• June 21, 2024
  • Ang Diyaryong Pinagkakatiwalaan

Panukalang Mandatory Immunization Program, pasado sa ikalawang pagbasa

Inaprubahan sa ikalawang pagbasa ng Mababang Kapulungan ng Kongreso ang House Bill 8558 o ang “Mandatory Immunization Program Act,” na pangunahing iniakda nina Deputy Speaker Strike Revilla at Committee on Health Chairperson Rep. Angelina Tan.

 

 

Layon ng panukala na ipawalang bisa ang Republic Act 10152 o ang “Mandatory Infants and Children Health Immunization Act of 2011.

 

 

Sa ilalim ng panukala, ang sapilitang pagbabakuna ay isasama na ang mga bakuna na pipigil sa mga sakit para sa: 1) Tuberculosis, 2) Diphteria, 2) Tetanus and Pertussis, 3) Poliomyelitis, 4) Measles, 5) Mumps, 6) Rubella or German Measles, 7) Hepatitis-B, 8) H. Influenza Type B, (HIB), 9) Rotavirus, 10) Japanese Encephalitis, 11) Pneumococcal Conjugate Vaccine (PCV), 12) Human Papilloma Virus, 13) Booster for Measles, Rubella, Tetanus, Dipthteria, (MRTD) at iba pa base sa Kalihim ng Kalusugan.

 

 

Nakasaad din sa panukala na imamandato sa Philippine Health Insurance Corporation (PhilHealth) na isama ang mandatory immunization services sa kanilang benefit package, subalit sasailalim sa pagsusuri na naaayon sa Republic Act 11223 o “Universal Health Care Act.”

 

 

Samantala, inaprubahan din ng kamara sa huling pagbasa ang House Bill 8243, na naglalayong isulong at protektahan ang karapatan sa pantay-pantay at walang diskriminasyon batay sa lahi, ninuno at relihiyon.

 

 

Ang panukala ay pangunahing iniakda ni Magdalo Party-list Rep. Manuel Cabochan III, at ipinaliwanang na ang kahulugan ng diskriminasyon ay “anumang pagtatangi, pagbubukod, restriksyon o pagtatangi na ginawa batay sa kulay ng lahi, ninuno, pinanggalingan ng lahi, relihiyon o pagkakaugnay sa relihiyon o paniniwalang banal na may epekto o layunin na ipagkait ang pagkilala, pagtamasa o pagganap ng pantay na mga karapatang pantao at pangunahing kalayaan sa politika, ekonomiya, lipunan, kultura, pagiging mamamayan o anumang antas ng buhay publiko ng isang tao.”

 

 

Kapag ang panukala ay naisabatas, ang sinumang mapapatunayang lumabag sa mga probisyon nito ay mapaparusahan ng pagkabilanggo mula 30 araw hanggang 6 na buwan o magmumulta mula P10,000 hanggang P100,000, o pareho, depende sa hatol ng hukuman.

 

 

Samantala, sa kanyang paliwanag sa HB 55, isa sa mga batas na na-substitute ng HB 8243, sinabi ni Cabochan na ang mga “asal at mga kagagawan ng diskriminasyon laban sa isang tao ay hindi naiwawasto ng lehislasyon lamang, kahit pa maparusahan ang isang lumabag. Subalit ang kaparusahang ipinataw at ibinahagi ng Kongreso, ay bahagi ng kabuuang pagtugon upang masugpo ang diskriminasyon.”

 

 

Ang ilan pang mga panukala na pasado na sa huling pagbasa ay ang HB 6876, na nagmamandato ng pagtatatag ng fisherfolk resettlement areas; HB 8261, o ang “PNP, BFP, BJMP and BuCor Height Equality Act”; HB 8268, na nagtataas ng parusa sa kasong perjury; at HB 8385 o ang “Integrated Urban Agriculture Act of 2020.” (ARA ROMERO)

Other News
  • Paglilinis sa mga illegal parking sa Malabon, pinaigting

    Mahigit 20 na mga sasakyan, kabilang ang mga trailer truck na illegal na nakaparada sa mga pangunahing kalsada sa Malabon City ang pinaghuhuli ng mga awtoridad sa isinagawang road clearing Opereation.   Ito’y matapos ipag-utos ni Malabon police chief P/Col. Angela Rejano sa lahat ng kanyang sub-station na paigtingin ang road clearing operation kasunod ng mga […]

  • Kaya ‘di na makakasama sa ‘ASAP’ sa Las Vegas: SHARON, inaming tatlo sa pamilya ang nagka-Covid sa Australia

    ANG dapat o nagsimula naman na masayang bakasyon ng Megastar na si Sharon Cuneta, kasama ang buong pamilya niya sa Australia ngayon ay nahaluan ng lungkot.     Sa pag-uwi raw nila ng bansa, mukhang naka-caught sila ng COVID virus sa Australia.     Ayon kay Sharon, tatlo raw sa family members niya ang positibo […]

  • Pamilya bibilhan na ng bahay ni Mark Magsayo upang makaalis na sa squatter area

    BUTUAN CITY – Matinding kasiyahan ang naramdaman ng mga mamamayan sa Bohol matapos manalo si Mark ‘Magnifico’ Magsayo sa kanilang away ni American boxing champion Gary Russel Jr. kung kaya’t kanyang nakuha ang World Boxing Council o WBC featherweight belt.     Sa eksklusibong panayam ng Bombo Radyo Butuan, inilhayag ng ama ni Mark na […]