MIYEMBRO NG BANUNG DRUG GROUP, ARESTADO

ARESTADO ng Manila Police District  (MPD)-Police Station 6 ang isang miyembro ng Banung Drug Group sa isinagawang buy bust operation, kamakalawa  sa may panulukan ng Pasig Line St.,  at  A. Francisco St., Brgy. 777 Zone 83, San Andres Bukid Maynila.

Narekober  ng mga pulis sa suspek na si Hans Kerwin Pama, alyas Kerwang, ang may 12 gramo ng shabu na may market value na P81,600,marked money na P500.

Ang suspek ay naaresto nina PCpl Mark Dave Blanco dakong alas-2:00 ng madaling araw sa nabanggit na lugar.

Nabatid na matagal na umanong minamanmanan ng pulisya ang iligal na gawain  ng suspek.

Sasampahan ng kasong paglabag sa Section 5 and 11 (Selling and Possession of Dangerous Drugs) ng Article II of RA 9165 kilala bilang  Comprehensive Dangerous Drug Act of 2002 sa Manila Prosecutors ang suspek. (GENE ADSUARA)