‘One-seat-apart’ policy ‘di pagluluwag sa physical distancing rule: DOH
- Published on October 16, 2020
- by @peoplesbalita
BINIGYANG-DIIN ng Department of Health (DOH) na ang one- seat-apart policy ng pamahalaan sa mga pampublikong sasakyan ay hindi pagbabawas sa umiiral na physical distancing protocols.
Sa isang virtual briefing, sinabi ni DOH Usec. Maria Rosario Vergeire na kailangan lamang nila ng mensahe na mas madaling maiintindihan ng publiko kaya ginamit ang terminong one seat apart.
“Pag tinignan natin, parang hindi naman natin in-ease yung mea- sure, itong paggagawa ng one seat apart,” wika ni Vergeire.
“So, kailangan lang po magkaroon ng message na mas maayos at mas maliwanag para sa ating mga kababayan, kaya ginamit ang one seat apart.”
Bagama’t hindi pa malinaw kung pasok pa rin sa panuntunan ng World Health Organization (WHO) ang one-seat-apart rule, tiniyak ni Vergeire sa publiko na hindi magpapatupad ang pamahalaan ng patakaran na makasasama sa kalusugan ng publiko.
“Hindi po natin tinanggal na dapat merong distance between and among passengers in a specific transport vehicle. Ang ating ipapaliwanag at gustong iparating sa lahat ng ating mga kababayan, kailangan lang talaga mag-minimum health standards tayo,” ani Vergeire.
Nagpaalala naman ang opisyal sa publiko na magsuot ng face masks at face shields, at bawal na bawal din ang pagkain at pagsasalita sa loob ng mga pampublikong sasakyan.
“And of course, we remind the owners or the Department of Transportation to strictly enforce itong ventilation systems na pinalabas po natin para mas makaiwas pa tayo sa impeksyon,” dagdag nito.
Una nang nilinaw ng Malacañang na hindi pa maaaring ipatupad ang napagkasunduan ng mga buong gabinete na “one seat apart policy” sa mga pampublikong sasakyan.
Sinabi ni Presidential Spokesman Harry Roque, kailangan pa munang mailathala sa official gazette ang napagkasunduan ng mga miyembro ng gabinete na payagan na ang isang upuang pagitang distansya ng mga pasahero sa mga pampublikong transportasyon.
Ayon kay Sec. Roque, saka pa lamang magiging epektibo ang nasabing pagluluwag sa public transport kung na-comply na ang publikasyon.
Maliban sa paglalathala sa official gazette, kailangan pa umanong bumalangkas ng kaukulang guidelines na nasa responsibilidad ng Land Transportation Franchising and Regulatory Board (LTFRB).
-
Walang galit kahit iniwan silang mag-ina: RABIYA, umaasa pa rin na makikita at makakausap ang biological father
UMAASA pa rin daw si Miss Universe Phiippines 2020 Rabiya Mateo na makikita at makakausap ang biological father niya. Isang Indian national ang ama ni Rabiya na ang pangalan ay Syed Mohammed Abdullah Moqueet Irfan Hashmi at doktor ito sa Chicago, Illinois, USA. Sey ni Rabiya na wala raw […]
-
S-PASS kailangan sa inter-provincial PUVs
Pinagutos ng Land Transportation Franchising and Regulatory Board (LTFRB) sa mga public utility vehicles (PUVs) na may biyaheng inter-regional at inter-provincial na ruta ang paggamit ng safe, swift and smart passage o S-PASS travel management system. Ang S-PASS ay isang communication platform na ginawa ng Department of Science and Technology (DOST) upang masiguro […]
-
TARGET NA 1 MILYON LIBRENG FACEMASK NAKAMIT NA NG MANILA LGU
NAABOT na ng lokal na pamahalaang Lungsod ng Maynila ang paggawa ng 1 milyon target na face mask na ipinamahagi ng libre sa mga residente ng lungsod. Sinabi ni Manila Mayor Isko Moreno Domagoso na magdadagdag pa ng panibagong 500,000 na face mask upang maipamahagi pa sa mas maraming Manilenyo. Matatandaan na nagsimula […]