Panukalang trials ng face-to-face classes, tinanggihan ni PDu30
- Published on February 23, 2021
- by @peoplesbalita
TINANGGIHAN ni Pangulong Rodrigo Roa Duterte ang panukalang trials ng face-to-face classes.
“Nagdesisyon na ang Presidente ha: wala pa rin po tayong face-to-face classes sa bansa,” ayon kay Presidential Spokesperson Harry Roque.
Sinabi ni Sec. Roque na sinabi sa kanya ng Pangulo nang magkausap sila kagabi na ayaw nitong malagay sa panganib ang buhay ng mga estudyante at mga guro lalo pa’t hindi pa nagsisimula ang vaccination drive ng pamahalaan.
“Sabi niya, may awa ang Panginoon, baka naman po pagkatapos nating malunsad ang ating vaccination program ay pupuwede na tayong mag-face-to-face (classes) sa Agosto lalong-lalo na sa mga lugar na mababa ang COVID cases,” ang pahayag ni Sec. Roque.
Noong nakaraang Disyembre ay inaprubaan ng Chief Executive ang pilot implementation ng face-to-face classes na magsisimula sana nitong Enero 2021 sa mga eskuwelahan na nasa lugar na low-risk para sa COVID-19.
Iyon nga lamang ay ilang araw lamang ang nakalipas ay binawi niya ang pahayag niyang ito dahil sa bansa ng bagong variant ng Covid -19 sa United Kingdom at napaulat na ito ay mas nakahahawa.
Dahil dito, ipinagbawal ni Pangulong Duterte ang face-to-face classes dahil na rin sa kawalan pa ng bakuna laban sa COVID-19.
Ang Basic Education classes ay magpapatuloy naman sa Oktubre sa ilalim ng blended learning. (Daris Jose)
-
Ex-Pope Benedict XVI nag-sorry sa mga biktima ng mga child abuse laban sa mga pari
HUMINGI ng kapatawaran si dating Poepe Benedict XVI dahil sa hindi agad nitong pagtugon sa mga child sex abuse noong ito ay namumuno pa bilang arsobispo ng Munich. Sa sulat ng 94-anyos na dating Santo Papa ay labis ito ng nalulungkot sa sinapit ng mga biktima. Dahil sa sobrang pagkadismaya aniya […]
-
TRAVEL BAN SA VIETNAM, POSIBLE
PINAG-AARALAN kung magpapatupad ng travel ban sa Vietnam upang maiwasan ang magpasok ng sinasabing hybrid variant . Pero ayon kay Health Usec Maria Rosario Vergeire, hindi pa puwedeng pangunahan dahil kailangan pang iberipika at wala pang sapat na ebidensya na ang nasabing variant na kombinasyon ng India at UK variant . Ayon pa kay […]
-
ValTrace magagamit na rin sa Mandaluyong
Magagamit na rin sa lungsod ng Mandaluyong ang ValTrace contact tracing QR codes ng Valenzuela City na naglalayong matukoy ang mga indibiduwal na posibleng positibo sa virus ng COVID-19 kung saan nauna na rin itong konektado sa Pasig at Antipolo. Nabatid na nakapirma na sa Contact Tracing Network Consortium Agreement ang ValTrace ng […]