAS

    Bagamat araw ng pagawa ngayong araw May 1, 2023 at walang pasok ang mga nag-oopisina sa gobyerno  at pribadong sector, tuloy pa rin ang nakagawian ng BAUERTEK Media Health Forum na ginanaganap tuwing lunes sa isang restaurant sa lungsod Quezon.     Ito ay pinangungunahan pa rin ni Dr. Richard Nixon Gomez bilang General Manager […]