National budget para sa rehabilitasyon at restoration ng mga public infrastructure suportado ng Kamara

SUPORTADO ng Kamara ang fund requirements sa national budget para sa rehabilitasyon at restoration ng mga public infrastructure sa mga probinsiyang apektado ng magnitude 7 na lindo sa Northern Luzon.

Pahayag ito ni Speaker Martin Romualdez kasunod na rin sa pagbisita nina Pangulong Bongbong Marcos, Senadora Imee Marcos at iba pang mataas na opisyal sa mga komunidad at biktima ng lindol sa Abra.

Una nang isinuwestiyon ng senadora ang paglalaan ng restoration funds at pagbuo ng ahensiya sa ilalim ng  Office of the Presidenlugar na tinamaan ng kalamidad.

“Mr. President, on the part of the House, we shall support the good senator’s proposal here owing to the fact that we’ve always been looking for best practices, and FEMA or even the AFAD in Turkey are great models for best practices for these protocols,” ani Romualdez.

Tinukoy ng Speaker ang Federal Emergency Management Authority ng United States at Turkish counterpart nito.

“We shall also join the good senator from Ilocos Norte on her call to support the budgetary requirements. For the restoration of the heritage and cultural sites as well…as the various infrastructures in the situation report,” dagdag ni Romuealdez.

Gagawin nila aniya ito sa pakikipag-koordinasyon sa mga representante at local officials ng apektadong probinsiya.

Umapela rin ito ng tulong ara sa mga biktima ng lindol.

Hinikayat din nito ang mga kasamahang mambabatas na magsagawa ng sarili nilang damage assessment sa kanilang lugar bilang paghahanda sa susunod na budget hearings. (Ara Romero)