Pinoy na walang trabaho sumirit sa 2-M sa paglobo ng inflation rate
- Published on May 9, 2024
- by @peoplesbalita
LUMOBO sa 3.9% ang unemployment rate sa Pilipinas nitong Marso matapos ang panandaliang pagbaba noong Pebrero, ayon sa Philippine Statistics Authority (PSA) ngayong Miyerkules.Umabot na kasi sa dalawang milyon ang walang trabaho sa Pilipinas, ayon sa March 2024 Labor Force Survey na inilathala ng PSA ngayong Miyerkules.
Mas mataas ito kaysa sa unemployment rate noong Pebrero na noo’y nasa 3.5%, bagay na katumbas ng 1.8 milyong Pinoy.
Narito ang ilang datos mula sa pag-aaral:
Unemployment rate: 3.9%
Unemployed: 2 milyon
Employment rate: 96.1%
Employed: 49.15 milyon
Underemployment rate: 11%
Underemployed: 5.39 milyon
Labor force participation rate: 65.3%
Labor force: 51.15 milyon
Kasabay nito ang pagbaba ng employment rate mula sa 96.5% (o katumbas ng 48.95 milyon) noong Pebrero. Maliban pa ito sa pagtaas ng labor force participation mula sa dating 64.8%.
Kapansin-pansing bumaba ang underemployment rate, o porsyento ng mga naghahanap ng karagdagang trabaho, bagay na nasa 12.4% isang buwan bago inilabas ang datos.
Gayunpaman, tumaas ang oras na karaniwang ino-overtime ng mga empleyado sa 40.7 oras/linggo kumpara sa 40.1 average hours kada linggo noong February 2024.
“Sa mga employed na kalalakihan nitong Marso 2024, 12.4 percent sa kanila ay underemployed. Higit na mas mataas ito kumpara sa underemployment rate ng mga kababaihan na nasa 9.0 percent lamang,” sabi ng PSA sa isang tweet.”
“Kung ang datos ng pangunahing sektor naman ang ating susuriin nitong Marso 2024, ang services sector pa rin ang nanatiling bumubuo sa pinakamalaking bahagi ng labor force na may 61.4 percent share.”
Naiulat ang mas mataas na kawalang trabaho isang araw matapos ibalitang tumaas sa 3.8% ang inflation rate — o bilis ng pagtaas ng presyo ng bilihin — noong Abril.
Ngayong araw lang nang magkasa ng kilos-protesta ang Bukluran ng Manggagawang Pilipino (BMP), Kilusang Mayo Uno (KMU), Nagkaisa! Labor Coalition (NAGKAISA!), at Trade Union Congress of the Philippines (TUCP) sa Kamara para ipanawagan ang P150 pagtataas ng minimum na sahod.
Other News
-
Metro Manila mayors OK single ticketing system
Binigyan na ng go-signal ang final draft ng single ticketing system sa National Capital Region (NCR) ng Metro Manila Council (MMC) kung saan ang mga Metro Manila mayors ay pumayag ng ipatupad ang programa. “The Metro Manila mayors gave their go-signal for the implementation of the unified ticketing system. There was a […]
-
Matapos maglabas ng joint statement: BOY, mananahimik muna sa hiwalayang BEA at DOMINIC
KAUGNAY sa mga bagong na pahayag nina Bea Alonzo at Dominic Roque tungkol sa hiwalayan nilang dalawa ay may malamang pahayag din si King of Talk Boy Abunda. “There’s a time to speak up and a time to shut up.” Walang kagatol-gatol na pahayag pa ng host ng “Fast Talk with Boy Abunda” ng […]
-
Ads December 17, 2020