PDu30, inaprubahan ang pondo para sa ayuda para sa 80% ng populasyon sa NCR
- Published on August 5, 2021
- by @peoplesbalita
IBINALITA ni Senador Bong Go na inaprubahan na noong Lunes ni Pangulong Rodrigo Roa Duterte ang pondo para sa financial assistance na ipapamahagi sa mga kwalipikadong indibidwal sa National Capital Region (NCR) na inilagay sa ilalim ng Enhanced Community Quarantine (ECQ) mula Agosto 6 hanggang 20, 2021.
Nagkakahalaga aniya ito ng P1,000 kada kuwalipikadong indibiduwal na may maximum na P4,000 kada household.
Sinabi ni Go na sa pamamagitan ng ayudang ito ay matutulungan ng pamahalaan ang mga mahihirap na mamamayang Filipino na maitawid ang kanilang pamilya habang apektado ang kanilang kabuhayan dahil sa ECQ, lalo na ang mga daily wage earners at mga “isang kahig, isang tuka”.
Mahigit 13 milyon aniya ang populasyon sa NCR at 80% nito o mahigit 10.8 milyong indibidwal ang mabibigyan ng ayuda ayon sa DBM, NEDA, at iba pang mga ahensya.
“Dahil direktang ida-download ang mga pondo sa mga LGUs sa NCR, ang apela ko naman sa mga lokal na pamunuan ay siguraduhing maibibigay kaagad ang ayuda sa mga tamang benepisyaryo sa isang maayos, mabilis at ligtas na paraan na walang katiwalian,” ayon kay Go.
“Nagpapasalamat ako kay Pangulong Rodrigo Duterte sa pagtugon sa ating apela na magbigay ng ayuda sa mga pinakamahihirap na maaapektuhan ng ECQ sa NCR simula Agosto 6 hanggang 20,” dagdag na pahayag nito.
Sa kabilang dako, sinabi ni Go na magpapatupad ng ECQ sa NCR upang maagapan ang problema at maiwasan ang lalong pagkalat ng sakit.
“Kumbaga, nais nating patayin ang sunog bago ito maging “out of control”. Pero kasabay nito ay kailangan din nating maagapan ang hirap at maiwasan ang gutom sa ating mga komunidad,” ani Go.
At gaya aniya ng kanyang mga nasabi noon, magtiwala lamang ang lahat sa gobyerno dahil lahat naman ng hakbang nito ay ang pangunahing isinasaalang-alang ay ang buhay at kapakanan ng bawat Pilipino. (Daris Jose)
-
Ilang milyong trabaho, paglago ng ekonomiya inaasahan sa Cha-cha at pag-apruba sa CREATE Act
Inaasahang lalo pang lalakas ang paglago ng ekonomiya ng Pilipinas kung maaprubahan hindi lamang ang mga itinutulak na amiyenda sa economic provisions ng Saligang Batas sa ilalim ng House Resolution of Both Houses No. 2 (RBH 2) kundi maging ng Corporate Recovery and Tax Incentives for Enterprises (CREATE) Act. Ayon kay House Ways […]
-
May nagawa na ‘major major mistakes’: Pag-amin ni VENUS na may nakarelasyon na mas matanda, ikinagulat ng marami
MATAGAL na naging tahimik sa media si Miss Universe 2010 3rd runner-up Venus Raj sa anumang involvement sa showbiz at nag-concentrate ito sa kanyang pagiging community worker at pagiging speaker sa kanyang religious group. Kaya laking-gulat ng marami nang biglang nakuwento sa ito sa pakikipagrelasyon niya noong 16 years old siya sa isang […]
-
NPC graduates tumanggap ng tig-P1,500 cash incentives
NAKATANGGAP ng cash incentives mula sa Pamahalaang Lungsod ng Navotas ang aabot sa 911 na mga nagtapos sa Navotas Polytechnic College (NPC) para sa academic year 2022-2023. Mismong si Mayor John Rey Tiangco ang nanguna sa pamamahagi ng P1,500 cash incentive sa mga benepisyaryo na NPC graduates, kabilang si Nanay Adelaida Alfabete, 75-anyos. Sa […]