PBBM, binigyang -pugay ang mga kababaihan at kalalakihan na nagpagmalas ng kagitingan para sa bayan

BINIBIGYANG-pugay ni Pangulong Ferdinand Marcos Jr. ang lahat ng mga kababaihan at kalalakihan na nagpamalas ng kanilang  kakaibang katapangan at giting sa  pakikipag-laban at nagsakripisyo alang-alang sa bayan.

Ang mensahe na ito ng Pangulo ay matapos magpahayag na kaisa siya ng sambayanang Filipino  na nagdiriwang ngayon ng National Heroes Day o Araw ng mga Pambansang Bayani, Agosto 29.

“We remember and honour each of them for the sacrifices they made in our behalf so that we may live in peace, security and liberty as well as realize  our full  potential as Filipinos,” ang bahagi ng mensahe ng Pangulo.

Sinabi ng Chief Executive  na hindi dapat na malimutan ang naging pamana o legado ng mga bayani sa kanilang naging kabayanihan na aniya’y nakikita rin naman ngayon sa  mga medical professionals, civil servants,  uniformed personnel at mga ordinaryong mamamayan.

“Their deeds not only remind us of the nobility of our race, but laso invite us to take part in the difficult  but rewarding task of nation-building,” aniya pa rin.

Ayon pa sa Punong Ehekutibo, ang mga filipino ay patahak sa kadakilaan at nananatiling nananalaytay sa dugo nito ang kabayanihan.

Sa huli ay inihayag ni Pangulong Marcos na ang bawat isa’y may kani-kanyang taglay na kabayanihan na maaaring ipagmalaki at magsilbing inspirasyon sa mga susunod na henerasyon.

“We are Filipinos,  a people destined to greatness. In our veins flow the blood of heroes and in our bodies reside  the indomitable spirit required to accomplish incredible feats so long as we manifest our will into action,” ayon sa Pangulo sabay sabing “As we celebrate this day dedicated to our nation’s heroes, let us strive to fulfill our own promise so that we may also be heroes in our own right and a source of pride and inspiration for the succeeding genaration of Filipinos  to emulate.” (Daris Jose)