Pagbakuna sa 60-M Pinoy, aabutin ng hanggang 5 taon – Galvez
- Published on November 27, 2020
- by @peoplesbalita
Inamin ng gobyerno na aabutin ng tatlo hanggang limang taon bago matapos ng pamahalaan ang pagbabakuna laban sa COVID-19 sa target na 60 milyong Pilipino.
Sinabi ni National Task Force against COVID-19 chief implementer at vaccine czar Sec. Carlito Galvez Jr., nasa 20 million hanggang 30 million katao lamang ang kayang mabakunahan kada taon.
Ayon kay Sec. Galvez, sa katapusan ng 2021 o sa 2022 pa maaring masimulan ang pagbabakuna.
Uunahing turukan ng bakuna ang mga nasa National Capital Region, CALABARZON, Central Luzon, Davao, Cebu at Cagayan de Oro na nakapagtala ng mataas na kaso ng COVID-19.
Sa ngayon, nakikipagnegosasyon na ang pamahalaan sa mga kompanyang AstraZeneca, Sinovac Biotech at Pfizer para sa pagbili ng bakuna.
Aabot sa P73 billion pondo ang inilaan ng pamahalaan para sa bakuna. (ARA ROMERO)
-
Naglagay ng starfish sa katawan para sa photo op: MARTIN, matapang na inamin ang nagawang pagkakamali
MATAPANG na inamin ni ‘Voltes V: Legacy’ actor na si Martin del Rosario ang kanyang nagawang pagkakamali. Ito ay ang manguha ng mga starfish sa dagat at ilagay ang mga ito sa kanyang katawan para sa isang photo op sa beach sa Palawan. “Kung kilala talaga ako ng mga tao sa paligid […]
-
Eleazar pinagtanggol ang balak na pag-aarmas sa mga civilian volunteers
Ipinagtanggol ni PNP chief General Guillermo Eleazar ang plano ni Pangulong Rodrigo Duterte sa pag-armas sa anti-crime civilian volunteers. Sinabi nito na ang nasabing hakbang ay para sa volunteerism at hindi vigilantism. Pagtitiyak nito sa Commission on Human Rights (CHR) na hindi maaabuso ito ng mga sibilyan. Dadaan daw sa […]
-
Robredo natuwa sa muling paglipat sa kanila ng ex-Isko Moreno supporters
POSITIBO ang naging pagtanggap ng kampo nina 2022 presidential candidate at Bise Presidente Leni Robredo sa pag-endorso sa kanila ng iba pang nasa liderato ng Ikaw Muna (IM) Pilipinas, na dating sumusuporta sa kandidatura ng katunggaling si Manila Mayor Francisco “Isko Moreno” Domagoso. Martes lang kasi nang ilipat nina Tim Orbos at Elmer […]