• April 15, 2024
  • Ang Diyaryong Pinagkakatiwalaan

Pamahalaang Panlalawigan ng Bulacan, kinilala bilang Top Government Employer ng Pag-IBIG Fund

LUNGSOD NG MALOLOS – Kinilala ang Pamahalaang Panlalawigan ng Bulacan sa pamumuno ni Gobernador Daniel R. Fernando bilang isa sa ‘Top Government Employer’ sa buong Hilagang Luzon sa ginanap na 1st Virtual Stakeholders Accomplishment Report (StAR) Awards sa pamamagitan ng isang online convention noong Biyernes, Nobyembre 27, 2020.

 

Itinampok sa online event ang kontribusyon ng kanilang mga stakeholder sa taong 2019 at ipinakita ang mga ulat ng matatag na estado ng Pag-IBIG Fund nitong taon sa iba’t ibang lugar sa bansa sa kabila ng mga pagsubok na dulot ng pandemya.

 

Ayon kay Provincial Administrator Eugenio Payongayong, kinilala ang Pamahalaang Panlalawigan ng Bulacan sa mahalaga nitong kontribusyon sa patuloy na tagumpay ng Fund na naging dahilan upang makamit nila ang pinaka mataas na rekord sa taong 2019, na sa ngayon ay nagsilbing pinakamahusay na taon para sa kanila; at para sa pagiging isa sa pinakamahusay na employer sa sektor ng gobyerno kasama ang Pamahalaang Panlungsod ng Mabalacat at Pamahalaang Panlalawigan ng Pampanga.

 

Sinabi ni Fernando na nagsusumikap ang Pamahalaang Panlalawigan upang makasunod at makabayad ng kontribusyon sa tamang oras at sinigurado na ang pamahalaan ay magpapatuloy sa pagsasagawa ng mga programa na makatutulong sa pagpapabuti ng mga pagganap nito.

 

“Nagsusumikap ang Pamahalaang Panlalawigan ng Bulacan upang maka-comply sa pagbibigay ng ating mga kontribusyon nang naaayon. Atin pong ipagpapatuloy ang mga magagandang hakbangin nang sa gayon ay maging maayos ang ating pagganap sa Pag-IBIG Fund,” anang gobernador.

 

Bukod sa top employers, kinilala din ng Pag-IBIG Fund ang mga stakeholder sa mga kategoryang collection agencies, developers at mga stakeholder na may espesyal na parangal sa Hilagang Luzon, Timog Luzon, Visayas, Mindanao at NCR.

 

Kinilala rin ang Pamahalaang Panlalawigan ng Bulacan bilang top employer sa sektor ng gobyerno noong nakaraang taon kasama ang Pamahalaang Panlalawigan ng Pangasinan at Pampanga. (Bishop Jesus “Jemba” M. Basco)

Other News
  • DOH: COVID-19 healthcare utilization ‘low risk’ pa, pero ICU beds napupuno na

    Aminado ang Department of Health (DOH) na kahit nasa mababang antas ang utilization o paggamit sa mga itinakdang kama para sa COVID-19 patients, tumataas naman ang bilang ng okupadong ICU beds.     Ayon kay Dr. Beverly Ho, Director IV ng DOH-Health Promotion Bureau, nasa 35% ang utilization rate ng dedicted COVID-19 beds sa buong […]

  • PBBM, pinangunahan ang pamamahagi ng iba’t ibang tulong mula sa pamahalaan sa N. Samar

    PINANGUNAHAN ni Pangulong Ferdinand R. Marcos Jr. ang pamamahagi ng iba’t ibang government assistance mula sa  Department of Agriculture (DA), Department of Trade and Industry (DTI), Department of Social Welfare and Development (DSWD) at  Department of Labor and Employment (DOLE) sa  Northern Samar.      Sa naging talumpati ng Pangulo, tiniyak nito sa mga residente […]

  • Mikey Garcia, napupusuan ni Pacquiao bilang susunod na katunggali – Roach

    Ibinunyag ni Hall of Fame trainer Freddie Roach na napipisil umano ni Sen. Manny Pacquiao na makatunggali sa susunod nitong laban ang dating world champion na si Mikey Garcia.   Ayon kay Roach, may posibilidad din daw na mangyari ang nasabing laban sa Estados Unidos o sa Saudi Arabia.   “He will fight again, I […]