Obiena flag-bearer sa Vietnam SEAG
- Published on April 20, 2022
- by @peoplesbalita
SI WORLD No. 5 pole vaulter Ernest John Obiena ang tatayong flag-bearer ng Team Philippines sa opening ceremony ng 31st Southeast Asian Games sa MNy Dinh National Stadium sa Hanoi, Vietnam.
Hindi pinayagan ng Vietnam ang pagkakaroon ng Pinas ng dalawang flag-bearers sa katauhan nina Obiena at Tokyo Olympics gold medalist Hidilyn Diaz.
“There could only be one flag-bearer for each country. We nominated Hidilyn and EJ, but it was turned down,” ani Philippine Olympic Committee (POC) president Rep. Abraham “Bambol” Tolentino. “Like Hidilyn, EJ has all the qualifications to be our flag-bearer.”
Kapwa target nina Diaz at Obiena ang ikalawang sunod na gold medal sa women’s weightlifting at men’s pole vault events, ayon sa pagkakasunod, sa Vietnam SEA Games sa Mayo 12-23.
Noong 2019 Philippine SEAG ay lumundag si Obiena ng 5.45 meters para kunin ang gintong medalya.
Matapos ang dalawang taon ay nagposte ang Tokyo Olympian ng bagong Asian men’s record na 5.93m na inilista niya sa Innsbruck, Austria.
Bukod kay Obiena, ang iba pang sasalang sa athletics event ay sina Kristina Knott (200m), Eric Cray (400m hurdles), Christine Hallasgo (marathon), Aries Toledo (decathlon), Clinton Bautista (110m hurdle), Williamn Morrison III (shot put), Melvin Calano (javelin), Natalie Uy (pole vault) at Sarah Dequinan (heptathlon).
-
‘Paggamit ng laway para sa COVID-19 test, pinag-aaralan na ng DOH’
Kinumpirma ni Department of Health Undersecretary Maria Rosario Vergeire na pinag-aaralan na ng DOH ang paggamit ng saliva o laway upang malaman kung carrier ng coronavirus ang isang indibidwal. Ayon kay Vergeire, binubusisi pang mabuti ng ahensya kung magiging feasible ang ganitong test sa Pilipinas kaysa sa nakagawiang pagkuha ng nasal at blood samples. […]
-
Halos 3-K flights suspendido dahil sa winter storm
AABOT sa halos 3,000 na flights ang kinansela ng US airlines dahil sa malakas na winter storm na may dalang makapal na yelo ang bumabalot mula Midwest at South. Labis na naapektuhan ang Chicago O’Hare airport kung saan mayroong 164 flights ang nakansela. Nasa halos 90 porsiyento naman ng scheduled flights […]
-
Mga opisyal ng NFA na nasa ilalim ng imbestigasyon, hinikayat na boluntaryong mag-leave of absence
HINIKAYAT ni Agriculture Secretary Francisco Tiu Laurel Jr. ang mga opisyal ng National Food Authority (NFA) na iniimbestigahan sa di umano’y hindi tamang pagbebenta ng NFA buffer stock rice sa subsidized price na boluntaryong mag- leave of absence (LOA). Sinabi ni Laurel sa mga kinauukulang opisyal na pahintulutan ang investigating panel ng Department […]