Number coding pinag-aaralang palawakin sa Alert Level 1
- Published on February 26, 2022
- by @peoplesbalita
PINAG-AARALAN na ng Metropolitan Manila Development Authority (MMDA) ang pagpapalawak sa number coding scheme sa inaasahang pagbigat ng daloy ng trapiko sa oras na ipatupad na ang Alert Level 1 sa National Capital Region (NCR).
Ito ang inihayag ni MMDA Officer-in-Charge at General Manager Atty. Romando Artes matapos nga ang ginawang rekomendasyon ng Metro Manila Council (MMC) sa Inter-Agency Task Force for the Management of Emerging Infectious Diseases (IATF-EID) na ilagay na sa Alert Level 1 ang rehiyon.
Gayunman, sakaling aprubahan, ang expanded number coding anya, ay hindi kaagad-agad paiiralin sa simula ng pagpapatupad ng Alert Level 1.
Una aniyang, pag-aaralan ang epekto sa mga unang araw kung ano ang magiging sitwasyon ng trapiko at kabilang sa ikinukonsidera ang kakulangan pa ng public transportation na posibleng magpahirap sa publiko sakaling maluwag na ang galawan sa Metro Manila.
“We are expecting that once Metro Manila is de-escalated to Alert Level 1, the traffic situation will be heavier…Right now, we are already seeing that the traffic situation on some roads is slow to moderate, but there are certain times where the situation is like this,”ani Artes.
“We are studying to widen the coverage of our modified number coding scheme from 7am to 9am. I have met with the district heads of our Traffic Discipline Office. Based on their assessment, from 10am-5pm, light traffic situation is observed on major thoroughfares,” ani Artes.
Sa kasalukuyan, umiiral lang ang number coding tuwing weekdays sa tuwing alas 5:00 ng hapon at hanggang alas 8:00 ng gabi, maliban sa holidays, para sa mga pribadong sasakyan. (Gene Adsuara)
-
“Treat all the vaccines as the same” sa pamamahagi ng COVID-19 vaccines sa LGUs
“Treat all the vaccines as the same.” Ito ang bilin ni Pangulong Rodrigo Roa Duterte kay vaccine czar Secretary Carlito Galvez Jr., sa kanyang Talk To The People, Miyerkules ng gabi kapag namahagi na ng COVID-19 vaccines sa Local Government Units (LGUs). “Keep a blind eye to brands when distributing COVID-19 vaccines to […]
-
Pag-aalis ng face mask ‘wag muna – DOH
PUMALAG ang Department of Health (DOH) sa ipinalabas na kautusan ng isang local government unit (LGU) na nagsasabing boluntaryo na lamang ang pagsusuot ng face mask sa ilang lugar. Iginiit ni DOH officer-in-charge Maria Rosario Vergeire, na masyado pang maaga para itapon na ang face masks o itigil na ang mandatory na pagpapatupad sa […]
-
Eala naka-2 Grand Slam titles na
Muling iwinagayway ni Alex Eala ang bandila ng Pilipinas sa world stage matapos masikwat ang girls’ doubles title sa prestihiyosong French Open na ginaganap sa Stade Roland Garros sa Paris, France. Nakatuwang ni Eala si Russian partner Oksana Selekhmeteva kung saan matikas na pinataob ng dalawa sina Russian Maria Bondarenko at Hungarian Amarissa […]