P6.8M halaga ng shabu nasamsam ng NPD
- Published on September 26, 2020
- by @peoplesbalita
UMAABOT sa 6.8 milyon halaga ng shabu ang nasamsam ng Northern Police District (NPD) sa isang umano’y big-time drug pusher na kanilang naaresto sa isinagawang follow-up buy-bust opera- tion sa Taguig City.
Kinilala ni NPD Director P/ Brig. Gen. Ronaldo Ylagan ang naarestong suspek na si Rahib Abdul, 34, ng Brgy. New Lower Bicutan, Taguig city.
Narekober sa suspek ang tinatayang nasa 1 kilo ng shabu na may standard drug price P6,800,000,00, 1 pc tunay na P1,000 na nakabugkos sa 149 pcs P1,000 boodle money na ginamit bilang buy-bust money, cellphone at isang motorsiklo.
Ayon kay Gen. Ylagan, ala-1 ng hapon nang isagawa ng mga operatiba ng District Drug Enforcement Unit (DDEU) sa pangunguna ni PLTCOL Giovanni Hycenth Caliao I at P/ Capt. Ramon Aquiatan Jr. ang buy-bust operation kontra sa suspek sa harap ng No. 178, M. L. Quezon St., Brgy. New Lower Bicutan, Taguig, City sa koordinasyon sa PDEA at kay P/ Col. Celso Rodriguez, hepe ng Taguig City Police.
Kaagad dinamba ng mga operatiba ang suspek matapos bentahan ng P150,000 halaga ng shabu ang isang undercover police na nagpanggap na poseurbuyer.
Ani PLTCOL Caliao, ang naturang operasyon ay nagmula sa mga nauna nilang drug operation noong September 2 at 10, 2020 sa Caloocan city na nagresulta sa pagkakaaresto sa walong drug personalities, kabilang ang leader at mga miyembro ng Onie Drug Group na nag-ooperate sa CAMANAVA area kung saan umabot sa 400 gramo ng shabu ang kanilang nakumpiska. (Richard Mesa)
-
Bagyo sa Silangang bansa, unti-unti nang pumapasok sa PH territory – Pagasa
UNTI-UNTI nang pumapasok sa Philippine area of responsibility (PAR) ang tropical storm Rolly na may international name na “Goni.” Ayon sa Pagasa, nasa loob na ng ating karagatan ang outer portion ng bagyo. Pero maaaring mamayang hapon (Oct 29) pa ito ganap na makapasok nang buo sa PAR, dahil sa lawak ng sirkulasyon. […]
-
Jeepney drivers umaangal sa bagong patakaran ng LTFRB
Umaangal ang mga hanay ng Public Utility Jeepney (PUJ) drivers at operators dahil sa ipinatutupad na mga bagong patakaran ng Land Transportation Franchising (LTFRB) ngayon panahon ng General Community Quarantine (GCQ) sa Metro Manila. Matapos payagan na muling bumalik ang operasyon ng mga PUJs noong narakaang July 3 sa kanilang operasyon, may 30 percent […]
-
Malawakang brownout naranasan sa Taiwan matapos magka-aberya ang kanilang powerplant
NAKARANAS ng malawakang brownout ang capital city ng Taiwan na Taipei. Ayon kay economic affairs minister Wang Meihua, na nagkaroon ng aksidente sa power plant na matatagpuan sa southern Taiwan. Nagkaroon umano ng problema sa transformer ng Xingda power plant sa Kaohsiung kung kayat agad nilang binuha ang backup sources ng […]