• July 13, 2024
  • Ang Diyaryong Pinagkakatiwalaan

Magna Carta on Religious Freedom Act, pasado na sa Kamara

LUSOT na sa ikatlo at huling pagbasa sa kamara ang panukalang Magna Carta on Religious Freedom Act (House Bill6492) na nagbabawal sa pamahalaan o sinuman na pahirapan, bawasan, hadlangan o panghimasukan ang karapatan ng isang tao na ihayag o ipakita ang kanyang religious belief o paniniwala, maliban na lamang kung magreresulta ito sa karahasan o kinakailangan protektahan ang publiko.
Nakakuha ito ng botong 256 affirmative, isang no at tatling abstentions na magbibigay proteksyon sa karapatan ng sambayanan para sa freedom of religion na ginagarantiyahan sa ilalim ng 1987 Philippine Constitution.
Inihayag ng mga awtor na nararapat na kilalanin, irespeto, pahintulutan at protektahan ang karapatan ng bawat Pilipino para gawin at ipahayag ang kanilang mga relihiyosong paniniwala.
Isa lamang ang HB 6492 sa mga panukalang batas na ipinasa ng Kamara sa unang araw ng pagbabalik ng sesyon ng kongreso sa ilalim ng pamumuno Speaker Martin Romualdez.
Alinsunod sa section 19 ng panukla, aabot sa P50,000 hanggang P2 milyong piso o pagkakakulong ng isa hanggang 10 taon ang maaring ipataw na parusa sa sinumang mapatutunayang lumabag dito. (ARA ROMERO)
Other News
  • Leonard bumida sa panalo ng Clippers

    Nagbagsak si Kawhi Leonard ng 28 points at nagdagdag si Terance Mann ng season-high 23 para banderahan ang Clippers sa 122-112 paglunod sa Philadelphia 76ers.     Nag-ambag si Paul George ng 24 points para sa pang-limang sunod na ratsada ng Clippers (31-16).     Umiskor si Tobias Harris ng 29 points para sa 76ers […]

  • Tubig sa Angat mababa na sa minimum operating level

    BUMABA na sa minimum operating level ang tubig sa Angat Dam sa Norzagaray, Bulacan.     Ayon sa PAGASA, nasa 179.99 meters na lamang ang tubig sa Angat na mas mababa sa 180-meter minimum operating level.     Mas mababa rin ito ng 0.46 meter kumpara sa 180.45 meter noong Biyernes, Hulyo 7.     […]

  • PDu30, oks na ipalabas ang P1.185 bilyong piso para sa special risk pay ng mga health workers

    INAPRUBAHAN ni Pangulong Rodrigo Roa Duterte ang pagpapalabas sa P1.185 bilyong piso mula sa contingent fund ng gobyerno noong nakaraang taon para sa special risk allowance (SRA) ng mga health workers na hindi pa nakatatanggap nito.     Sinabi ni Senador Bong Go na ang P1.185 bilyong piso ay huhugutin mula sa 2021 Contingent Fund […]