OVP naglunsad ng libreng job platform para sa mga unemployed dahil sa pandemic

Dahil sa epektong idinulot ng COVID-19 pandemic sa sektor ng manggagawa, naglunsad ang Office of the Vice President (OVP) ng libreng online platform para sa mga naghahanap ng bagong hanapbuhay at oportunidad.

Target ng BAYANIHANAPBUHAY initiative na tulungan ang mga Pilipinong nawalan ng trabaho mula nang pumutok ang krisis ng coronavirus sa bansa.

Pati na ang mga tinatawag na “blue-collar workers,” umuwing OFWs na wala na ring trabaho, at mga kompanyang nangangailangan ng dagdag na empleyado.

“We have been receiving a lot of SOS messages from people looking for work. When we were doing our shuttle services, we had passengers who were doing door-to-door job applications,” ani VP Leni.

“We hope that, through this platform, they would have an easier time finding work opportunities.”

Katuwang ng OVP sa inisyatibo ang kompanyang Elevatech, na siyang nag-develop ng website na https://sikap.ph, kung nasaan ang BAYANIHANAPBUHAY.

As of September 10, nasa 2,796 job openings na raw mula sa iba’t-ibang kompanya ang naka-post sa website.

Ilan sa mga kompanyang nakipag-partner sa OVP ay ang: EMS Services Philippines, Inc. (ESPI), D.M. Consunji, Inc., Lots’a Pizza, Concentrix, Empire East Land Holdings, AECOM Philippines, GET Philippines, McBride Corporation, Omni Petroleum Corp, at Solarwinds Software Asia PTE LTD – Philippines Branch.

Maaari raw magpadala ang iba pang employers ng kanilang job vacancy postings sa bayanihanapbuhay@ovp.gov.ph.