Malakanyang, no reaction sa pagbabalik ng ABS-CBN sa telebisyon
- Published on October 9, 2020
- by @peoplesbalita
DEADMA at “no reaction” ang Malakanyang sa ulat na pagbabalik ng ilang ABS-CBN Corp content sa free television.
May tatlong buwan na nang pagkaitan ng Kongreso na mabigyan ng prangkisa ang ABS- CBN.
Araw ng Martes nang sabihin ng ABS-CBN na ilan sa kanilang entertainment shows at movies ay mapapanood sa A2Z channel 11, ang bagong rebranded Zoe TV 11, simula Oktubre 10 sa pamamagitan ng blocktime arrangement.
“What has happened is ABS- CBN has become a content provider so that’s a distinct line of business that does not require a franchise. I guess the fans of ‘Probinsyano’ and the other soap operas can look forward to them on Zoe TV,” ayon kay Presiden- tial Spokesperson Harry Roque.
“We neither welcome it nor we have no reaction to it because they’re a content provider. For all intents and purposes, it is Zoe that will be subject to regulation because Zoe is the franchise holder,”anito.
Sa kabilang dako, wala namang ideya si Sec. Roque kung nag-usap sina House Deputy Speaker Bro. Eddie Villanueva, founder ng Zoe Broadcasting Network Inc. at Pangulong Duterte hinggil sa naging kasunduan ng ABS-CBN at Zoe nang magkita ang mga ito sa pray noong nakaraang linggo.
Sa ulat, inihahanda na ang pag-ere ng mga programa ng ABS-CBN sa ZOE TV ni Bro. Eddie Villanueva na umeere bilang Light TV 33.
Familiar ang network ni Bro. Eddie dahil dito dati blocktimer ang GMA News TV.
Fourteen years ding may bloke ng mga programa ng GMA News TV na dati ay QTV.
Noong nakaraang taon lang natapos ang kontrata ng GMA News TV sa istasyon na ito ni Bro. Eddie.
Ngayon ay sa Light TV 33 na nga ang ZOE TV at alam nating religious station ito ng Jesus is Lord Fellowship.
Matatandaang, bigo ang ABS- CBN na makakuha ng boto mula sa kongreso pabor sa kanilang pagkakaroon ng panibagong prangkisa.
Para maaprubahan ang pagbigay sa higanteng network ng 25-year franchise, kinakailangan nilang makakuha ng malaking bilang ng boto mula sa kongreso. Subalit hindi ito ang nangyari sa naganap na botohan nitong Biyernes, July 10.
Sa bilang na 70-11, bigo ang Channel 2 na muling magkaroon ng prangkisa bunsod ng malaking bilang ng mga kongresista na hindi sang-ayon dito.
Bukod pa doon, dalawa sa kanila ang hindi sumali o nag- abstain sa isinagawang eleksyon. (Daris Jose)
-
Roque kokonsultahin si PDU30, pamilya ukol sa 2022 Senate bid
SINABI ni Presidential Spokesperson Harry Roque na kakausapin na muna niya si Pangulong Rodrigo Roa Duterte bago magdesisyon kung maghahain o hindi ng kanyang certificate of candidacy (COC) para sa pagka-senador sa May 2022 elections. “Magkakausap muna po kami ni Presidente and I continue to consult with my family members and my supporters as […]
-
Multi-billion peso fund transfer ng DICT at MMDA pinaiimbestigahan sa Kamara
PINAIIMBESTIGAHAN ni Senior Deputy Minority Leader at Northern Samar Rep. Paul Daza ang proyektong na bid out ng Metro Manila Development Authority (MMDA) sa halagang P1.1-billion. Ang nasabing proyekto ay para sa NCR Fiber-Optic Backbone Development. Diin ni Daza na ang nasabing pondo ay originally allocated para sa Department of Information […]
-
3 MENOR DE EDAD NA KABABIHAN, NAISALBA SA ONLINE SEXUAL EXPLOITATION
NAISALBA ng National Bureau of Investigation (NBI)-Anti Human Trafficking (AHTRAD) ang tatlong menor de edad na kababaihan na biktima ng Human trafficking sa Dasmarinas City, Cavite. Ayon kay NBI Officer-in-Charge (OIC) Director Eric B. Distor na nag-ugat ang kaso mula sa Federal Bureau of Investigation (FBI) na ipinadala sa Philippine Internet Crimes Against Children […]