MAJA, nagtayo ng sariling management company at forever grateful sa Star Magic/ABS-CBN; ‘Niña Niño’, malapit ng mapanood sa TV5

NAGTAYO na ng sariling management company si Maja Salvador na kung saan excited na siya sa bagong yugto ng kanyang showbiz career.

Post niya sa kanyang Instagram account, “Ako po ay sobrang excited sa bagong yugto ng aking career at makita kung saan ako nito dadalhin. Sa aking pagpapatuloy dito sa industriya, I think the best move for me now is to manage myself. At para magawa ko po ito successfully, I put up Crown Artist Management Inc., @crownartistmgmt kasama ang mga tao na malapit sa puso ko.

     “I’m forever grateful for all the love I’ve been given by my Star Magic family, and the opportunities I’ve been blessed with working with very talented people in the industry. Kung sino ako ngayon, I owe to them and ABS-CBN dahil sa kanilang pag gabay at pagtiwala sa aking kakayanan.

     “Sa malaking hakbang na ito with my own management company sana tuloy tuloy niyo pa din po akong suportahan in this new journey of mine trying to make other people’s dreams come true as well, tulad na lang ng pagtupad niyo ng sarili kong pangarap.
     “Maraming salamat po. #Crown”

Marami naman celebrity friends ang natuwa at bumati kay Maja sa kanyang sariling management company at wish niya na maging matagumpay. Proud na proud naman ang kanyang boyfriend na si Rambo Nunez.

Samantala, nilabas na ang trailer ng Niña Niño na pagbibidahan ni Maja sa twitter post ng Cornerstone Ent, “Malapit na malapit na mapanood ang teleserye na magbibigay ng bagong pag-asa at ng himala. Kasama si Noel Comia bilang Niño at ang Primetime Majesty, Ms. @dprincessmaja bilang Niña. Abangan ang Niña Niño, ngayong April na sa Todo Max Primetime ng TV5! #NiñaNiñoSaTV% #CS_Studios.”

Marami namang netizens ang excited na sa pagbabalik-serye ni Maja dahil sa kakaibang character na naman ang kanyang gagampanan.

Ila sa naging comment nila:

“Sana mag rate yung show as we see a ligther and different role ni Maja.”

“Timing yan para sa Mahal na Araw. Aabangan ko…”

“Nakakamiss ang pag-acting ni Maja. Thank u TV5!”

‘Maja is Maja, kahit ano o kaninong production pa yan. She gives her best.”

“MAJA is a versatile artist. She can act, dance, & sing. Multi-talented kaya hindi yan mababakante sa trabaho.”

“Sana maganda ito at mag-click sa ratings. Magaling na artista si Maja pati na rin ang mga kasama niya sa series.”

“i find ABS-CBN petty for not getting Maja back. they are asking for loyalty, pero sila ba loyal sa artists nila and sa personnel nila? because of them Star Magic as we knew it is no longer the powerhouse that it once was when it comes to developing talents.”  (ROHN ROMULO)