Nacionalista suportado na ang kandidatura nina BBM-Sara Duterte sa Mayo
- Published on March 30, 2022
- by @peoplesbalita
PORMAL nang ieendorso ng Nacionalista Party — ang pinakamatandang partido pulitikal sa Pilipinas — ang kandidatura nina dating Sen. Ferdinand “Bongbong” Marcos at Davao City Mayor Sara Duterte-Carpio sa pagkapresidente at pagkabise.
“For the May 2022 elections, the Nacionalist Party fully supports the candidacies of Ferdinand ‘Bongbong Marcos, Jr for President and Inday Sara Dutete for Vice President,” ayon sa pahayag na nilagdaan ni NP president at dating Senate President na si Manny Villar, Martes.
Matatandaang miyembro ng Nacionalista si Bongbong bago lumipat ng Partido Federal ng Pilipinas nitong ika-5 ng Oktubre, 2021.
Bago maging bahagi ng NP, nanggaling si Marcos sa partidong Kilusang Bagong Lipunan na itinayo ng tatay niya at napatalsik na si dating Pangulong Ferdinand Marcos Sr. Si Sara ay anak ng Pangulong Rodrigo Duterte.
“They both have the platforms of government, qualifications and track record to lead our country towards unity and prosperity,” panapos ni Villar, na kumandidato rin sa pagkapresidente ngunit natalo noong 2010.
Ipinagmamalaki ni Villar ang mga plataporma nina Marcos bagama’t “unity” ang madalas nilang bukambibig tuwing kampanya. Hindi niya rin gaano ito napapaliwanag sa madla sa pag-iwas sa mga presidential debates.
Kung track record ang pag-uusapan, 54 panukalang batas ang naipasa ni Marcos noong siya’y nanunungkulan pang senador noong 15th at 16th Congress — pero halo-halo na riyan ang mga siya ang author, co-author, sponsored at co-sponsored niya, ayon sa kanyang website. (Daris Jose)
-
Nag-trending dahil sa ika-walong taon sa showbiz: MAINE, abala na sa preparasyon sa kasal nila ni ARJO
NAG-TRENDING si Maine Mendoza. Ang dahilan, ika-8th anniversary ni Maine sa showbiz. So most likely, ito ang pagpasok niya walong taon ang nakararaan sa Eat Bulaga. Kahit na sabihin pang sa ika-walong taon niya, wala na siya sa GMA-7 but instead, sa TV5 na with their noontime show, “E.A.T.” ipinagdiwang pa […]
-
NORA, masayang-masaya dahil sinorpresa ng mga anak at mga apo maliban kay LOTLOT
EXCITED na ang mga fans ni Jo Berry sa muli niyang pagbabalik, sa pamamagitan ng bagong GMA Afternoon Prime series na Little Princess. Muli, title-roler si Jo, tulad ng una niyang serye sa Kapuso Network na Onanay na naging anak niya sina Mikee Quintos at Kate Valdez. Dalawa ang naging leading […]
-
PANAWAGAN ng LCSP – SIGURADUHIN ang MURANG HALAGA at SAPAT na SUPPLY ng FACE SHIELDS PARA SA COMMUTERS
Mapagsamantalang mga negosyante at hoarders bantayan at kasuhan! Biglang nagkaubusan ng face shield at tumaas pa ang presyo nito matapos i-anunsyo ng DOTr na kailangan ay naka face shield at face mask na ang mga pasahero kung nais makasakay sa pampublikong sasakyan. Ibig sabihin – no face mask at no face shield, no ride! Ang […]