Pinagselosan ng naging ex-bf ng singer/actress: Kuya KIM, inamin na nagkaroon talaga ng feelings noon kay GENEVA

INAMIN ni Kuya Kim Atienza sa progamang Mars Pa More, na nagkaroon siya ng feelings noon para kay Geneva Cruz.

Sinagot lang ni Kuya Kim ang tanong sa segment ng show na ‘On The Spot’. Ang tanong ay: Sabi ko na nga ba, dapat inamin kong may feellings ako noon para kay—-, naging kami sana.”

Mabilis na sagot ni Kuya Kim: “May feelings ako Geneva dati.”

Noon ’90s pa raw magkaibigan sila Kuya Kim at Geneva. Madalas daw silang nagkakasama, pero hindi raw alam ni Geneva na may nararamdaman sa kanya noon si Kuya Kim.

Sey ni Geneva: “Hindi ko talaga alam. Actually pinagselosan si Kim ng dalawang ex ko!”

Dahil sa pagkaka-link noon sa dalawa, nagkaroon daw ng issue at muntik na raw mauwi sa isang gulo.

Pero hindi na ito dinetalye ni Kuya Kim at Geneva dahil matagal na raw nangyari iyon at may kanya-kanya na silang pamilya.

***

SOBRANG na-miss ni Kris Bernal ang kanyang mister na si Perry Choi dahil inabot ng 36 days ang lock-in taping niya para sa GMA teleserye na Artikulo 247.

Kaya noong ma-packup na sila, mabilis itong umuwi sa kanilang bahay para makasama na niya ang mister.

“Reunited after 36 days,” caption ni Kris sa kanyang Instagram Stories.

Huling pagkikita nila ni Perry ng personal ay noong Valentine’s Day nang dumaan ang mister sa kanilang taping location para ihatid ang bouquet of roses sa kanya. Pero hindi raw nakalapit ang mister sa kanya dahil pagsunod sa safety protocol ng produksyon.

Noong matapos na ang taping, nagpasalamat sa social media si Kris sa lahat ng nakasama niya sa teleserye.

“To my co–workers on the set, thank you for constantly challenging me to reach new heights in my personal and professional skills. Your support, enthusiasm, and encouragement have fuelled these baby embers into a blazing fire.”

Kung matatandaan ay naging kapalit si Kris sa role ni Jackie Rice sa Artikulo 247. Bigla kasing nag-backout sa teleserye si Jackie dahil sa isang personal na dahilan.

***

PINURI ng Hollywood actress na si Zoe Kravitz ang Filipino-American stunt coordinator na si Robert Alonzo na nakatrabaho niya sa pelikulang The Batman kunsaan gumaganap siya bilang si Selina Kyle a.k.a. Catwoman.

Nag-train daw ng stunts si Zoe sa ilalim ni Alonzo na second unit director din nila sa pelikula. Napag-alaman din ng aktres na si Alonzo ay ang unang martial arts teacher niya noong bata pa siya.

“We would joke around and say that I’ve been training for this part since I was eight years old. It was really amazing to see where Rob has gone in his career,” sey ni Zoe.

Malaki raw ang respeto ni Zoe sa mga stunt people na parati niyang nakakatrabaho sa ilang pelikula niya. Hindi lang daw basta physical training ang tinuturo sa kanila.

“Stunt people would focus solely on the physical aspect of training. But it also focuses on the characters and where they are emotionally and then turns that into physicality. So that’s really rare and as an actor I’m very grateful for that,” diin pa niya.

Isang karangalan daw na gumanap si Zoe bilang si Catwoman. Nakasama na siya sa mga aktres na naging Catwoman tulad nina Halle Berry, Anne Hathaway, Michelle Pfeiffer, Eartha Kitt, Lee Meriwether at ang original Catwoman na si Julie Newmar.

(RUEL J. MENDOZA)