Mayroong parameters bago maibaba sa MGCQ ang quarantine classification
- Published on February 20, 2021
- by @peoplesbalita
MAYROONG mga parameters na ginagamit ang iba’t ibang ahensya ng gobyerno bago pa masabing puwede nang maibaba sa Modified General Community Quarantine (MGCQ) ang quarantine classification sa isang lugar o sa buong bansa.
Sinabi ni Health Usec. Maria Rosario Vergeire, na kailangan ding makita ang kakayanan ng mga local government unit pagdating sa gatekeeping indicators kung saan kasama dito ang surveillance capacity, isolation and quarantine capacity, testing capacity at ang kanilang kapasidad na kontrolin ang kaso ng Covid-19.
Ang mga mahahalagang aspetong ito ang dapat na makita sa mga lokal na pamahalaan upang masigurong maipatutupad ang pagluluwag ng klasipikasyon.
Sa pamamagitan kasi ng ganitong set-up ay masisiguro ng gobyerno na kakayanin na ng bawat LGU na magpatupad ng localized lockdown dahil sa kanilang sapat na kaalaman hinggil sa pag-prevent at pagkontrol ng transmission ng virus.
Sa ulat, mayorya ng mga alkalde sa Metro Manila ay pabor na isailalim sa Modified General Community Quarantine (MGCQ) ang buong bansa.
Ayon kay Navotas Mayor Toby Tiangco, siyam sa mga Metro Manila mayors ang sumang-ayon para sa MGCQ, habang walo naman ang bumoto na isailalim muna ito sa GCQ.
Samantala, nakatakda namang isumite ang resulta ng naturang botohan sa Inter-Agency Task Force na maglalatag naman ng rekomendasyon kay Pangulong Rodrigo Roa Duterte. (Daris Jose)
-
Poverty rate sa PH, target na maibaba sa 9% sa katapusan ng termino ng Marcos administration – DOF chief
TARGET na maibaba ang poverty rate sa bansa sa katapusan ng termino ng Marcos administration sa taong 2028. Pagsisiwalat ni Department of Finance (DOF) Secretary Benjamin Diokno na ang naturang layunin ay bahagi ng medium-term fiscal consolidation framework ng ahensiya na iprinisenta sa unang Cabinet meeting ng pangulo. Hindi lamang daw […]
-
LTFRB: 70% PUV capacity pa rin sa NCR
Ang kapasidad ng mga public utility vehicles (PUVs) sa National Capital Region ay mananatili pa rin sa 70 porsiento ngayon kapaskuhan kahit na ang Metro Manila ay nasa “very low” risk ng klasipikasyon. Isang memorandum circular ang nilabas ng Land Transportation Franchising and Regulatory Board (LTFRB) na may updated na guidelines para […]
-
VILMA, pangarap pa rin ni Direk BRILLANTE na makatrabaho sa isang movie; type ding maidirek sina JOSHUA at NADINE
BIHIRA ang pagkakataon na makakwentuhan ang Cannes Palme D’Or winner director na si Brillante Mendoza. We were fortunate na naimbita ng award-winning director sa kanyang Secret Garden sa Mandaluyong, na ang laki na nang pagbabago since the last time we were able to go there many years ago. Kahit na mahaba […]