Nagpakilalang pulis, senglot na sekyu kulong
- Published on November 27, 2020
- by @peoplesbalita
Kalaboso ang isang lasing na security guard matapos magpakilalang pulis habang nagwawala umano sa Caloocan city, kamakalawa ng gabi.
Si Francisco Ladrera, Jr. 42 ng Phase 7B Blk 33, Lot 22 Brgy. 176 Bagong Silang ay inaresto ng rumespondeng mga tauhan ng Llano Police Sub-Station 7 matapos walang maipakitang police identification card at sa halip ay nagpakita ng expire na lisensya ng dala niyang baril na isang kalibre 45 pistola na may dalawang magazine na kargado ng 16 na bala.
Nang kapkapan, nadiskubre ng mga pulis sa itim na sling bag ng suspek ang 16 piraso pang bala na para sa kalibre .45 pistol.
Sa natanggap na ulat ni Caloocan police chief P/Col. Samuel Mina, dakong 7:30 ng gabi nang respondehan ng mga barangay tanod ng Brgy. 176 na sina Resty Curitao, 36, Alvin Villar, 42 at Ariel Aurique ang tawag mula sa concerned citizen hinggil sa nagaganap kaguluhan sa 893 Llano Road.
Pagdating sa lugar, lumapit ang lasing na suspek at nagpakilalang miyembro ng Caloocan police saka ipinakita ang dalang baril na nasa kanyang sling bag na naging dahilan upang humingi ng tulong sa mga pulis ang mga tanod.
Ayon kay Col. Mina, mahaharap ang suspek sa kasong Usurpation of Authority at paglabag sa R.A. 10591 o Comprehensive Law on Firearms and Ammunition Act. (Richard Mesa)
-
‘Amazing Earth’, ipinagdiriwang ang anim na taon ng eco-adventure na may espesyal na three-part series
MINARKAHAN ng award-winning na infotainment program ng GMA Network na ‘Amazing Earth’ ang isang napakahalagang milestone habang ipinagdiriwang nito ang anim na taon na nakabighani sa mga manonood ng Kapuso sa mga nakamamanghang destinasyon at nakaka-inspire na kwento ng konserbasyon. Hosted by Kapuso Primetime King Dingdong Dantes, ang ‘Amazing Earth’ ay naging paborito ng sambahayan, na […]
-
Tinalo na ang record ni Elton John: ‘Eras Tour’ ni TAYLOR SWIFT, highest-grossing tour
ANG ‘Eras Tour’ ni Taylor Swift ang puwedeng tawagin na “the highest-grossing tour ever” dahil malapit na itong mag-gross ng $2.2 billion sa North America. Kaya na raw nito matalo ang record ng ‘Farewell Yellow Brick Road Tour’ ni Elton John na nag-gross ng $887 million from 2018 to 2023. […]
-
45 BI personnel, sinibak sa serbisyo
IKINATUWA ng Malakanyang ang naging desisyon ng Office of the Ombudsman na tuluyan nang sinibak sa serbisyo ang lahat ng tauhan ng Bureau of Immigration (BI) na nasangkot sa kontrobersyal na “Pastillas Scheme” na siyang sinasabing dahilan sa pagdami ng mga ilegal na Chinese na nakapasok sa Pilipinas. Sa isang kalatas, sinabi ni […]