Mahigit sa 1.3 milyong katao, apektado ng Carina, Butchoy – NDRRMC
- Published on July 30, 2024
- by @peoplesbalita
TINATAYANG umabot na sa 1.3 milyong katao sa buong bansa ang naapektuhan ng mga bagyong Carina at Butchoy na tumama sa bansa.
Sa ulat ng National Disaster Risk Reduction and Management Council (NDRRMC), sinabi nito na 1,319,467 katao o 299,344 pamilya ang naapektuhan ng mga nasabing bagyo. Sa mga naapektuhan, may 211,396 katao o 53,414 pamilya ang nasa evacuation centers.
Sinabi nito na ang Bangsamoro Autonomous Region in Muslim Mindanao ang rehiyon na may pinakamalaking bilang na mga naapektuhang tao, may 552,971 indibidwal o 110,874 pamilya.
Para sa mga naapektuhan lamang ng bagyong Carina, ang kabuuang tulong na na ibigay ng gobyerno ay P61.3 million, nagmula sa iba’t ibang sources partikular na sa Department of Social Welfare and Development, Office of Civil Defense, local government units, at nongovernment organizations.
Ayon naman sa Department of Budget and Management, mayroon pang P11 billion ang gobyerno na available sa ilalim ng National Disaster Risk Reduction Management Fund (NDRRMF) para gamitin sa relief efforts para kay Carina.
“Our government is prepared. We are ready to support all operations for disaster rescue and relief with the necessary budget. Identified frontline government agencies may mobilize their Quick Response Fund (QRF) allocated in their respective budgets,” ang sinabi ni Budget Secretary Amenah Pangandaman.
Sa ulat, nananatiling nasa 14 ang naitalang nasawi dala ng sama ng panahon dulot ng hanging Habagat na pinalakas ng Bagyong Carina.
Batay sa ulat ng NDRRMC, ang kumpirmadong nasawi kabilang na ang 4 mula sa Zamboanga at tig-1 naman mula sa Northern Mindanao, Davao, Bangsamoro Autonomous Region in Muslim Mindanao, at Metro Manila.
Ayon sa impormasyon ng NDRRMC, nasawi ang 4 dahil sa suffocation matapos na ma-trap sa landslide sa 2 sitio ng Barangay Pamucutan, Zamboanga City.
Samantala, isang bangkay ang natagpuang palutang-lutang sa ilog ng Pulangi, Kabacan, North Cotabato.
Habang 2 naman ang naitalang nasawi dahil sa pagkalunod mula sa Pagalungan, Maguindanao del Sur at Quezon City.
Ang ibang nasawi ay hindi naman naisama sa reporting ng NDRRMC kaugnay sa sanhi ng kanilang pagkamatay. (Daris Jose)
-
IT’S DO-OR-DIE FOR SUPER-VILLAINS IN “THE SUICIDE SQUAD” FIRST TRAILER
THEY’RE dying to save the world! Gear up for the first trailer of James Gunn’s “The Suicide Squad” which has just been revealed by Warner Bros. Pictures. Check it out below and watch “The Suicide Squad” in Philippine cinemas this 2021. YouTube: Red Band Full Length Trailer — http://bit.ly/thesuicidesquadfulltrailer Facebook: […]
-
KINASUHAN NA
INIHARAP ni Manila Mayor Francisco “Isko Moreno” Domagoso ang limang suspek, kabilang ang 4 na menor de edad na nag “trip” sa isang balloon vendor na kumalat sa social media. Ang menor de edad ay sinamahan ng kanilang mga magulang na nagtungo sa Manila City Hall gayundin si Dranreb Colon, 18, ng 1464 Ilang-ilang […]
-
Civil Service Commission, may paalala sa mga kawani ng gobyerno na magsasagawa ng Christmas party
TODO paalala ngayon ang Civil Service Commission (CSC) sa lahat ng mga tanggapan ng pamahalaan na siguruhing hindi maaantala ang kanilang serbisyo kahit na kaliwa’t kanan na ang Christmas at year-end parties. Ayon kay CSC Chairperson Karlo Nograles, hindi naman ipinagbabawal ang pasasagawa ng office parties lalo’t taunang tradisyon na ito ngayong holiday […]