• December 13, 2024
  • Search in People's Balita

  • Ang Diyaryong Pinagkakatiwalaan

 

Nagulat sila sa kasikatan ng ‘Gento’: STELL, kasama pa rin sa SB19 kahit may solo career na

KAHIT na sinasabing iba ang P-Pop sa K-Pop na siya naman din totoo, pero hindi namin maiwasang hindi pa rin makita kung paano, ang effective strategy sa career ng mga K-pop Idols ang nakikita rin namin sa mga miyembro ng SB19.
Hindi talaga maitatanggi, ang SB19 ang pinakasikat at talagang gumagawa ng marka bilang P-Pop group, hindi lang sa bansa kung hindi maging sa international.
Nakausap nga namin si Stell, isa sa miyembro ng SB19 at sa kanila, si Stell ang isa sa coaches ng ‘The Voice Generations.’ Walang nabago, kasama pa rin si Stell sa lahat ng promotion ng grupo, lalo na ang series of concert nila sa Canada at U.S., but at the same time, through ‘The Voice Generations’, meron na rin siyang solo career.
Ayon dito, masaya raw sa kanya ang lahat ng co-members niya at very supportive. Same goes with other members na meron din ibang pinagkaka-abalahan as a solo naman.
Sabi pa ni Stell, talagang nagulat daw sila sa kasikatan ng ‘Gento’ dahil excited daw sila sa kanilang E.P. na “Pagtatag” pero ‘di raw nila inakala na ang Gento ay sobrang init ang magiging pagtanggap.
Naaliw rin kami rito nang tanungin kung ano ang hindi na nila nagagawa ngayon na dati ay malaya pa nilang nagagawa. Sey niya na natatawa, “hindi na kami nakakapag-grab. Ngayon kasi, may sasakyan na.”
Feel namin, marami pa talagang records na ibi-break ang SB19.
***
SA unang pagkakataon ay inamin ng Sparkle artist na si Yasser Marta na may something nga pala sa kanila ng isa pang Sparkle artist na si Kate Valdez.
Inamin ni Yasser nang maging guest ito sa Youtube podcast na “Marites University” na nanliligaw raw siya kay Kate.
“Sa totoo lang, nanliligaw,” pag-amin niya.
“At saka, mas kinikilala pa rin namin ang isa’t-isa. Kasi, parehas na nasa showbiz. ‘Yung time, ‘yung pagiging busy. Hindi rin kami madalas magkita ngayon kaya ayaw rin naming madaliin.
“Pero, sinusuportahan din namin ang isa’t-isa.”
Ayon pa kay Yasser, may pagka-old soul, conservative raw siya. At ngayon daw kasi, parang bihira na lang makakita ng babaeng takot sa magulang at conservative. Ilan daw ‘yun sa mga katangian na nakita ni Yasser kay Kate kaya nagustuhan niya ito.
Sa ngayon, masaya raw si Yasser na halos regular siyang napapanood sa revamped ‘Eat…Bulaga!’
Alam din namin, supposedly ay guest lang siyang talaga rito, pero nagustuhan daw si Yasser kaya halos araw-araw na siyang napapanood.
(ROSE GARCIA)
Other News

  • Tulong medikal at Bayanihan E-Konsulta ni Robredo, ititigil na simula June 1

    ITITIGIL na ng Office of the Vice President (OVP) ang kanilang medical assistance at Bayanihan E-Konsulta programs simula sa Hunyo 1.     Dahil dito ay hindi na rin tatanggap pa ng anumang aplikasyon para sa medical at burial assistance ang nasabing tanggapan.     Ito ay upang magbigay daan sa maayos na transition at […]

    read more

  • Ang desisyon ng Korte Suprema: PAGCOR at PCSO, ibigay ang dapat sa PSC

    HABANG marami ang mga negosyante at pulitiko ang nagbigay ng pabuya sa mga Olympians natin, higit na mahalaga ang naging hatol ng Korte Suprema sa kasong Joseller M. GUIAO VS PAGCOR, PSO et al (G.R. no. 223845, may 28 2024).   Si Guiao ay mas kilala na coach Guiao sa mga sports fans. Ito na […]

    read more

  • ‘Injectable shabu’ nasabat, 2 kelot nadakma

    KALABOSO ang dalawang suspek na nagbebenta ng mga liquid o injectable shabu sa online sa ikinasang drug buy bust operation sa Barangay Highway Hills, Mandaluyong City kahapon (Huwebes, Pebrero 20) ng umaga.   Kinilala ni Philippine Drug Enforcement Agency (PDEA) Special Enforcement Service Director Levi Ortiz ang mga naarestong suspek na sina Mark Kenneth del […]

    read more
People's Balita.
All rights reserved. © Copyright 2024.