• June 21, 2024
  • Ang Diyaryong Pinagkakatiwalaan

Malakanyang, umapela sa mga pork vendors na nakiisa sa pork holiday

UMAPELA ang Malakanyang sa mga vendors o manininda sa Metro Manila na nakiisa sa “pork holiday” dahil sa pangamba na mabangkarote sa gitna ng ipinatupad na price freeze ng pamahalaan na ipagpatuloy na ang kanilang pagtitinda.

 

Ang katwiran ni Presidential Spokesperson Harry Roque, ang tulong ng pamahalaan ay sapat na para maka-survive ang mga ito.

 

“May mga grupo na nag-declare ng pork holiday, meron rin pong nanawagan ng pagkain ng alternative protein sources. Sinusuportahan po natin iyong panawagan for consuming alternative protein sources, pero nakikiusap po kami sa mga nagtitinda ng baboy na ipagpatuloy nyo po ang pagtitinda,” ayon kay Sec. Roque.

 

Ikinasa ang pork holiday sa unang araw ng implementasyon ng price ceiling na ipinag-utos ni Pangulong Rodrigo Roa Duterte bilang tugon sa naging kahilingan ng Department of Agriculture (DA) at apela ni Sen. Bong Go.

 

Ipinag-utos na ni Pangulong Duterte ang pagtatakda ng price ceiling na pipigil sa pagtaas ng presyo ng produktong baboy at manok.

 

Sa Executive Order 124 na nilagdaan ng Pangulo, itinakda ang presyo ng kasim/pigue ng baboy sa P270 kada kilo samantalang ang liempo ay P300 kada kilo.

 

Ang presyo naman ng dressed chicken ay hindi dapat lumampas sa P160 kada kilo.

 

Ang nasabing price ceiling ay epektibo sa Metro Manila sa loob ng 60 araw.

 

Dahil sa price cap,  maraming pork stalls sa mga pamilihang katulad ng Balintawak, Divisoria at Trabajo ang nakiisa sa pork holiday, araw ng Lunes.

 

“The government will source pork from areas not hit by the ASF, and pointed out that South Cotabato-based culling groups can supply 10,000 heads of hogs weekly for Metro Manila alone. Gobyerno na po ang magpapakalat nito sa merkado,” ayon kay Sec.Roque.

 

Aniya, ang farmgate price ng baboy ay P145 per kilo, at ang transportation subsidy para sa supply ng baboy na magmumula sa rehiyon ng Mindanao, Visayas at lalawigan ng Luzon ay P21, P15 at 10.

 

Nauna rito, nagkaisa namang sinabi ng mga pork vendors na ang price cap ang nagtulak sa kanila para magsagawa ng pork holiday.

 

 

Para naman kay Sec. Roque, inaasahan na ng gobyerno na ganito ang maagiging tugon ng mga pork vendors subalitk kailangan din na ikunsidera ng mga ito ang tulong na magmumula sa pamahalaan.

 

“Sinabi naman po ng economists na makakapaekto sa supply ang price cap, pero 10,000 a week ang manggagaling sa South Cotabato alone, at inaayos rin po ng DAang ibang panggagalingan ng supply,” ang pahayag ni Sec. Roque.

 

“Anticipated naman po natin ‘yan (pork holiday), pero kinakailangan pong gawin po ‘yan (price cap),” anito. (Daris Jose)

Other News
  • 15K NA MGA COVID19 CONTRACT TRACER HANAP MULI NG DILG

    TATANGGAP muli ang Department of the Interior and Local Governmen (DILG) ng may 15,000 contact tracers  para sa COVID-19 contact-tracing efforts.     Kailangan ngayon ang mga ito lalo na at may bagong UK variant ng COVID19 na nakapasok na sa bansa.     Sa memorandum na nilagdaan ni DILG Officer-in-Charge Bernardo Florece, Jr., inatasan ang DILG […]

  • NORA, kuhang-kuha ang aura ng isang kontrabida na tulad ni Bella Flores

    IMPRESSED kami sa mga photos ni Ms. Nora Aunor posted sa Facebook na sa palagay namin ay para sa promo ng Kontrabida, ang bagong movie ng Superstar from Godfather Productions.     Ibang-iba ang dating ni Ate Guy sa mga larawan. Kuhang-kuha ang aura ng isang kontrabida.     May isang photo na sa biglang […]

  • NBI hahagilapin 2 nawawalang close contacts ng Pinoy na may ‘new COVID variant’

    Kukunin na ng Department of Health (DOH) ang tulong ng Department of Justice (DOH) sa pamamagitan ng National Bureau of Investigation (NBI) para matunton ang mga nalalabing nakasalamuha ng unang nahawaan ng United Kingdom variant ng coronavirus disease (COVID-19).     “We have coordinated with the [DOJ] and we will be providing these two names to […]