• February 28, 2024
  • Ang Diyaryong Pinagkakatiwalaan

Phil. Red Cross, ikinalungkot ang pagpalayas sa nurse na COVID positive sa rented room

Ikinalungkot ng Philippine Red Cross (PRC) ang pagtrato ng ilang mamamayan sa mga nagpositibo sa coronavirus.

 

May kaugnayan ito sa naging pag-rescue nila ng isang nurse matapos na palayasin ng kanyang landlady matapos na magpositibo sa coronavirus.

 

Sinabi ni Dra. Zenaida Beltejar, consultant ng Philippine Red Cross Welfare services, nakakalungkot na masaksihan niya nang personal ang nangyaring pag-rescue nila sa isang customer care representative nurse na pinalayas sa kaniyang tinutuluyan sa lungsod ng Makati.

 

Sa naging panayam niya sa nurse na si “Gem,” unang ipinaalam niya sa kaniyang land lady ang resulta ng kaniyang kalagayan subalit nag-text ang kaniyang landlady na dapat umalis na ito sa kaniyang tinutuluyan.

 

Nagpalaboy-laboy ito sa lungsod ng Makati at nakarating pa siya sa Pasay City.

 

Hindi rin ito makauwi dahil pinayuhan siya ng kaniyang kaanak na dapat maging negatibo muna ang resulta ng kaniyang test.

 

Nagtungo rin ito sa barangay health center ng Olympia, Makati subalit hindi rin ito nakakuha ng tulong.

 

Inilapit na lamang siya ng kaibigan sa Philippine Red Cross at doon naabutang nakaupo sa gilid ng kalsada sa kahabaan ng Southville sa Makati City.

 

“Nung naghahanap po ako ng matutuluyan ko, wala po akong makita sa Makati. Hanggang dun po ako nakarating sa Pasay, dun po ako naka-check in,” ani “Gem” sa kuwento sa Red Cross. “Nung pumunta po ako, ang sabi sa ‘kin, sarado raw ang barangay health center… Ang sabi po sa ‘kin, ‘Sinasabi ko sa’yo, di ka matutulungan dito.’ May binigay sa ‘kin na contact number. Landline po, kaya di ko po ma-contact.”

 

Nanawagan na lamang si PRC chairman Sen. Richard Gordon na dapat magkaroon ng tamang polisiya ang mga barangay sa pagtugon sa mga pasyente na nagpostibo sa coronavirus lalo na at isang nurse pa na mahalaga sa paglaban sa pandemya.

 

Ang nasabing pangyayari aniya ay isang malaking diskriminasyon lalo na at isang medical frontliners pa ang nadapuan ng coronavirus.

 

Umaasa ang senador na agad na maipasa ang kaniyang panukalang batas na pagbabawal ng diskriminasyon sa mga COVID-19 patients at maging ang may mga sakit.

Other News
  • Panukalang pagpapakita ng booster card bago makapasok sa mga establisyemento sa MM mahirap gawin

    SA KASALUKUYAN ay mahirap gawin ang isinusulong ni Presidential Adviser on Entrepeneurship Joey Concepcion na gawin na ding requirement ang pagkakaroon ng booster card sa NCR.     Sa Laging Handa Public briefing, sinabi ni infectious disease specialist Dr Edcel Salvana na malayo pa ang bansa sa senaryong marami na ang nakatanggap ng booster shot. […]

  • Modernisasyon sa DOH, target ni Health Sec. Herbosa ngayong 2024

    TINATARGET ngayon ng Department of Health na magpatupad ng modernisasyon sa buong Kagawaran ng Kalusugan ngayong taong 2024.     Ayon kay Health Sec. Ted Herbosa, sa ngayon ay binabalangkas na ng mga opisyal ng kanilang kagawan ang mga plano nito para gawing moderno ang DOH.     Ito ay alinsunod pa rin sa layunin […]

  • DA, tiniyak ang mas maraming tulong matapos na sumirit sa P3-bilyon ang pinsala sa agrikultura

    MINAMADALI na ng Department of Agriculture (DA) ang pagbibigay ng tulong sa mga apektadong magsasaka at mangingisda matapos na umabot sa P3 bilyon ang pinsala na dulot ng Tropical Storm Agaton.     Sa Laging Handa public briefing, tinukoy ni Agriculture Undersecretary Fermin Adriano na ang DA ay nakapag-secure na ng five assistance deliveries sa […]