PAGGAMIT NG VCM, PINAG-AARALAN
- Published on July 22, 2022
- by @peoplesbalita
PINAG-AARALAN ng Commission on Elections (Comelec) ang pagdaraos ng masusing pagtalakay sa paggamit ng mahigit 97,000 vote counting machines (VCMs) sa darating na halalan sa bansa.
Sinabi ni acting poll body chairperson Socorro Inting sa isang forum na mahigit 107,000 VCMs na ginamit noong Mayo 2022 election, mahigit 97,000 ang ginamit sa mga naunang halalan .
“I am not prematurely deciding or influencing the policy direction of the Comelec en banc but I think everyone will agree to a meticulous discussion and review of the propriety of using these VCMs in future elections,” sabi ni Inting.
Ang nasabing mga VCMs ay unang ginamit noong 2016 polls.
Sinabi naman ni acting poll body spokesperson John Rex Laudiangco na tanging ang maliit na bahagi ng mga VCMs ang nagkaaberya noong May 9 election.
“We have to admit there were failures in the VCM. On Election day, only 477, or 0.45 percent failed. Other failures, prior to election day and were readily addressed by the contingency plan. For SD (secure digital) cards, only 428 failed on Election day and were readily configured in the repair hubs,” dagdag niya.
Kasalukuyan ngayong naghahanda ang Barangay and Sangguniang Kabataan Elections (BSKE) na gagawin sa Disyembre 5.
Noong Hulyo 15, may kabuuang 1,307,593 na aplikasyon para sa pagpaparehistro bilang regular at mga botante ng kabataan para sa darating na botohan.
Sa bilang, 863,078 ang nasa edad 15-17 habang ang nasa 18-30 taong gulang ay 435,266.
Para sa mga 31 taong gulang pataas, ang bilang ng mga nagparehistro ay 72,249.
Nagsimula ang pagpapatuloy ng voter registration noong Hulyo 4 at magtatagal hanggang Hulyo 23. (BISHOP JESUS “JEMBA” M. BASCO)
-
Nazario sampa sa propesyonal
UMANGAT ang coaching career ni De La Salle University Green Archers coach Gian Nazario dahil sa ginanap na balasahan ng isang team sa Philippine Basketball Association (PBA) nang italaga silang isa sa dalawang bagong assistant coach ng Terrafirma nito lang isang araw. Isinama siya sa bagong nirolyong coaching staff sa ilalim ni coach […]
-
Barangay Ginebra kampeon na naman laban sa Dragons
Nakuha ng Barangay Ginebra ang kampeonato ng 2022 PBA Commissioner’s Cup matapos na talunin ang Bay Area Dragons 114-99 sa kanilang Game 7. Mula sa simula ay hindi na pinaporma ng Gin Kings ang kalaban sa harap ng 54,589 fans sa Philippine Arena sa Bulacan. Ito na ang itinuturing na p […]
-
Pag-usbong ng mas maraming Kadiwa market, ‘di imposible – Department of Trade and Industry
MALAKI umano ang tiyansa na lalago pa ang Kadiwa market sa bansa. Ayon kay Department of Trade and Industry (DTI) Assistant Secretary Dominic Tolentino, kasunod na rin ito ng personal na pagkakasaksi nito sa naturang programa. Ginawa ang pahayag matapos ang matagumpay na inilunsad na Kadiwa ng Pasko kahapon sa iba’t […]