Mahigit 100 kanseladong POGO, nananatiling nag-o-operate -PAOCC
- Published on June 8, 2024
- by @peoplesbalita
SINABI ng Presidential Anti-Organized Crime Commission (PAOCC) na nananatiling nago-operate ang mahigit sa 100 kanseladong Philippine Offshore Gaming Operators (POGOs) sa bansa.
Sa Bagong Pilipinas Ngayon forum, sinabi ni PAOCC spokesperson Winston John Casio na sinusubaybayan ng ahensiya ang 402 kanseladong POGO hubs.
“Sa listahan na binigay ni [Philippine Amusement and Gaming Corporation] noong nakaraang taon, meron silang 402 na di umano’y mga kanseladong mga POGOs,”ayon kay Casio.
“Sa aming pagmamanman doon sa 402 na iyon, marami pa ho halos 100 ang mga operational sa mga iyon,” aniya pa rin.
Ani Casio, sa ngayon, apat na POGO hubs ang naipasara ng PAOCC, sa tulong ng Philippine National Police (PNP) at National Bureau of Investigation.
Tinuran pa ni Casio na umabot pa ng limang linggo ang PAOCC para sa case buildup at dalawang buwan naman para sa operasyon laban lamang sa isang POGO hub.
“To be honest, at the rate we are going, hindi ho yata natin kayang tapusin ang problemang ito hangga’t hindi magkakaroon ng polisiya na mas malalim at mas malakas laban dito sa mga scam farms ng mga ito,” aniya pa rin.
At nang tanungin kung irerekomenda ng PAOCC kay Pangulong FerdinandMarcos Jr. ang “total ban” sa mga POGOs, sinabi ni Casio na bahala na si PAOCC chair, Executive Secretary Lucas Bersamin sa bagay na ito.
Winika ni Casio na palaging sumasangguni si Bersamin sa ibang Cabinet secretaries at law enforcement agencies. (Daris Jose)
-
2 kalaboso sa P137K shabu sa Valenzuela
DALAWANG drug suspects, kabilang ang isa umanong high value target ang arestado matapos makuhanan ng higit P.1 milyon halaga ng shabu sa magkahiwalay na drug operation sa Valenzuela City. Sa report ni Valenzuela police chief Col. Ramchrisen Haveria Jr, kay Northern Police District (NPD) Director P/BGen. Jose Santiago Hidalgo, Jr., alas-11:20 ng gabi […]
-
Bilateral relations ng Amerika at Pilipinas, hindi magbabago sinuman ang manalo sa US Presidential elections – Malakanyang
MANANATILI at walang magbabago sa bilateral relations ng Pilipinas at Estados Unidos sinuman kina re- electionist US president Donald Trump at dating Vice President Joe Biden ang manalo sa ginaganap ngayong presidential election. Ayon kay Presidential spokesperson Harry Roque, sinuman ang tanghaling Presidente ng Amerika matapos ang resulta ng halalan ay mananatiling mainit ang […]
-
Zavier Lucero, UP Fighting Maroons amoy UAAP titulo
Schedule sa Miyerkoles (Smart Araneta Coliseum) 5:30 pm – Awarding Ceremony 6 pm – AdMU vs UP Namuro ang defending champion UP Fighting Maroons ang pangalawang sunod na titulo ngayong taon nang bidahan ni Zavier Lucero upang pabagsakin ang Ateneo Blue Eagles, 72-66, sa 85th University Athletic Association of the Philippines men’s basketball […]