Pelicans star Williamson umalis sa “Bubble”
- Published on July 20, 2020
- by @peoplesbalita
Nilisan ni New Orleans Pelicans rookie Zion Williamson ang “Bubble” sa Walt Disney sa Orlando, Florida upang umano’y tugunan ang problemang medical ng kanyang pamilya.
Ayon sa ulat, suportado ni Pelicans executive vice president of basketball David Griffin ang ginagawang pag-alis ni Williamson sa Orlando upang makasama ang kanyang pamilya.
“Tama lamang na unahin muna nito ang emergency ng pamilya sa ngayon at inaasahan naming babalik ito para maglaro at muling sasailalim sa COVID-19 testing bago magsimula ang National Basketball Association (NBA),” ani Griffin.
Bilang respeto umano kay Williamson, hindi muna isiniwalat ng NBA ang detalye sa tunay na dahilan sa paglabas ng rookie player sa “Bubble.”
Sinabi ng NBA na muling sasailalim ang manlalaro sa 10 araw na quarantine kapag bumalik sa Orlando upang masiguro na hindi ito naghawahan ng coronavirus disease.
Itinuturing na susunod sa yapak ni NBA star LeBron James, ang 20-anyos na si Williamson ay kumakamada ng average na 23.6 points, 6.8 rebounds at 2.2 assists.
-
Seniors na kumpleto bakuna vs COVID-19 makalalabas na sa GCQ, MGCQ areas
Pahihintulutan na lumabas ng kani-kanilang bahay ang mga edad 65-anyos pataas na lumabas ng bahay sa gitna ng coronavirus disease pandemic, basta kumpleto na ang kanilang dalawang doses ng bakuna. Huwebes kasi nang magpulong-pulong ang Inter-Agency Task Force on Emerging Infectious Diseases (IATF-EID) patungkol sa isyu. “Subject ito sa mga kondisyon […]
-
Ipinagbubuntis na ang first baby nila ni Hyun Bin: IG announcement ni SON YE-JIN, top trending worldwide
TOP trending worldwide nang kumpirmahin ng Korean actress na si Son Ye-jin na buntis na siya sa first baby nila ng asawang si Hyun Bin. Sa pamamagitan ng official Instagram account na @yejinhand, ibinalita nga niya ito sa kanyang mga fans and social media followers sa buong mundo. Panimula ng K-actress, “Hello […]
-
Black tamang sundan ang ama
MUKHANG hindi nagkamali si Aaron Black na sundan ang kanyang ama na maging basketball player din. Tila naging pamantayan ng anak ni Meralco Bolts coach Norman Black, na lahat ng mga baguhan may pagkakataong ipakita ang husay magtiyaga’t magsipag lang, may mararating din ura-urada. Tinanghal si Aaron na pinakamababang pick, second round, 18th […]