Pamimigay ng relief goods sa mga biktima ng bagyo sa Bulacan, patuloy
- Published on December 17, 2020
- by @peoplesbalita
LUNGSOD NG MALOLOS- Tuluy-tuloy ang pamamahagi ng relief goods at iba pang ayuda sa pangunguna ni Gob. Daniel R. Fernando sa mga bayan at lungsod na nasalanta ng mga nagdaang bagyo sa lalawigan.
Nitong Disyembre 11, may kabuuang 150,489 na pamilya na ang napagkalooban ng food packs na naglalaman ng bigas, delata at instant na kape na nagsimula noong Oktubre 30, 2020.
Ayon sa gobernador, bukod sa mga ito ay nakatanggap din ang mga Bulakenyo ng ayuda at relief goods mula sa mga pribadong sektor at nasyunal na mga ahensya.
“We are still repacking and we will continue sending assistance sa lahat ng nasalanta ng bagyo. Dalangin natin na wala nang malalakas na bagyo pang dumating na pipinsala pa sa mga bahay, buhay at kabuhayan natin, at sa darating na Kapaskuhan ay matagpuan natin ang kapayapaan ng puso, mahanap pa rin natin ang kaligayahan sa gitna ng mga dinaranas natin ngayon,” ani Fernando.
Sinabi naman ni Provincial Social Welfare and Development Officer Rowena Joson-Tiongson na ang nakatatatanggap ng ayuda ay ang mga naapektuhan ng mga bagyong Pepito, Quinta, Rolly at Ulysses.
Kabilang sa mga benepisyaryo ang 19,899 na pamilya mula sa Calumpit, 10,331 pamilya mula sa San Miguel, 14,413 mula sa Balagtas, 25,330 mula sa Bocaue, 21,162 mula sa Hagonoy, 12,032 mula sa Paombong, 23,748 mula sa Lungsod ng Malolos, 10,580 mula sa Bulakan, 2,393 mula sa Bustos, 1,131 mula sa San Ildefonso at 9,470 pamilya mula sa Marilao. (Bishop Jesus “Jemba” M. Basco)
-
NCR nasa COVID-19 Alert Level 4 na
Isinailalim sa COVID-19 Alert Level 4 ang buong National Capital Region (NCR), maliban na lamang sa lungsod ng Maynila, dahil sa patuloy na pagtaas ng mga naitatalang bagong kaso ng sakit at hospitalisasyon sa rehiyon. “All areas except the City of Manila are classified as Alert Level 4. The Delta variant of concern […]
-
Synchronized ringing of bells at pagdarasal ng oration imperata, isasagawa
TINIYAK ng Archdiocese of Manila ang pangangalaga sa mananampalatayang apektado sa pagkansela ng mga malaking pagtitipon tulad ng Banal na Misa kasabay ng pagpapatupad ng community quarantine sa buong bansa upang makaiwas sa COVID-19. Sa pastoral letter na inilabas ni Manila Apostolic Administrator Bishop Broderick Pabillo, sinabi nitong kanselado ang mga Banal na Misa […]
-
Naganap ang intimate wedding ceremony sa Northern Ireland: GLAIZA, nanggulat dahil ikinasal na rin pala kay DAVID noong October
NASORPRESA ang netizens na sumusubaybay sa Valentine’s Day celebration ng Kapuso Mo Jessica Soho, last Sunday, nang aminin ni Kapuso actress Glaiza de Castro na married na siya sa Irish businessman na si David Rainey. Kinasal sila last October, 2021 nang bumalik sa Ireland si Glaiza, na sabi niya ay for a vacation […]