Magkapatid timbog sa P340K shabu
- Published on March 3, 2020
- by @peoplesbalita
ARESTADO ang isang bebot at ang kanyang kapatid na kelot matapos makumpiskahan ng nasa P340K halaga ng shabu sa isinagawang buy-bust operation ng mga pulis sa Valenzuela city, kamakalawa ng hapon.
Kinilala ng bagong hepe ng Valenzuela City Police na si P/Col. Fernando Ortega ang mga naarestong suspek na si Khalillah Dagalangit, 23, at kanyang kapatid na si Jamil Dagalangit, 22, kapwa ng Tala, Caloocan City.
Ayon kay P/Col. Ortega, dakong alas-4 ng hapon nang isagawa ng mga operatiba ng Station Drug Enforcement Unit (SDEU) sa pangunguna nu P/Capt. Segundino Bulan Jr. ang buy-bust operation kontra sa mga suspek sa Gen. T. De Leon, ng lungsod sa koordiansyon sa PDEA.
Nagawang makapagtran-saksyon ng isang pulis na nagpanggap na poseur-buyer sa mga suspek ng isang sachet ng shabu kapalit ng P1,000 marked money at nang magkaabutan na, agad sumugod ang back-up na mga operatiba saka dinamba ang magkapatid.
Nakumpiska sa mga suspek ang humigi’t-kumulang sa 50 gramo ng hinihinalang shabu na tinatayang nasa P340,000 ang halaga, buy bust money, P500 cash, tatlong bundles ng empty plastic sachets, isang digital weighing scale, cellphone, at sling bag.
Kasong paglabag sa R.A 9165 o Comprehensive Dangerous Drugs Act of 2002 ang isinampa ng pulisya kontra sa mga naarestong suspek. (Richard Mesa)
-
Paniniwala ni Sec. Concepcion, puwede nang hindi magpatupad ng Alert Level system pagdating ng Marso o Abril
NANINIWALA si Presidential Adviser on Entrepenurship Joey Concepcion na makakaya na ng gobyerno na hindi na magpatupad pa ng alert level system pagsapit ng Marso o Abril. Sinabi ni Concepcion na nasanay na kasi aniya ang mga tao sa mga ipinatutupad na health safety protocol sa nakalipas na 22 buwan. Sa […]
-
Pagpaparehistro ng SIM card, dapat gawing madali para sa mga senior citizen – Poe
PINAALALAHANAN ni Senator Grace Poe ang telecommunication companies at National Telecommunications Commission (NTC) na dapat tiyakin na maging madali ang pagpaparehistro ng Subscriber Identity Module (SIM) card para sa mga senior citizen kasabay ng pagsisimula na bukas, Disyembre 27 ng mandatory SIM registration. Ayon sa Senadora dapat na ang Sim registration ay […]
-
Sara Duterte, nanumpa na bilang ika-15 na bise-presidente ng Pilipinas
NANUMPA na si Sara Zimmerman Duterte-Carpio bilang ika-15 bise presidente ng Republika ng Pilipinas sa pangunguna ni Supreme Court Associate Justice Ramon Paul Hernando. Nagbigay ng maikling talumpati si VP Sara at nanindigan sa kaniyang pagmamahal sa bayan. “Hindi ako ang pinakamagaling, o pinakamatalinong tao sa Pilipinas at sa mundo — […]