• July 3, 2024
  • Search in People's Balita

  • Ang Diyaryong Pinagkakatiwalaan

 

Outreach program ng SPEEd, umabot na sa Nueva Ecija at Aurora

MARAMI na namang napasaya at nabigyan ng tulong ang Society of Philippine Entertainment Editors (SPEEd) matapos ang isinagawa na taunang outreach program.
Nagtungo ang mga opisyal at miyembro ng SPEEd sa Nampicuan, Nueva Ecija at Dingalan, Aurora nitong nagdaang Huwebes at Biyernes, Abril 4 at 5,
para maghatid ng tulong sa ilang residente roon.
Dumalaw at nagbigay ng cash donation ang SPEEd, sa pangunguna ng aming presidente na si Salve Asis (Pilipino Star Ngayon at Pang Masa), sa isang parokya sa Nampicuan at sa isang barangay sa Dingalan, Aurora.
Katuwang ng aming grupo sa pagsasakatuparan ng makabuluhang misyon na ito ang Beautéderm Corporation ni Miss Rhea Anicoche-Tan, at Unilab na wala pa ring sawang sumusuporta sa SPEEd mula noon hanggang ngayon.
Unang binisita ng samahan ng mga entertainment editors sa Pilipinas ang Immaculate Conception Parish Church, Diocesan Shrine of the Holy Face of Jesus sa Nampicuan.
Sa pakikipagtulungan ng Parochial Vicar at Head ng Promotion Committee ng naturang simbahan na si Fr. Renz Valente, nagsagawa roon ng dental mission para sa mga kabataan.
Kasama ang ilang deboto at volunteers, pinangunahan ni Dr. Rex Gaculais ang naturang dental mission kung saan umabot sa 100 estudyante at residente sa Nampicuan ang nabigyan ng libreng dental service.
Nagkaroon din ng Egg Caldo Caravan mula naman sa Magtalas family na binubuo nina Councilor Alvin Magtalas kasama ang kanyang butihing maybahay na si Filipina Magtalas at ang anak nilang actor-singer na si Beaver Magtalas na bibida sa pelikulang ‘When Magic Hurts’ na ipalalabas na sa buwang ito.
Kasunod nito, nagtungo naman ang SPEEd sa Dingalan, Aurora upang magbigay ng food goodies at gamot sa isang Dumagat community doon, katuwang pa rin ang Magtalas family at si Miss Emily Grey ng 428 Mercado Hotel and Resort.
Ang iba pang sumuporta at nagbigay ng donasyon para sa SPEEd Outreach 2024 bukod sa Beautéderm at BlancPro ni Miss Rhea Tan, Unilab at Magtalas family, ay sina Sen. Bong Revilla, Jr. at Rep. Lani Mercado, Ogie Alcasid, Kathryna Pimentel, Cong. Toby Tiangco at USec. Nina Taduran.
Nais ding pasalamatan ng SPEEd sina Local Water Utilities Administration Chair Ronnie Ong, Noel Ferrer, Wilson Lee Flores, Miss Faye, Leo Dominguez, Igan Foundation, Federation of Filipino Chinese Chambers of Commerce and Industry, Inc. (FFCCCII), Tyrrone James Escalante, Colorete Clothing, Manay Lolit Solis at Mayor Joy Pascual.
Ang SPEEd ay binubuo ng mga current at former entertainment editors ng mga leading newspaper at online site sa Pilipinas.
(ROHN ROMULO) 
Other News

  • P1,500 dagdag sa senior citizens aprubado na sa Kamara

    SINABI ni Malabon City Rep. Josephine Veronique ‘Jaye” Lacson-Noel matapos niyang mag file ng kanyang certificate of candidacy (COC) para sa reelection na aprubado na sa mababang kapulungan ang kanyang panukalang batas na magbibigay ng dagdag na P1,500 para sa seniors citizens sa bansa.     “Aside from several bills that have become law that […]

    read more

  • MAG-INA NA DADALO SA BIRTHDAY PINAGBABARIL, TODAS

    DEDBOL ang isang 62-anyos na ina at kanyang 39-anyos na anak na lalaki matapos pagbabarilin ng hindi kilalang mga suspek na sakay ng motorsiklo sa Malabon city, Miyerkules ng gabi.   Dead-on-the-spot si Luz Garcia, 62 at kanyang anak na si Ferdinand, kapwa residente ng 25 Hernandez St. Brgy. Catmon sanhi ng mga tinamong tama […]

    read more

  • Sylvia, nagpasalamat at nangakong mamahalin na parang anak: ARJO at MAINE, nambulabog sa pasabog na engagement sa memorable na ‘July 28’

    NAMBULABOG sina Cong. Arjo Atayde at Maine Mendoza noong July 28, ang date na napaka-memorable sa kanilang dalawa.   “Wait, whaaaat??? Were engaged?!”, bulalas ni Maine sa kanyang IG post, kasama ang series of sweet photos nila ni Arjo, na kung saan pinagsisigawan ng kanyang daliri ang bonggang ‘engagement ring’ na binigay ng kanyang soon-to-be […]

    read more
People's Balita.
All rights reserved. © Copyright 2024.