Parks, Jr., Pogoy ginaya sina Paras, Magsanoc
- Published on October 21, 2020
- by @peoplesbalita
SI Roger Ray (RR) Pogoy ang nagpasabog sa unang laro ng Talk ‘N Text sa 45 th Philippine Basketball Association o PBA Philippine Cup 2020 eliminations reopening nitong Linggo sa Clark Freeport and Special Economic Zone bubble sa Angeles City, nang kumontak ng career-high 45 points patungo sa 100-95 pagpanis ng Tropang Giga sa Alaska Milk.
Sa ikalawang salang sa Angeles University Foundation Sports Arena and Cultural Center powered by Smart 5G gym nitong Martes, si Bobby Ray (Ray-Ray) Parks Jr. naman ang nagbaga ng 40 points nang paparahin ang TerraFirma 112-101.
Sang-ayon nitong Miyerkoles kay professional hoops league chief statistician Fidel Mangonon III, naging unang local tandem sina Pogoy at Parks ang sa loob ng 30 taon na mga pumutok ng 40 o higit pang puntos sa magkasunod na laban ng isang koponan.
Huling umukit nito sina Ronald (Ronnie) Magsanoc at Venancio Johnson (Benjie) Paras, Jr. ng Shell. Humarurot si si Magsanoc ng career-high 40 sa 138-134 loss sa Presto noong Huly 1, 1990, tumapak ng 45 si Paras makaraan ang apat na araw ang apat nang masakerin ang Pepsi, 155-108.
“That’s a testament of my hardwork, and the support of my teammates,” suma ng anak ni PBA seven-time Best Import Bobby Parks, Sr. Parks, na lumapad ang katawan at nagkapandesal ang mga braso sa pitong buwang pagkatengga ng liga.
“It’s just great being able to perform. Benjie, and Ronnie … those are two great players,” hirit pa ng 27-year-old, 6-foot-4 Fil-Am combo guard.
Diyeta sa isang pukol lang si Parks sa opening quarter, buhat doon ay 12 of 17 na sa field, 7 for 10 sa 3-point area at binubulabog si Christian Jaymar (CJ) Perez sa depensa. Pinatingkad pa ng batang Parks ang nilaro sa 11 rebounds at 5 assists kontra 3 turnovers.
Pumoste naman si Pogoy ng 10 for 17 sa 3s at 17 of 29 overall shooting.
Pinaghahandaan ng TNT (2-0) ang duwelo kontra five-time defending champion San Miguel Beer ngayong alas-6:45 ng gabi. (REC)
-
PDu30, umaasa na mananatili ang alyansa ng Pinas at US sa pagkakaroon ng bagong US Ambassador to the Philippines
UMAASA si Pangulong Rodrigo Roa Duterte na mananatili ang alyansa ng Pilipinas sa Estados Unidos matapos na magtalaga ng bagong US ambassador. Ang pahayag na ito ni Pangulong Duterte ay matapos niyang pasalamatan si outgoing US Ambassador to the Philippines Sung Kim para sa naging kontribusyon nito sa pagpapalakas ng alyansa sa pagitan ng […]
-
Dagdag na bus at bus stops sa EDSA busway, balak ng DOTr
PLANO ng Department of Transportation (DOTr) na makapagdagdag pa ng mas maraming bus at makapagbukas ng mas marami pang bus stops para sa EDSA Busway. Bunsod na rin anila ito nang nakatakda nang pagbubukas ng klase sa Lunes, Agosto 22, at pagbabalik na rin ng face-to-face classes sa bansa. Ayon kay […]
-
Limitadong vaccine doses, inirekomenda ng OCTA na i-focus sa NCR
Hinikayat ng mga eksperto mula sa OCTA Research Team ang gobyerno na mag-focus na lang sa pamamahagi ng limitadong suplay ng coronavirus vaccines sa mga lugar na may mataas na coronavirus cases, partikular na rito ang Metro Manila at Calabarzon. Ayon kay OCTA Research fellow Prof. Ranjit Rye, nakatakda silang magsumite ngayong linggo […]