Mister isinelda sa pangmomolestiya sa live-in partner ng anak
- Published on January 13, 2023
- by @peoplesbalita
REHAS na bakal ang kinasadlakan ng isang contractor matapos ireklamo ng pangmomolestiya sa live-in partner ng kanyang anak sa Navotas City, ng madaling araw.
Nahaharap sa kasong Acts of Lasciviousness ang suspek na kinilala lang sa alyas “Rudy”, 44-anyos, contractor at residente ng Brgy. NBBS Proper.
Sa report ni PCpl Myra Guiruela kay Navotas police chief P/Col. Dexter Ollaging, dakong alas-3 ng madaling araw nang magising ang biktima na itinago sa pangalang “Ligaya”, 21, matapos marinig ang pagtatalo ng kanyang live-in partner at ng suspek sa loob ng kanilang bahay sa Brgy. NBBS Proper.
Dito, napansin ng biktima na nakahubad na ang kanyang short saka nagtaka siya kung bakit nasa tabi niya ang suspek at nang kanyang komprontahin ay dali-daling lumabas ng kuwarto.
Nang tanungin ng biktima ang kanyang live-in partner kung anu ang nangyari ay sinagot siya ng “Hinubaran ka na hindi mo pa alam” bago kinompronta naman ng partner niya ang ama nito ng “Pa bakit mo naman ginawa sa asawa ko yun”.
Matapos nito, humingi ng tulong ang mag-live-in partner sa mga tauhan ng Sub-Station 4 ng Navotas police na nagresulta sa pagkakaaresto sa suspek. (Richard Mesa)
-
VENDORS BIBIGYAN NG LIBRENG SWAB TESTING
INIUTOS ni Manila Mayor Isko Moreno Domagoso na isailalim sa libreng “swab test” ang lahat ng vendors sa labing-pitong public market sa lungsod ng Maynila. Ang naturang direktiba ay sinabi ni Yorme kina Sta. Ana Hospital Director Dr. Grace Padilla at Market Administrator Zenaida Mapoy kung saan layunin ng alkalde na maging ligtas […]
-
Pagmamahalang Jodi at Raymart, maraming masaya at mauwi sana sa kasalan
FINALE episode na ngayong gabi ng ng I Can See You: Love on the Balcony pero unang gabi pa lang itong ipinalabas, may mga request na ng part 2. Ang tanong nga lang, magkakaroon pa kaya ng part 2 ang tandem nina Asia’s Multi- media Star Alden Richards at Jasmine Curtis-Smith? Balita kasi […]
-
Tiniyak ng DBM, pag-aaral sa posibleng umento sa sahod ng mga manggagawa sa gobyerno, matatapos sa unang bahagi ng 2024
TINIYAK ng Department of Budget and Management (DBM) na matatapos sa unang bahagi ng taon ang “comprehensive study” ukol sa potensiyal na salary adjustment para sa mga manggagawa sa gobyerno. Sinabi ni Budget Secretary Mina Pangandamanan, layon ng Inisyatiba ang tiyakin ang “competitive at equitable compensation package” para sa mga government workers. […]