MRT-3, hindi ipinagbibili- DOTr
- Published on November 14, 2022
- by @peoplesbalita
HINDI ipinagbibili ng pamahalaan ang Metro Rail Transit Line 3 (MRT-3).
Ito ang ginawang paglilinaw ng Department of Transportation (DOTr) kasunod ng mga naglabasang ulat na ‘for sale’ na umano ang MRT-3.
Ayon kay Transportation Secretary Jaime Bautista, ikinukonsidera lamang nila ang posibilidad na i-turn over ang Operations & Maintenance (O&M) ng MRT-3 sa kuwalipikadong private sector operators upang mapaghusay ang operational efficiency nito.
Binigyang-diin rin naman ni Bautista na ang railway system ay dapat na manatiling pinaka-abot-kaya at pinakaligtas na uri ng mass transit sa bansa.
“We are looking at partnering with private rail operators for DOTr MRT-3’s operations and maintenance under the same scheme with LRT 1 with the rail lines assets remaining government owned,” pahayag pa ni Sec. Bautista.
Anang DOTr chief, inaasahan nilang kapag naisa-pribado ang O&M ng MRT-3 ay higit pang huhusay ang efficiency at safety nito.
Bukod dito, mababawasan din aniya ang operational cost nito upang mapanatili ang abot-kayang pamasahe.
Nabatid na ang operasyon ng railways sa metropolis, kabilang ang MRT-3, at Light Rail Transit Line 1 (LRT-1) at Line 2 (LRT 2), ay patuloy na sina-subdized ng pamahalaan upang mapanatiling affordable ang pasahe nito. (Daris Jose)
-
Pacquiao-Spence fight kasado na sa Agosto
Walang iba kundi si World Boxing Council (WBC) at International Boxing Federation (IBF) welterweight champion Errol Spence Jr. ang makakasagupa ni eight-division world champion Manny Pacquiao. Matapos ang ilang buwan na paghihintay, kinumpirma mismo ni Pacquiao ang laban nang gulantangin nito ang lahat sa kanyang post sa social media. Walang caption […]
-
Voter’s registration sa mga mall, aarangkada sa Disyembre
MAGPAPATULOY muli ang pagsasagawa ng voters registration sa limang piling shopping malls sa National Capital Region (NCR) sa darating na Disyembre 17. Ito ay makaraang aprubahan ng Commission on Election (Comelec) en banc noong Oktubre 26 ang operational plan ng ‘Register Anywhere Project’ (RAP) ng komisyon. Subalit, tutukuyin pa sa mga susunod na […]
-
Kiamco sinargo ika-4 na titulo sa Louisiana
SINAKOP ng mga Pilipino ang unang tatlong puwesto sa katatapos na 6th Annual Buffalo’s Pro Classic Open 9-Ball Billiard sa Jefferson, Louisiana, USA. Naghari si Warren Kiamco nang manaig kay Roland Garcia sa all-Pinoy finals upang ibulsa ang $4,500. Kumita si Garcia ng $2,300 habang ang tumerserong si Carlo Biado may $1,200. […]