- April 30, 2024
-
Search in People's Balita
Ang Diyaryong Pinagkakatiwalaan
Archive for November 6th, 2021
PINAKAMABABANG AKTIBONG KASO NAITALA NG NAVOTAS
NAITALA ng Navotas City ang bagong record na pinakamababang aktibong kaso ng COVID-19 ngayong taon.
Ayon sa ulat ng sa City Health Office, ang Navotas ay mayroon lamang 31 aktibong kaso nitong Nobyembre 2 na mas mababang record noong Pebrero 6 na may 33 kaso.
“Just this Saturday, during our situationer, we expressed our intention to beat our lowest number of active cases this week. And the Navoteños delivered!” ani Mayor Toby Tiangco.
“OCTA Research has also classified Navotas as ‘very low risk.’ We congratulate and thank each Navoteño, especially our frontliners, for doing their utmost to help keep our city safe from COVID,” dagdag niya.
“Ang importante po ay wag tayong magpabaya para hindi masayang ang sakripisyo ng lahat. Pakiusap ko po na magkaisa tayong lahat. Lalo pa nating ingatan ang ating sarili para bumaba na nang todo ang mga kaso at di na mabigyan ng pagkakataon na tumaas ito ulit, na siyang magpapahirap na naman sa buhay nating lahat. Bigay todo na tayo sa pag-iingat sa sarili para matapos na ang pandemya,” sabi pa niya.
Hinikayat din ni Tiangco ang mga Navoteño na magpabakuna laban sa COVID-19.
“We have started our vaccination for 12-17 years old, with or without comorbidity. We have allocated 300 slots per day. Parents or guardian, who have yet to get their vaccine, may accompany their child and have themselves vaccinated, too. However, they need another adult to assist them in case they experience side effects,” aniya.
Nagbukas ang Navotas ng tatlong site para sa pediatric vaccination. Kailangang magtakda ang magpapabakuna ng appointment sa pamamagitan ng https://covax.navotas.gov.ph/ at pumili sa Navotas City Hospital, Kaunlaran High School, o Tumana Health Center bilang kanilang vaccination site. (Richard Mesa)
HERBERT, pasok sa Magic 12 ng mga tumatakbong senador ayon sa isang survey
TULOY kaya ang Metro Manila Film Festival ngayong 2021?
All is quiet kasi sa MMDA at MMFF Executive Committee. November 3 na pero wala pa rin silang announcement kung tuloy ang festival, especially now na papayagan na magbukas ang mga sinehan.
Hindi namin sure kung may nag-submit ng entries dahil wala ngang anunsiyo mula sa MMFF Execom.
Pero ang alam lang namin ay may plano ang TREX Entertainment na isali ang Roderick Paulate comeback movie na Mudrasta sa festival.
Directed by Julius Alfonso, this is the first film project of Kuya Dick under TRex Films.
May isang movie pa ang TREX titled Ngayon Kaya, starring Paulo Avelino and Janine Gutierrez which was selected sa summer MMFF last year, na hindi naman natuloy.
May automatic slot kaya ito sa December filmfest?
Pero kung gusto ng TREX na i-field ang Mudrasta, choice naman iyon ng producer.
May isang Dingdong Dantes film, directed by Law Fajardo, titled A Hard Day na napili rin for the summer filmfest last year. Project naman ito ng Viva Films.
A Hard Day will be the Philippine adaptation of the hit 2014 South Korean crime-action movie of Lee Sun-Kyun.
Ayon kay Noel Ferrer, spokesperson ng MMFF, magkakaroon daw ng announcement in two weeks.
‘Di ba masyado na itong late? Kulang na sa promo period ang mga film entries na mapipili.
***
SA isang survey ay pumasok sa Magic 12 si former Quezon City Mayor Herbert Bautista.
That is welcome news para sa dating QC top executive. Pero mas naniniwala kami na once marinig ng mga tao kung ano ang kanyang agenda once maluklok na senador, mas maraming bibilib sa kanya.
Mahaba ang experience ni Mayor Bistek sa political scene. He was mayor of QC for nine years at marami siyang magagandang projects for QC residents.
Naniniwala kami na he will be an asset once he becomes a senator. He can put into good use ang mga natutunan niya as a local executive.
Besides, he is a more credible candidate kaysa naman sa ibang nag-file ng candidacy as senator.
***
WE don’t remember exactly kung kailan namin unang na-interview si Cong. Vilma Santos Recto.
But we are sure it was years ago kasi we remember going to a restaurant along Makati Avenue kung saan naming nakausap ang Star for All Seasons. Kapapanalo lang niya that time ng grandslam for Relasyon, ang iconic Ishmael Bernal film sa Regal Entertainment.
Ate Vi struck as a very warm person. First time namin nag-meet personally and it was our first lengthy interview with her na isinulat namin sa defunct Focus Magazine.
Aminado kami as a new writer then, we can’t help but ma-starstruck sa mga celebrities that we encounter in the course of our job.
Pero Ate Vi made us feel relaxed and through the years, every encounter is always a pleasant one.
When we did PR jobs for Viva Films, some of the Vilma Santos movies we handled were Imortal and Ipagpatawad Mo.
Sa kanyang kaarawan noong November 3, we wish Ate Vi the best of health. And we congratulate her sa kanyang magandang record as a public servant.
(RICKY CALDERON)
SHARON, may bonggang birthday message kay Rep. VILMA; role sa ‘FPJAP’ posibleng may kaugnayan kina JULIA at ROWELL
BILANG certified Vilmanian, hindi talaga puwedeng hindi babatiin ni Megastar Sharon Cuneta ang nag-iisang Star For All Seasons at Lipa City Representative na si Vilma Santos-Recto na nag-celebrate ng 68th birthday noong November 3.
Pinost ni Sharon sa kanyang Instagram ang birthday message kalakip ng old photo ni Ate Vi, “Recently I saw on YouTube that an athlete who scored a homerun in his 40s was asked how it felt to make his first homerun at his age. His answer: “How old would you think you were if you didn’t know your age?” (I might have paraphrased this.) If me, I’d think 19 or oldest, 23. My Ate Vi would probably say the same.
“Happy, happy birthday to you, dearest Ate Vi! You are ageless to us your Vilmanians. I love you!!! May God bless you always. @rosavilmasantosrecto
Ni-repost din ni Mega ang pagbati ng netizen na si @imee_palmares.
“To someone whose movies always require a box of kleenex, happy 68th birthday! Don’t think of it as 68. Think of it as 33, with 35 years of experience!
“Siempre, I love you, ate Vi! #vilmasantos.”
Isa nga sa unang nag-react sa post ay ang anak ni Ate Vi na si Luis Manzano sa pamamagitan ng isang red heart emoji.
Samantala, inilabas na rin ang teaser post ng FPJ’s Ang Probinsyano sa nakalagay na, ‘Sa pagpapatuloy ng ika-6 na anibersaryo ng #FPJAngProbinsyano siguradong MEGAganda pa ang gabi niyo. Abangan.’
May lumabas din na, “Kalaban or kakampi? Malapit na!”
Sa November 9 naman ang media con para kay Sharon na kung saan malalaman na kung ano talaga ang role niya at kung totoo na siya ang gaganap na tunay na ina ni Julia Montes at kung may kaugnayan siya sa dating ka-loveteam at director sa mga concerts na si Rowell Santiago na gumaganap namang presidente sa action-serye ni Coco Martin.
Iba-iba naman ang reaction ng netizens:
“Hindi ako every night nakakanood nito but seems walang scenes sina coco laging si president lang. Anyare classmates?”
“Wala namang kwenta at ginagawa yung grupo ni Cardo dun kundi magtago lang. Mas interesting pa nga storyline ng mga grupo nina Richard Gutierrez Geoff Eigenmann at John Estrada. Umaandar nga yung show ngayon kahit wala yung bidang si Cardo.”
“Ang totoong asawa ni Mariano!”
“First love ni president magkikita sila sa Ilocos.”
“Baka nanay sya ni Cardo.”
“Bagong leading lady? Julia kabahan ka na.”
“Reunited with Rowell Santiago aka President.”
“In real life ay lagi silang magkatrabaho dahil si Rowell ang director ng mga concerts ni Sharon.”
“Sana hindi pabebe ang role ni Mega. Mas bet kung kontrabida sya.”
“Parang gustong gayahin ni shawie sina Gloria Romero at Anita Linda! Kayod hanggang otsenta! Lol!”
“Sharon is Coco’s ultimate idol! Good luck, Mega!”
(ROHN ROMULO)
OCTA suportado ang mungkahing ‘wag gawing requirement ang pagsuot ng face shield sa sinehan
Suportado ng OCTA Research group ang mungkahi na huwag nang gawing requirement ang pagsusuot ng face shields sa loob ng mga sinehan.
Ayon kay OCTA Research fellow Dr. Guido David, hindi makakapag-enjoy ang isang tao sa panonood ng pelikula sa loob ng sinehan kung oobligahin ang mga ito na magsuot ng face shield.
Sa katunayan, ang usapin na ito ay naungkat nga rin aniya sa Go Negosyo forum.
Tsaka, kung tutuusin, iginiit ni David na ang pinapayagan lang naman manood ng pelikula sa sinehan ay iyong mga fully vaccinated na.
Nauna nang inanunsyo ng pamahalaan ang reopening ng mga cinemas sa Metro Manila matapos na inilagay ang rehiyon sa Alert Level 3.
Pero, tanging ang mga fully vaccinated lamang na mga indibidwal ang papayagan sa 30 percent seating capacity ng mga sinehan.
Ayon sa Cinema Exhibitors Association of the Philippines (CEAP) simula Nobyembre 10 ay magbubukas na ulit ang mga sinehan.
Kabilang sa mga protocols na kailangan ng mga papasok sa cinemas ay ang pagsuot ng face shields at face masks.
MASS VACCINATION PARA SA MGA KABATAAN, UMARANGKADA NA SA MAYNILA
UMARANGKADA na sa Lungsod ng Maynila ang “mass vaccination” para sa general population ng edad 12 hanggang 17 anyos sa anim na district hospital ng nasabing lungsod ngayong araw.
Pinangunahan nina Manila Mayor Isko Moreno Domagoso at Vice Mayor Maria Sheilah “Honey” Lacuna-Pangan ang pag-iinspeksyon sa nasabing bakunahan sa Sta. Ana Hospital kung saan nagpasalamat ang Alkalde sa mga magulang na tumugon sa kanilang panawagan na pabakunahan ang kanilang mga anak kontra COVID-19.
Ayon kay Domagoso, pangarap nito na makabalik na sa kani-kanilang mga eskwelahan ang mga kabataan sa oras na maipatupad na ang limitadong “face-to-face class” sakaling mapili ang lungsod ng Maynila sa pagpapairal nito.
Ayon pa kay Domagoso, plano ng lokal na pamahalaang lungsod na dagdagan pa ang mga lugar sa pagsasagawa ng pagbabakuna sa mga kabataan. Aniya, simula sa Biyernes ay magkakaroon na rin ng pagbabakuna sa apat na mall sa lungsod at iba pang mga lugar kung saan malawak at magiging komportable ang pagbabakuna.
Ang naturang bakunahan ay ilalaan para sa mga kabataan at iba pang indibidwal na kabilang sa A1 hanggang A5 category.
Pagkakataon na rin ito para unti-unting umangat ang mga negosyo sa mga malls kung saan maaaring mamili, kumain o mamasyal habang hinihintay ng kaanak ang isa nilang miyembro na binakunahan.
Dagdag pa ng Alkalde, nananatiling “open policy” ang kanilang pamamahagi ng bakuna sa mga kabataan habang magsasagawa rin ang lokal na pamahalaan ng house to house na pagbabakuna para sa mga “bedridden” na menor de edad.
Nabatid na nasa higit 120,000 dose ng Pfizer ang naitabi ng lokal na pamahalaang lungsod na nasa kanilang cold storage facility kaya’t handa silang bakunahan ang mga kabataan na nagparehistro na sa www.manilacovid19vaccine.ph na umaabot na 53,325.
Samantala, batay sa pinakahuling ulat, nasa 1,102 na mga kabataan ang nabakunahan na kontra COVID-19 sa anim na pampublikong ospital ng lokal na pamahalaang lungsod ng Maynila ngayong tanghali. (GENE ADSUARA)
EU, kinondena ang pagpatay sa Davao journalist
KINONDENA ng European Union Delegation sa Maynila ang pagpatay kay Davao del Sur journalist Orlando “Dondon” Dinoy na binaril ng mga hindi pa nakikilalang suspek sa loob mismo ng kanyang boarding house kamakalawa ng gabi.
Si Dinoy ay residente ng Bansalan, Davao Del Sur at reporter ng Newsline.Ph at block time anchor sa Energy FM Digos.
Sa isang kalatas, pinuri naman ng delegasyon ang mabilis na aksyon ng gobyerno upang matiyak na mapananagot ang mga responsable sa pagkamatay ng nasabing reporter.
“Free media is at the heart of democracy. We condemn the killing of journalist Orlando Dinoy and commend (the) government’s prompt action to bring justice. EU stands by & protects journalists,” ayon sa kalatas.
Sinabi naman ng Presidential Task Force on Media Security (PTFoMS) na kasalukuyan nang iniimbestigahan ng mga awtoridad ang naturang insidente.
Sinabi ni Undersecretary Joel Sy Egco, PTFoMS Executive Director, na kaagad na pinakilos ng task force ang mga ahente nito sa pamamagitan nina Atty. Perry Solis at investigation head Col. Rechie Duldulao, nang maiulat sa kanila ang nabanggit na kaso.
“Regardless of the motive, we will work doubly hard to get the killer of Dondon Dinoy, a member of the Mindanao Independent Press Council that’s an active partner of PTFoMS,” ayon kay Egco.
“Rest assured, whether official or personal in nature, we will leave no stone unturned in punishing her killer. Dondon is a member of the LGBT community and was not hard-hitting. In fact, he had no known enemies,” dagdag na pahayag nito. (Bishop Jesus “Jemba” M. Basco)
NCR, lifted na ang general curfew simula November 4
SIMULA Nobyembre 4 ay ‘lifted’ na ang general curfew sa National Capital Region (NCR).
Sinabi ni Metropolitan Manila Development Authority (MMDA) chairperson Benhur Abalos na may ilang local government units ang mananatiling ipatutupad ang curfew para sa mga menor de edad.
“Pumayag ang mga mayors na i-lift ang curfew this starting November 4 ,” ayon kay Abalos.
“However, meron silang mga curfew on minors. So ‘yun, existing pa rin ‘yun,” dagdag na pahayag nito.
Simula, Oktubre 13, ang curfew sa Kalakhang Maynila ay itinakda simula alas-12 ng hatinggabi hanggang alas-4 ng madaling araw.
Nauna rito, sinabi ni Abalos na pumayag ang mga mall operators na palawigin ang kanilang operating hours dahil sa paparating na holiday season subalit ang alalahanin lamang ng mga ito ay ang curfew at ang limitadong public transport.
Ipinanukala ni Abalos ang ekstensyon ng mall hours dahil ang bilang ng mga sasakyan sa EDSA ay tumaas na maaaring maging daan para sa mas mabigat na daloy ng trapiko.
Para sa limited capacity sa public transport, sinabi ni Abalos na ang Inter-Agency Task Force (IATF) for the Management of Emerging Infectious Diseases ay pinalawig na ito ng 70%.
Ang Alert Level 3 na kasalukuyang nakataas ngayon sa Metro Manila ay pinalawig mula Nobyembre 1 hanggang 14.
Sa ilalim ng Alert Level 3, may ilang establisimyento kabilang na ang restaurants, gyms, cinemas at movie houses — ay papayagan na mag-operate ng 30% indoor venue capacity para lamang sa fully vaccinated individuals at 50% outdoor venue capacity, kaikangan lamang na ang kahat ng empleyado ay fully vaccinated. (Daris Jose)
PhilHealth kinalampag sa utang sa private hospitals
Kinalampag ng Palasyo at Senado ang Philippine Health Insurance Corporation (PhilHealth) na bilisan ang pagbabayad sa lumalaking utang sa mga pribadong ospital.
Hinikayat ni Presidential spokesman Harry Roque si PhilHealth president at chief executive officer Dante Gierran na sundin ang utos ni Pangulong Rodrigo Duterte na bayaran na ang obligasyon sa mga pribadong ospital.
Ipinaalala pa ni Roque sa PhilHealth na maaapektuhan ang healthcare system ng bansa kung mawawala ang kooperasyon ng mga pribadong ospital.
Nakiusap din si Roque sa mga pribadong ospital na huwag ituloy ang balak dahil palagi naman silang sinusuportahan ng Pangulo.
Sinabi naman ni Sen. Grace Poe, na nasa COVID-19 pandemic ang bansa kaya hindi dapat manganib o makompromiso ang serbisyo ng mga healthcare institution nang dahil sa kakulangan ng pondo na dulot ng hindi pagbabayad ng PhilHealth.
Partikular na tinukoy ni Poe ang babala ng mga ospital na maaari silang magbawas ng operasyon o kaya ay tuluyang magsara.
Sa sandaling mangyari umano ito ay lalo lang magkakapunuan ang mga ospital sa gitna ng pandemya at madaragdagan pa ang walang trabaho.
Para naman kay Sen. Imee Marcos, kapag bumitaw ang mga ospital sa PhilHealth ay mawawalan umano ng silbi ang univeral healthcare at magiging malaking problema ang pagbabayad sa ospital ng magkakasakit na walang pera at trabaho. (Gene Adsuara)
NCR , nasa ilalim na ng alert level 2
SIMULA Nobyembre 5 ay nasa Alert Level 2 na ang Kalakhang Maynila.
Ito’y matapos aprubahan ng Inter-Agency Task Force (IATF) ang “de-escalation” ng National Capital Region (NCR) sa Alert Level 2.
Magiging epektibo ito mula Nobyembre 5 hanggang Nobyembre 21, 2021.
Bukod dito, inaprubahan din ng IATF ang rekomendasyon ng sub-Technical Working Group on Data Analytics na “to base the alert level assignments on data that is nearest to the implementation date.”
Simula Disyembre 1, 2021, ang alert level assignments ay idedetermina tuwing kada 15th at 30th ng buwan.
“Escalations, on the other hand, may be done at any time in the middle of the implementation period as warranted while de-escalations can only be done at the end of the 2-week assessment period,” ayon kay Presidential Spokesperson Harry Roque.
Inatasan naman ng IATF ang National Task Force Against COVID-19 (NTF), kasama ang Regional Task Forces and Regional IATFs, na magbjgay ng weekly feedback sa progreso at implementasyon sa lahat ng lugar na identified para sa Alert Level System roll-out sa IATF.
Idagdag pa, inamiyendahan ng IATF ang guidelines sa implementasyon ng Alert Levels System for COVID-19 Response sa mga pilot areas upang linawin ang papayagan lamang na paggalaw ng mga tao sa ilalim ng iba’t ibang alert levels.
Samantala, para sukatin ang tagumpay ng implementasyon ng NTF-approved Phase IV of the National Action Plan Against COVID-19 (NAP Phase IV), ang mga sumusunod na “recovery indices” ay kailangan na gamitin gaya ng “for Infection Management, the indices are the number of severe and critical cases per month, time gap from detection to isolation, and tests per case; for Vaccine Roll-out, the indices are the total vaccines administered per capita, new vaccine doses administered per capita, and fully vaccinated individuals; and finally, for Socio-Economic Recovery, the indices are the Purchasing Managers’ Index by IHS Markit, google mobility to retail and recreation, and number of commercial airline passengers.” (Daris Jose)