PhilHealth kinalampag sa utang sa private hospitals
- Published on November 6, 2021
- by @peoplesbalita
Kinalampag ng Palasyo at Senado ang Philippine Health Insurance Corporation (PhilHealth) na bilisan ang pagbabayad sa lumalaking utang sa mga pribadong ospital.
Hinikayat ni Presidential spokesman Harry Roque si PhilHealth president at chief executive officer Dante Gierran na sundin ang utos ni Pangulong Rodrigo Duterte na bayaran na ang obligasyon sa mga pribadong ospital.
Ipinaalala pa ni Roque sa PhilHealth na maaapektuhan ang healthcare system ng bansa kung mawawala ang kooperasyon ng mga pribadong ospital.
Nakiusap din si Roque sa mga pribadong ospital na huwag ituloy ang balak dahil palagi naman silang sinusuportahan ng Pangulo.
Sinabi naman ni Sen. Grace Poe, na nasa COVID-19 pandemic ang bansa kaya hindi dapat manganib o makompromiso ang serbisyo ng mga healthcare institution nang dahil sa kakulangan ng pondo na dulot ng hindi pagbabayad ng PhilHealth.
Partikular na tinukoy ni Poe ang babala ng mga ospital na maaari silang magbawas ng operasyon o kaya ay tuluyang magsara.
Sa sandaling mangyari umano ito ay lalo lang magkakapunuan ang mga ospital sa gitna ng pandemya at madaragdagan pa ang walang trabaho.
Para naman kay Sen. Imee Marcos, kapag bumitaw ang mga ospital sa PhilHealth ay mawawalan umano ng silbi ang univeral healthcare at magiging malaking problema ang pagbabayad sa ospital ng magkakasakit na walang pera at trabaho. (Gene Adsuara)
-
Pondo ng OFW, huwag gamitin upang makatulong – Bello
Hindi pabor si Labor Secretary Silvestre Bello III sa ilang panawagan na paggamit ng trust fund na pinamamahalaan ng Overseas Workers Welfare Administration upang magbigay ng tulong sa mga nawalan ng trabaho at napauwing Pilipinong migranteng manggagawa. “Nakapagbibigay sila sa atin ng $30 bilyong dolyar kada taon. Nakakatulong sa ekonomiya natin. Kaya naman, kahit […]
-
MASTERS OF HORROR JAMES WAN, JASON BLUM JOIN FORCES FOR INSIDIOUS: THE RED DOOR
ASIDE from reuniting the original cast of the first Insidious film, original producers James Wan and Jason Blum are also back in Insidious: The Red Door, to bring the Lambert family’s terrifying saga to an epic conclusion. The final chapter of the blockbuster horror franchise opens exclusively in cinemas July 5. Watch the film’s […]
-
Carlos Yulo nagkamit ng gold medal sa Japan tournament
Nagkamit ng gold medal si Filipino gymnast Carlos Yulo sa 2021 All-Japan Senior and Masters Gymnastics Championship sa Yamagata. Sinabi ng kaniyang coach na si Munehiro Kugemiya na nakakuha rin ito ng bronze medal sa vault event. Dagdag pa nito na nagtala ng 15.30 points si Yulo sa floor exercise at […]