• February 28, 2024
  • Ang Diyaryong Pinagkakatiwalaan

Archive for February 23rd, 2021

Ads February 23, 2021

Posted on: February 23rd, 2021 by @peoplesbalita No Comments

PUBLIC TRANSPORT DAGDAGAN! HEALTH PROTOCOLS ISTRIKTONG IPATUPAD! CONSOLIDATION ng MGA PRANKISA HUWAG IPATUPAD!

Posted on: February 23rd, 2021 by @peoplesbalita No Comments

Sa inirekomendang modified GCQ sa buong bansa simula ngayong darating na Marso, asahan na ang mas maraming pasahero.  Kaya naman rekomendasyon din na dagdagan ang mga units para sa public transportation.  Iba ang dagdag ng masasakyan sa dagdag sa pwedeng sumakay – ang ibig sabihin ng una ay mas marami ang masasakyan. Ang pangalawa- mas marami ang isasakay.   Ang una – mas kailangan dahil bagamat ang polisiya ngayon sa public transport ay pwede na umupo ang pasahero ng “one seat apart” at pwede magtabi sa upuan basta may “plastic barrier”, nanatili naman na limitado sa fifty per cent ng mga sasakyan ang pinapayagan pumasada. Ito naman ang nais madagdagan pag modified GCQ na. Sangayon tayo sa dagdag na masasakyan para masilbihan ang inaasahang pagdami ng pasahero sa modified GCQ. Pero dapat pa rin na istriktong maipatupad ang mga health protocols na tila nakaliligtaan na:

 

  1. Linisin o palitan mga plastic barriers;
  2. Ang pag-gamit ng thermal scanners sa mga sasakay, at ang mga basic na protocols tulad ng alcohol at face masks; ang contact tracing policy, at iba pa.
  3. Iwasan din ang pagpuputol ng ruta na sanhi ng dagdag sakay at gastos sa pamasahe ng mga pasahero. Yun hirap ng palipat-lipat ng sasakyan ay mas nag-e-expose sa mga pasahero dahil nasa lansangan sila ng mas matagal para lang mag abang at lumipat ng masasakyan.

 

Mungkahi rin ng Lawyers for Commuters Safety and Protection (LCSP)na suspendihin o tuluyan nang alisin sa Joint Administative Order 2014-01 ang malupit na parusa sa mga out-of-line operation o iba pang violation na tinuring na colorum kahit may prangkisa naman.

 

 

Halimbawa ay may multa na, na P200 thousand (P1M pag bus, P120K pag sedan, P50K pag jeep).  Impound ang sasakyan pero DAMAY ANG MGA WALANG KASALANAN O WALANG VIOLATION NA MGA UNITS na nagkataon lang na nakapaloob sa isang prangkisa kung saan kasama yung unit na nahuli.

 

 

Ano ang kasalanan ng mga driver ng mga units na hindi naman lumabag sa batas para matanggalan sila ng hanapbuhay.

 

 

Pag nanatili itong polisiyang ito at tuluyang ipatutupad ng LTFRB at DOTr ang pag consolidate ng mga prangkisa sa isang cooperatiba o corporation ay magiging malaking problema ito. Ngayon pa lang ay marami nang umaangal dito na mga franchise holders. Epekto nito ay nababawasan ang maaring masakyan ng mga pasahero, kawalan ng trabaho sa mga driver at konduktor at kawalan ng hanapbuhay para sa operator ng may prangkisa. (Atty. Ariel Inton-Enrile)

Slaughter, Aguilar medya pa lang ang pag-eensayo

Posted on: February 23rd, 2021 by @peoplesbalita No Comments

NAG-BONDING na uli sa hardcourt ang ‘kambal na tore’ ng Barangay Ginebra San Miguel na sina Gregory William ‘Greg’ Slaughter at Japeth Paul Aguilar, ayon sa isang social media account post ng huli nito lang isang araw.

 

 

Sa Instagram story ni Slaughter, 32, isang maikling clip na kinuhanan sa isang gym sa Pasig City ang nagpatunay sa pagbabalik sa Gin Kings ni ‘GregZilla’ na may caption na “back in the lab w/my twin @japethaguilar35 hand down man down” sa alalay lang munang praktis ng dalawa.

 

 

Nag-sorry noong Disyembre ang seven-footer Fil-Am center sa mga opisyal ng San Miguel Corporation sa pangunguna nina team owner Ramon Ang at SMC sports director at BGSM governor/team manager Alfrancis Chua dahil sa biglaang kanyang desisyong basta na lang pagsibat sa koponan pa-Amerika noong Enero 2020.

 

 

Pagkaraan pinatawad naman siya at pumirma sa buwang ito ng bagong kontrata na napaso sa unang buwan nang nagdaan taon ngayong Pebrero para muling makipag-ensayo na sa kakampi sa alak para sa 46th Philippine Basketball Association (PBA) Philippine Cup 2021 sa Abril 9.

 

 

Huling naglaro sa 44th season sa Ginebra si Slaughter  at nag-average ng 9.6 points, 6.4 rebounds, 1.0 assists at 0.9 blocks. (REC)

National gov’t, patuloy ang pakikipag-koordinasyon sa Metro Manila Mayors

Posted on: February 23rd, 2021 by @peoplesbalita No Comments

TULUY-tuloy ang pakikipag-ugnayan ng National government sa Metro Manila Development Authority (MMDA) at Metro Manila mayors para sa posibilidad na maibaba na sa Modified General Community Quarantine (MGCQ) ang quarantine classification sa National Capital Region (NCR).

 

Sa Laging Handa briefing, sinabi ni DoH Usec. Maria Rosario Vergeire, na mayroon na silang hawak na talaan para mapagbasehan kung dapat na bang mag-shift ang NCR sa MGCQ mula sa GCQ.

 

Subalit, umamin si Vergeire na hindi pa kumpleto ang kanilang mga hawak na datos dahil hindi pa nakapagsusumite nito ang ilang lokal na pamahalaan sa Metro Manila.

 

Pagdating din sa surveillance at contact tracing system medyo kulang pa talaga aniya ang mga cities and lone municipalities sa NCR.

 

Ito ang dahilan kung bakit patuloy ang pakikipag-koordinasyon ng pamahalaan sa Metro Manila Mayors para matulungan ang mga ito na maging handa na sakaling luwagan na sa MGCQ ang buong Kamaynilaan. (Daris Jose)

Pingris delikadingding na

Posted on: February 23rd, 2021 by @peoplesbalita No Comments

NAMEMELIGRO na si veteran free agent Jean Marc Pingris para sa Magnolia Hotshots sa parating na 46th Philippine Basketball Association (PBA) Philippine Cup 2021 sa Abril 9.

 

 

Wala pa kasing kasiguruhan kung maglalaro pa o magre-retiro na ang magku-40 anyossa Oktubre 16, 6-4 power forward na tubong Pozzorubio, Pangasinan.

 

 

Nitong nagdaang ilang mga taon, tipid na ang laro ng Pinoy Sakuragi dahil sa injuries.

 

 

Wakas nitong taong 2020 ang kontrata ng defense specialist sa Pambansang Manok, pero hindi siya nakasama sa Philippine Cup sa Angeles, Pampanga bubble noong Oktubre-Disyembre dahil nagre-rehab pa rin.

 

 

Hindi pa tiyak kung papipirmahin pa siya ng bagong deal ng manok.

 

 

Sang-ayon kay Ercito ‘Chito’ Victolero, “I don’t want na magsalita para kay Pingris. He’s been through a lot,” wika ng Magnolia coach. “Ang sabi ko sa kanya, kung ano ‘yung nararamdaman niya, kung ano tingin mo na makabubuti sa’yo, we will respect it.”

 

 

Susuporta pa rin, hirit niya ang koponan kung anuman ang balak ni Pingris, na inaasahang pagpapasyhan sa Marso ang kanyang karera.

 

 

“Right now nagre-recover pa siya,” huling bahagi na sambit ng coach. “Siguro by March, baka makabalita na tayo.

 

 

Sa pananaw ng Opensa Depensa, puwede ka na magretiro Pingris. May edad ka na rin naman kaya marami nang nararamdaman,  at milyonaryo na rin naman.

 

 

Kayo po mga giliw naming mambabasa, ano sa palagay ninyo?

Indemnity agreement, hindi lang para sa Pilipinas kundi pambuong mundong kasunduan-Malakanyang

Posted on: February 23rd, 2021 by @peoplesbalita No Comments

ITINANGGI ng Malakanyang na tanging ang Pilipinas lang ang bansa na hinihingan ng mga vaccine manufacturers ng indemnification agreement.

 

Sinabi ni Presidential Spokesperson Harry Roque, walang katotohanan ang naturang impormasyon at nakasaad aniya sa COVAX Facility na sadyang kailangang magkaroon ng kasunduan sa panig ng COVAX, mga gumagawa ng mga bakuna at ng mga bibigyan ng COVAX na talagang kinakailangang magkaroon ng indemnity agreement.

 

Ito ang pagbibigay ng danyos na babalikatin ng pamahalaan at hindi ng manufacturer sakali’t makitaan ng side effect ang isang nabakunahan.

 

“Nakasaad po iyan sa COVAX Facility na kinakailangan magkaroon ng ganiyang kasunduan sa panig ng COVAX, ng mga gumagawa ng mga bakuna at ng mga bibigyan ng COVAX ‘no, na talagang kinakailangan magkakaroon ng indemnity agreement na magbibigay ng danyos kapag mayroong side effect ay iyong gobyerno at hindi po iyong manufacturer ‘no. Bagama’t talaga pong mas maingat sila pagdating sa Pilipinas dahil sa karanasan nila sa Dengvaxia,” ang pahayag ni Sec. Roque.

 

Aniya, mas maingat ang mga manufacturers pagdating sa Pilipinas dahil sa naging kontrobersiya tungkol sa Dengvaxia na bagama’t nabigyan ng General Use Authorization ay naharap ang Sanofi sa mga iba’t ibang mga kaso na kumalat sa mga drug manufacturers sa buong mundo.

 

Hindi naman nila maaalis sa mga multinational pharmaceutical companies na gumagawa ng bakuna na maging mas maingat pagdating sa Pilipinas.

 

“Alam nyo naman iyong mga drug manufacturers na iyan… eh hindi lang sa Pilipinas kundi sa buong mundo ‘no at alam nila iyong naging karanasan ng Sanofi dito sa Pilipinas sa Dengvaxia na bagama’t  ito ay given General Use Authorization eh nakaharap sila sa mga iba’t ibang mga kaso ‘no. Bagama’t na hindi lang po FDA ng Pilipinas ang nagsabi na General Use Authorization na iyan kung hindi pati na po ang WHO ‘no.

 

So siyempre hindi natin maaalis sa mga multinational pharmaceutical companies na gumagawa ng bakuna na maging mas maingat pagdating sa Pilipinas,” ayon kay Sec. Roque. (Daris Jose)

Delgaco sa rowing finals

Posted on: February 23rd, 2021 by @peoplesbalita No Comments

TUMAAS sa lima ang event na kakasahan ng Philippine Rowing Association (PRA) bets sa Online 31st World Rowing Indoor Championships 2021 Finals sa Pebrero 23-27 sa pagpasok pa ng lima na pinangunahan ni PH 2019 Southeast Asian Games gold medalist Joanie Delgaco.

 

 

Pasok siya siya kasangga si Mireille Qua sa Under 23 Women 500 meters sa kakaharurot lang na Open Qualification Pathway.

 

 

Swak din sa pinale sina Alyssa Go at Kyra Louise Sandejas sa U23 Lightweight Women 500m, at Joachim de Jesus sa U23 Lightweight Men 500m.

 

 

Ang mga naunang pumalaot sa finals din ay sina sina 2019 SEA Games gold winner Melcah Jen Caballero sa Lightweight Women 500 at Wylene Lu sa U23 Lightweight Women 500 via January 24 Asian Continental Qualification. (REC)

DINGDONG, ‘di napigilang i-share ang first time na makapag-swing si SIXTO; MARIAN, nakaalalay lang sa anak

Posted on: February 23rd, 2021 by @peoplesbalita No Comments

NAKATUTUWA ang pinost na photos ni Dingdong Dantes sa kanyang IG account na kung saan nasubukan na rin ni Sixto ang mag-swing sa park kasama si Marian Rivera.

 

 

Caption ni GMA Primetime King, “I couldn’t help myself from documenting his first time to try a swing since he was born. Wala pa kasi siyang one year old nung nagsimula ang lock down. At first, may takot pero dahil andiyan si Mama, he became comfortable, eventually.

 

 

“What a joy to see him explore playing in an open space and get his hands dirty and on the ground. Wala pa ring tatalo sa mga old school na laro na makakapag-hubog ng development ng isang bata. How i wish that we could go back to these outdoor activities, and have the opportunity for our children to freely play with other kids.

 

 

“But instead of comparing the past from the present reality, it is our duty to recreate the values of these “experiences” even within the confines of our own homes. All it takes is a little creativity and imagination, no matter how big or small our ”better worlds” are.”

 

 

Dagdag pa ni Dingdong, “Sabi nga ng HS titser kong si Ser Ron Capinding, “Lahat puwede, pero hindi lahat dapat.” So, puwede naman talaga… pero dapat nang may pag-iingat, kapraningang calculated at isang buong loob na puno ng pagasa — na kaya pa rin nating ibigay ang mga nais at pangangailangan ng mga supling na walang kamuwangmuwang sa mas delikadong mundong kalalakihan nila.”

 

 

Nag-reply naman si Marian ng, “Mama’s always here for you sixto!”

Tuwang-tuwa naman ang netizens nakaka-touch na eksenang ito ng mag-ina at karamihan ang nanggigigil sa kakyutan ni Sixto, na bata pa lang at labas na labas na ang kaguwapuhan.  Puring-puri rin nila ang pagiging hands on mother ni Marian.

Ilang sa comment ng netizens”

“Ang pogi ni ziggy parang foreigner at si marian no make-up but still looks so beautiful.”

“Sobrang cute at gwapo ni ziggy..nakakainspire kung paano nila pinapalaki mga junakis nila.”

“ZIGGY is the male version of Marian while Zia is a female version of Dong. This family is ❤”

“Kahit side profile at simple lang ang ganda ganda ni Marian.”

“pogi Sixto. kawawa si baby di maka pasyal abroad like ate Zia nya. bawi nlng next time.”

“Ang pogi ni Sixto ,mestizo at haba ng pilikmata.”

“Baby ko 2 mos plang dinadala ko nman sa park. Tsaka mga older kids ko. Madami nman bata sa park. Di nman na nakakatakot kasi may mga mask at face shield nman na mga tao ngayon.” (ROHN ROMULO)

Bulacan, nagsagawa ng simulation exercise para sa pagbabakuna laban sa COVID-19

Posted on: February 23rd, 2021 by @peoplesbalita No Comments

Isinagawa ng Pamahalaang Panlalawigan ng Bulacan kasama ang team nito ang simulation exercise ng COVID-19 vaccination plan sa The Pavillion, Hiyas ng Bulacan Convention Center sa lungsod na ito kamakailan.

 

 

Ayon sa Bulacan Medical Center (BMC) at Provincial Health Office – Public Health, higit 20 kalahok na hired contact tracers ng DILG ang sumabak sa exercise na ito kung saan sumailalim ang ilan dito sa anim na hakbang kabilang ang Step – waiting area, Step 2 – registration area, Step 3 – counseling area, Step 4 – screening area, Step 5 – vaccination area at Step 6 – observation area.

 

 

Matapos ipakita ang ID para sa pagbabakuna ay binigyan sila ng vaccination card at consent form habang ang pagbabakuna ay ginawa lamang sa loob ng isa hanggang dalawang minuto.

 

 

Bukod sa mga ipinamahaging polyeto, nagpalabas din ng mga audio visual presentation para sa karagdagang impormasyon hinggil sa bakuna para sa COVID-19.

 

 

Paaala ni Gob. Daniel R. Fernando, siguruhin na ang magpapabakuna ay dumating sa tamang oras at petsa ng kanilang iskedyul at sundin ang magkakasunod na hakbang na nabanggit.

 

 

Ani Fernando sa mga Bulakenyo, “kayo po ay aking kinukumbinsi na magpabakuna dahil ang pandemyang ito ay kumitil na ng maraming buhay sa mundo at malaki ang epekto sa pagbagsak ng ekonomiya ng bansa”.

 

 

Aniya, malaki ang maitutulong ng mga padating na bakuna upang mahinto ang pagkalat ng sakit na ito.

 

 

Samantala, kabilang sa unang grupo na babakunahan ay ang mga health care worker at frontliner ng Bulacan Medical Center ito ay matapos makita na ang kahandaan, kapasidad at kakayahan ng lalawigan sa pagbabakuna.

 

 

Nakiisa din sina Dr. Shiela Yu at JayR Carreon ng Department of Health Region 3 sa isinagawang simulation exercises upang magdagdag ng kanilang mga suhestiyon sa lalo pang ikaaayos ng gawain. (Bishop Jesus “Jemba” M. Basco)

KRISTOFFER, tinira-tira ng ex-gf at pinagselosan daw si TAE HYUNG ng ‘BTS’

Posted on: February 23rd, 2021 by @peoplesbalita No Comments

HABANG nagra-rant sa Twitter ang Kapuso actor na si Kristoffer Martin sa pagpapa-interview ng kanyang ex-girlfriend at ina ng kanyang 4-year old daughter na si AC Banzon, may sariling mga tweets din si AC tungkol sa ex-boyfriend.

 

 

Naka-lock na ang Twitter account ni AC, pero may nahanap kaming screenshots ng mga tweets niya laban kay Kristoffer.

 

 

Heto ang mga iyon:

 

“Kakainis dinifend pa kita sa blackpink at issue ni Barbie hahahahahaha okay guys I take back. HAHAHAHA JOKE.”

“Daming sabe! Screenshots na lang oh!”

“Hahaha hiya naman ako sa interview mo na walang nakagets sa sinasabi mo hahahahaha literal na wala kaming nagets. Sabog ba u? Yung totoo hahaha!”

“Imagine pati si Taehyung na-insecure ka hahahaha ewan ko na lang ah. Nawa’y mapangasawa ko si Taehyung guys! Hahahaha”

“Pinagsasabi nito? Lasing ka na naman? Hahahaha”

 

 

Ang tinutukoy na Barbie ni AC ay si Barbie Imperial na ex-gf ng kaibigan ni Kristoffer na si Paul Salas. Diumano’y sinasaktan daw physically ni Paul si Barbie at pinagtanggol siya ni Kristoffer.

 

 

Si Tae Hyung naman ay ang South Korean singer na si V at isa sa vocalists ng BTS.

 

 

Ang mga naging tweets naman ni Kristoffer ay deleted na lahat.

 

 

***

 

 

MARAMING couples ang naka-relate sa mga pinagdaanan ng relasyon nila Carmina Villarroel at Zoren Legaspi. 

 

 

Inamin ni Mina sa isang vlog interview na minsan na silang naghiwalay ni Zoren at doon niya na-realize na si Zoren ang kanyang “the one”.

 

 

Kuwento ni Mina: “Kasi parang nag-break kami for a while e. So noong nawala siya, doon ka na-realize na… ‘di ba ‘yun nga ‘yung sinasabi nila na kapag nawala na, madami kang realizations when the person is gone. Doon ko na-realize na ‘oh my gosh. he’s the one.’”

 

 

Sey ni Zoren: “Natatandaan ko nag-break kami. Pero never kasi kami naging mag-on. Never kami naging boyfriend and girlfriend. Wala siyang ligawan stage. Parang bestfriend chuchu!” 

 

 

Noong mabuntis si Mina sa kambal nila ni Zoren na sina Cassy at Mavy, sa US sila nanirahan at pansamantalang iniwan ang kanilang showbiz careers.

 

 

Sa Amerika raw mas nasubukan ang pagiging matatag ng relasyon nila Zoren at Mina.

 

 

“Kaya siguro naging well bonded kami ni Tatay because ibang klase din ‘yung pinagdaanan namin sa Amerika. I’m not saying that it’s all hardships, of course may paghihirap. 

 

 

“That’s what makes our relationship e. Kami lang talagang dalawa, wala kaming choice kung hindi to take care of you and to look out for each other,” sey ni Mina na napapanood sa GMA teleserye na Babawiin Ko Ang Lahat.

 

 

***

 

 

NAGDESISYUN na ang aktor na si Janus del Prado na mag-freelancer na at iiwan na ang Star Magic pagkatapos ng 21 years.

 

 

Mag-e-expire na raw ang kontrata ni Janus next month at gusto niyang maging freelancer na lang.

 

 

“Thank you Star Magic (Talent Center) for making me a part of your family for more than 2 decades (21 years). From when I was just 15, training to be one of your talents in Star Circle Batch 9 (which I am) to Gmik, Qpids, etc, to now that I’m 36 years old doing Tito roles. Next month, my management contract with you may end but not my support and love for the whole Star Magic Family. I will always and forever be grateful. It has been one hell of a ride. Till we meet again,” caption ni Janus sa Instagram post nito.

 

 

Dating child actor at anak ng veteran actor na si Renato del Prado si Janus. Naging member siya ng Star Circle Batch 9 kunsaan ka-batch niya sina Angel Locsin, Heart Evangelista, Coco Martin, Rafael Rosell, at Alwyn Uytingco.

 

 

Lumabas sa maraming teleserye at pelikula sa Star Cinema si Janus tulad ng One More Chance, A Second Chance, Four Sisters And A Wedding, D’Lucky Ones, Catch Me I’m In Love at She’s Dating The Gangster. (RUEL J. MENDOZA)