PBBM, nilagdaan ang batas para sa paghihiwalay sa school extensions
- Published on November 13, 2024
- by @peoplesbalita
NILAGDAAN ni Pangulong Ferdinand ‘Marcos Jr. ang ilang batas na maghihiwalay sa sa iba’t ibang school extensions at i-convert ang mga ito sa independent institutions.
Sa ilalim ng Republic Act No. 12057, ang Paulino Dari National High School (PDNHS) – Balong-balong Extension sa Pitogo, Zamboanga Del Sur ay ihihiwalay mula sa PDNHS at itatatag ito bilang isang independent school. Papangalanan ito bilang Balong-balong National High School.
Sa kabilang dako, ipinag-utos naman ng Republic Act No. 12058 na ihiwalay ang Bacungan National High School-Sipakong Extension sa Leon B. Postigo, Zamboanga Del Norte, na papangalanan naman bilang Sipakong National High School.
Sa pamamagitan naman ng Republic Act No. 12059, ihihiwalay ang Lapuyan NHS-Pampang Extension sa Lapuyan, Zamboanga Del Sur. Tatawagin itong Pampang NHS.
“The creation of the new and independent NHS shall absorb all of their personnel, assets, liabilities, and records,” ayon sa Presidential Communications Office (PCO).
“The initial funding of these schools shall be charged against its former institutions’ current year appropriation,” ang sinabi pa rin ng PCO.
Bukod dito, ang halagang kakailanganin para sa pagpapatuloy ng operasyon ng eskuwelahan ay isasama sa taunang General Appropriations Act (GAA).
Nagpalabas din ang Pangulo ng Republic Act No. 12060, pagtatatag sa Tiblawan NHS sa Davao Oriental. Ang pondo ay isasama sa taunang national budget.
Samantala, inatasan naman ni Pangulong Marcos ang Department of Education (DepEd) na kaagad na isama ang operationalization ng apat na eskuwelahan sa programa ng departamento.
Ang lahat ng batas ay tinintahan ng Punong Ehekutibo noong October 31, 2024 at magiging epektibo 15 araw matapos ang paglalathala sa Official Gazette o sa isang pahayagan na may general circulation. (Daris Jose)
-
40 misa, idinaos para sa ’40 days’ ni P-Noy kasabay ng 12th death anniv ni Cory
Matagumpay na naidaos ngayong unang araw ng Agosto ang 40 misa nationwide para sa 40 days ng pagpanaw ni dating Pangulong “Noynoy” Aquino. Bukas, August 2 pa ang mismong “40th day” ni P-Noy pero una nang inihayag ng pinsan nitong si dating Sen. “Bam” Aquino na isasabay ito sa pag-alala naman sa ika-12 […]
-
PNP handang humarap sa imbestigasyon ng ICC pero dapat may ‘go signal’ sa presidente – Sec Año
Tanging si Pangulong Rodrigo Duterte lamang daw ang makapagsasabi kung pahaharapin o hindi ang Philippine National Police (PNP) sakaling ipatawag ng International Criminal Court (ICC) . Ito ay makaraang simulan na ng ICC ang kanilang imbestigasyon kaugnay ng war on drugs ng pamahalaan. Ayon kay Department of the Interior and Local […]
-
Talk to the People Address ni PDu30, pinagpaliban
KINUMPIRMA ng Malakanyang na walang magaganap na Talk to the People Address si Pangulong Rodrigo Roa Duterte noong Abril 7 bunsod ng tumataas na bilang ng aktibong COVID-19 cases kasama na rito ang mga tauhan ng presidential security group (PSG). “The physical safety of the President remains our utmost concern,” ayon kay Presidential spokesperson […]