Megawide kinuha ng SMC upang gumawa ng bagong terminal building sa Caticlan airport
- Published on December 7, 2024
- by @peoplesbalita
KINUHA ng San Miguel Corp. (SMC) ang infrastructure-conglomerate na Megawide Construction Corp. upang sila ang mag develop ng Caticlan airport upang maging isang world-class na airport ito.
Ayon sa Megawide nakuha nila ang kontrata para gawin ang design at ang pagtatayo ng bagong passenger terminal building sa Caticlan airport.
Ang Caticlan airport na siyang gateway sa Boracay Island ay pagmaymayari at pinatatakbo ng Trans Aire Development Holdings Corp. na isang subsidiary ng SMC Infrastructure.
“This will be another exciting opportunity for Megawide – to be able to work with one of the country’s largest and oldest conglomerates, San Miguel Corporation, and help realize its vision of a world-class facility at Caticlan Airport. We hope to impart our engineering excellence and be able to integrate our sustainable methodologies to this landmark development,” wika ni Megawide CEO at chairman Edgardo Saavedra.
Magkakaroon ng groundbreaking buwan ng December ang pagtatayo ng bagong terminal building sa Caticlan Airport.
Inaasahan na ang Megawide ay makapagbibigay ng isang efficient at environmentally friendly na proseso sa lahat ng aspeto ng development ng nasabing airport.
“Our search for a partner contractor who shares our vision of modernizing airports in the country has concluded with our partnership with Megawide. We believe that Megawide’s track record of building key infrastructure through efficient and sustainable practices will help us deliver a world-class facility within our committed deadline,” saad ni SMC chairman at CEO Ramon Ang.
Sinabi ni Ang nooon pa na gusto niyang matapos ang bagong terminal building sa Caticlan airport ng hindi tatagal ng tatlong (3) taon upang mas dumami ang mga turista sa pupunta sa Boracay at karatig na lugar.
Ang Megawide ay kilala bilang isang kumpanya na magaling sa paggawa ng vertical-integrated engineering, procurement at construction operations kasama na ang paggawa ng mga precast at construction solutions business.
Samantala, sa pamamagitan ng SMC Infrastructure, ang SMC ay nakatuon ang pansin sa paggawa at pagpapaganda ng mga pangunahing airports sa bansa. Isa na rito ay ang Godofredo P. Ramos airport sa Aklan o ang tinatawag na Caticlan airport.
Ang SMC rin ang gumagawa ng tinatayong New Manila International Airport sa Bulakan, Bulacan kasabay ang rehabilitasyon ng Ninoy Aquino International Airport sa Manila. LASACMAR
-
Walang ‘house-to-house’ search sa COVID-19 patients – Palasyo
Walang magaganap na house-to-house para i-test ang mga mamamayan at matukoy kung sino ang positibo sa COVID-19. Ayon kay Presidential Spokesperson Harry Roque, ang gagawin lamang ng gobyerno ay ililipat sa mga quarantine facilities ng gobyerno ang mga sumasailalim sa home quarantine na puwede pa ring makasa-lamuha ng mga miyembro ng kanilang pamilya. […]
-
‘Pang-4 lang si Rappler CEO Maria Ressa na convicted sa cyber libel case ‘di kauna-unahan’ – DoJ
Nilinaw ngayon ng Department of Justice (DoJ) na hindi ang CEO ng Rappler na si Maria Ressa ang kauna-unahang Filipino journalist na convicted sa kasong cyber libel sa Pilipinas. Sa mga lumabas na report kahapon, si Ressa ang unang mamamahayag na convicted na lumabag sa naturang batas. Pero ayon kay DoJ Usec. at […]
-
Brittney Griner nakabalik na sa US matapos mapalaya
Nakabalik na sa US si WNBA star Brittney Griner matapos na siya ay palayain dahil sa pagkakakulong sa Russia. Dumiretso agad ito sa San Antonio,Texas para sumailalim sa ilang medical test. Napalaya si Griner matapos ang ginanap na prisoner swap kapalit ni Russian arms dealer na si Viktor Bout. […]