Pinakilala na si Carla sa buong pamilya sa Amerika: WIL, nagsalita na tungkol sa pagkaka-engage ng ex-gf na si ALODIA

OPEN na ang ‘Lolong’ actress na si Arra San Agustin sa kanyang relasyon sa PBA player na si Juami Tiongson.

Si Juami ang naging date ni Arra sa naganap na GMA Thanksgiving Gala. Iyon daw ang first time na makita silang dalawa sa isang public event.

Sey ni Arra sa relasyon nito kay Juami: “Kung ano ‘yung ikakasaya ng heart, then why not express it, why not show it?”

Dating player si Juami para sa Ateneo Blue Eagles, at kasama naman ngayon sa koponan ng Terrafirma Dyip sa PBA. Hinirang ito na Most Improved Player ng team nila.

Proud nga na i-post ni Juami ang mga photos nila ni Arra sa GMA Gala Night. .
Nagpo-post din si Juami ng mga larawan na kasama niya si Arra. Kabilang dito ang dinaluhan nilang GMA Gala Night.

May caption ito na: “All I need in this life of sin.”

Very supportive daw si Juami sa showbiz career ni Arra at gayun din ang aktres sa basketball career ni Juami.

“Halos same din ‘yung sistema ng industriya nila sa atin, ‘yun nga lang, tayo, kami siyempre may iba ibang partners sa mga teleserye or sa mga iba pang ganap, so ‘yun lang ‘yung ipapaliwanag,” sey pa ni Arra na “baby” ang term of endearment nila ni Juami.

Sa ‘Lolong: Ang Bagong Yugto’, papasok ang mga bagong tauhan na kinabibilangan nila Vin Abrenica, Alma Concepcion, Rafael Rosell, Lucho Ayala at Thea Tolentino.

***

NAGSALITA na si Wil Dasovich tungkol sa pagkaka-engage ng kanyang ex-girlfriend na si Alodia Gosiengfiao.

Na-engage kamakailan ang tinaguriang Cosplay Queen sa businessman na si Christopher Quimbo ilang buwan pagkatapos itong maipag-break kay Dasovich. Naghiwalay sila noong November 2021.

Sey ni Dasovich na masaya siya para sa ex-girlfriend: “At the end of the day, I just want everyone to be happy, you know?”

Tungkol naman sa sarili niyang lovelife, hindi pa rin kinukumpirma ni Dasovich kung girlfriend na nito ang aktres na si Carla Humphries at kung kelan ito magse-settle down na.

Sagot lang niya sa mga marites: “It’s doing alright, you know? It’s okay. It’s alive and well.”

Pinakilala na kasi ni Dasovich si Carla sa kanyang buong pamilya sa Amerika. Isa lang kasi ang ibig sabihin nito… paghahanda na ito sa pagpapakasal.

Pero sa tanong kung kelan magse-settle down si Wil, ang sagot niya ay: “I don’t know. Not anytime soon.”

***

HINDI na na-survive ng Hollywood actress na si Anne Heche ang kinasangkutan nitong car accident noong nakaraang August 5 sa Mar Vista, California.

Na-comatose ito at na-declare nang legally dead. She was 53. Grabe ang natamong brain injury ng aktres pagkatapos sumalpok ang minamaneho niyang Mini-Cooper sa isang two-storey building sa Mar Vista.

Ayon sa report ng E! News: “Having lost all brain function, Anne Heche is legally dead according to California law.”

Nagpadala na ng official statement ang pamilya ni Heche na inalis na ito sa life support: “Today we lost a bright light, a kind and most joyful soul, a loving mother, and a loyal friend. Anne will be deeply missed but she lives on through her beautiful sons, her iconic body of work, and her passionate advocacy. Her bravery for always standing in her truth, spreading her message of love and acceptance, will continue to have a lasting impact.”

Sa ginawang blood test kay Heche, positive ito for narcotics: cocaine and fentanyl. Nagmamaneho pala ito under under the influence kaya ito nabangga sa building.

Nakilala si Heche sa soap opera na Another World noong 1991 at nanalo siya rito ng Daytime Emmy Award bilang Outstanding Female Newcomer.

Lumabas siya sa mga pelikulang malalaking ’90s Hollywood films tulad ng Donnie Brasco, Six Days Seven Nights, I Know What You Did Last Summer, Volcano, Wag The Dog, The Juror, Prozac Nation, Arthur Newman, What Love Is, The Third Miracle at ang remake ng Psycho ni Alfred Hitchcock.

Sa TV ay lumabas siya sa Ally McBeal, Everwood, Hung, Save Me, Aftermath, Chicago P.D., and Men In Trees kunsaan nanalo siya ng Primetime Emmy Award for best supporting actress.

Naging usap-usapan ang lovelife ni Heche noong makarelasyon niya ang talk show host na si Ellen DeGeneres noong 1997 at naghiwalay sila noong 2000. Dahil sa breakup ay nagkaroon ng mental breakdown si Heche at natagpuan siyang pagala-gala na naka-bra at shorts lang sa Cantua Creek, California. Dinala siya sa isang mental facility sa Fresno.

Kinasal si Heche kay Coleman Laffoon in 2001 pero nag-divorce sila in 2007. Meron silang isang anak na lalake. Nagsama sila ng co-star niya sa Men In Trees na si James Tupper at nagkaroon sila ng anak na lalake noong 2009. Naghiwalay sila noong 2018.

(RUEL J. MENDOZA)